Apocalipsis 5:9 - Bible in Tzotzil de Chenalhó with Deuterocanon

⁹ La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Tzotzil Zinacantan

⁹ Isqꞌuevujintaic jcoj achꞌ qꞌuevuj. Jaꞌ yech chal chac liꞌi: Jaꞌ yech smelol ti voꞌot chavichꞌ li vune, ti chatotsbe li spaqꞌue, yuꞌun voꞌot avacꞌ aba ta milel. Ta achꞌichꞌel amanoticotic, voꞌoticotic ti chitunoticotic xa yuꞌun ti Rioxe, jcotolticotic ti jaylajuntos jtsꞌunbalticotic ta sba balamile, ti jaylajuntos jcꞌopticotique, ti butic nacional nacaloticotique.

Bible in Tzotzil de Chamula

⁹ Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

Tzotzil San Andres

⁹ La sqꞌueojintaic jun achꞌ qꞌueoj. Jech chal: Joꞌot noꞌox atuc ti naca lec li cꞌusi la apase jech ijuꞌ avuꞌun la avichꞌ li june, schiꞌuc xuꞌ avuꞌun chatuchꞌbe li spaqꞌue. Yuꞌun joꞌot la avacꞌ aba ta milel. Ta achꞌichꞌel la aman li buchꞌutic ta xtuneic yuꞌun Dios ti butic xa oyic ta spꞌejel balumile.

Tzotzil de Huixtán

⁹ Ach' q'uejoj laj sq'uejintaic. Hech ti sbie: Atuc ihu' xa avu'un laj avich' ti hune. Atuc xu' avu'un chatuch'be ti selloe. Yu'un ho'ot laj avac' aba ti milel. Ti ach'ich'el laj aman loq'uel ti sc'ob ti pucuje ep crixchanoetic talemic ti sjoylejal balumil ti jaylajuntos ti oyic ti balumile.

Apocalipsis 5:9 Iomraidhean Croise

Salmos 144:9

Dios cu'un, ta jq'uejinta ach' q'ueoj ta aventa; ta jq'uejinta q'ueojetic ta arpa.

Salmos 149:1

Quich'tic ta muc' li Diose. Q'uejintaic ta ach' q'ueoj li Muc'ul Diose; ac'o yich' q'uejintabel slequilal te yo' bu tsobol li yu'untaque.

Salmos 33:3

Q'uejintaic ta ach' q'ueojetic; lec me xatijic c'alal chavich'ic ta muc' li Muc'ul Diose.

Salmos 40:3

Laj yac' loc'uc ta que ach' q'ueoj, ja' puru slequilal li Dios cu'une. Ep boch'otic laj yilic, jech lic yich'ic ta muc' li Muc'ul Diose; lic xch'unic o.

Salmos 96:1

Jq'uejintatic ach' q'ueoj ta sventa li Muc'ul Diose; q'uejinanic yu'un Muc'ul Dios acotolic jnaclumetic ta sbejel banamil.

Salmos 98:1

Q'uejintaic ta ach' q'ueoj li Muc'ul Diose, yu'un spasoj xa ep muc'tic sq'uelubiltac; laj xa spas canal ta sventa smuc'ul stsatsal.

Isaías 42:10

Q'uejintaic ta ach' q'ueoj li Muc'ul Diose, vo'oxuc ti te oyoxuc ta namal banamile, vo'oxuc ti chaxanovic ta barcoetic ta nabe, vo'oxuc ti te ch'iemoxuc ta yut nabe, vo'oxuc li lumoxuc ta ti'ti' nabe, xchi'uc vo'oxuc ti yajvaloxuc lumetique albeic slequilal li Muc'ul Diose.

Daniel 3:4

Li boch'o yich'oj yabtel ta xal c'alal chlic q'uine tsots ic'opoj, jech laj yal: “A'yo ava'yic acotolic ta jujun lum, ta jujun banamil, ta jujuchop c'op:

Daniel 4:1

“Vu'un li ajvalil Nabucodonosorune, chacalboxuc acotolic ta jujun lum, ta jujun banamil, ta jujuchop ac'opic ti nacaloxuc ta scotol banamile: Junuc avo'ntonic, lec oyanic o.

Daniel 5:19

Ta sventa ti la smuq'uibtasbe yabtele, jech lic ich'atuc ta muc' yu'un scotol li cristianoetic ta jujun lum, ta jujun banamil, xchi'uc ta jujuchop c'ope; xi'bil o yu'un scotolic. Li boch'o tsc'an tsmile la smil; li boch'o mu sc'an smile mu'yuc la smil. Li boch'o tsc'an chac' ta ich'el ta muq'ue laj yac' ta ich'el ta muc'; li boch'o tsc'an tsbic'tajese solel la sbic'tajes o.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

1 Corintios 6:20

Yu'un toyol atojol la stojoxuc li Diose, ja' yu'un tsc'an chavich'ic ta muc' Dios xchi'uc li abec'talique.

1 Corintios 7:23

Yu'un toyol atojol la stojoxuc li Diose, mu me ja'uc xavac' abaic ta mozoinel yu'un cristiano.

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Efesios 5:19

Ja' lo'iltabo abaic c'usi chal li salmoetique, li q'ueojetique, xchi'uc li bic'tal q'ueojetic yu'un Diose. Q'uejintaic, ich'ic ta muc' Cajvaltic ta scotol avo'ntonic.

Colosenses 1:14

Ja' li Xnich'on ti la smanutic ta xch'ich'ale, ti ja' ta sventa la jtatic perdón yu'un jmultique.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 11:14

Li boch'otic jech chalique jamal chaq'uic ta a'yel ti yochelic sa'el li mero slumalique.

2 Pedro 2:1

Pero oy ono'ox ilic jlo'lavanej j'alc'opetic ta stojol li israeletique. Ja' jech ta xlic jlo'lavanej jchanubtasvanejetic ta atojolic ec li vo'oxuque. Ja' ta xchanubtasvanic ta sventa li c'usi mu meleluc ti ja' sventa ch'ayele. Ja' ta scomtsanic li Yajvalic ti ja' itojbunuc smulique. Ti jech tspasique, jech ta xich'ic ta ora li stojol smulique.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

Apocalipsis 10:11

Jech laj yalbun: “Tsots sc'oplal tsc'an chaval yan velta c'usi chc'ot ta pasel ta stojol li epal lumetique, li jujun banamile, li jujuchop c'ope, xchi'uc li ajvaliletique”, xiyutun.

Apocalipsis 11:9

Li chibique o'lol xchanibal c'ac'al te chq'uelbat sbec'talic yu'un scotol cristianoetic ta jujun lum, ta jujuchop sts'unubalic, ta jujuchop sc'opic, xchi'uc ta jujun banamil. Mu xaq'uic ti ac'o mucbatuc li sbec'talique.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Apocalipsis 17:15

Jech laj yalbun noxtoc: “Li epal vo' yo' bu chotol jmulavil ants laj avile ja' senyail epal cristianoetic ta jujun lum, ta jujun banamil, xchi'uc ta jujuchop c'op.

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.

Apocalipsis 5:12

Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Apocalipsis 5:6

C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.