Apocalipsis 5:6 - Bible in Tzotzil de Chenalhó with Deuterocanon

⁶ C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.

Tzotzil Zinacantan

⁶ Oy tey cotol iquil jcot chꞌiom tot chij ta oꞌlol yoꞌ bu ti Rioxe, yoꞌ bu li chanvoꞌe, yoꞌ bu li veinticuatro moletique. Li chꞌiom tot chije tey seña ta spat xocon ti imilee pero ichaꞌcuxi. Jaꞌ seña ti jaꞌ ti Cajvaltic Jesuse. Oy vucub xulub, oy vucpꞌej sat, jaꞌ seña ti Chꞌul Espíritue ti itaque tal ta sjunlej balamile.

Bible in Tzotzil de Chamula

⁶ C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Tzotzil San Andres

⁶ Iquil te cotol jcot chexel chij ta oꞌlol li yoꞌ bu oy li Diose, schiꞌuc li chanvoꞌique, schiꞌuc li chanib schaꞌvinic banquilaletique. Li chexel chije oy yav ta sbecꞌtal ti imilee pero ichaꞌcuxi. Jaꞌ svinajeb ti jaꞌ li Cajvaltique. Oy jucub xulub schiꞌuc jucpꞌej sat, jaꞌ senyail li Chꞌul Espíritu ti itaque talel ta spꞌejel balumile.

Tzotzil de Huixtán

⁶ Hech yu'un laj jq'uel. Te ti o'lol yo' bu nacal ti Diose joyubtabil yu'un ti chanvo'ique xchi'uc ti veinticuatro ti vo' ti totiletique laj quil oy te cotol jun to jcot ch'iom carnero x'elan. Chvinaj ti imilate icha'cuxi xa. Ja' señail ti Cajvaltique ti ch'iom carnero x'elane. Hucub ti xulube, hucp'ej ti sate. Ti hucp'ej sate ja' señail ti Ch'ul Espíritue ti huctos yich'oj sbae ti ja' itacat batel ti sjoylejal balumil.

Apocalipsis 5:6 Iomraidhean Croise

2 Crónicas 16:9

Yu'un li Muc'ul Diose ja' sq'ueloj scotol li banamile, jech xu' chac' ta ilel svu'el ta stojol li boch'o scotol yo'ntonic tsc'anic coltael yu'une. Ta scoj abolil ti jech laj apase, ja' yu'un li' ta ora xchi'uc le' to batele chlic ep pleito ta atojol”, xut.

Daniel 7:14

Laj yich' ac'bel tsots yabtel; laj yich' ac'bel svu'el, xchi'uc laj yich' ac'bel spas mantal. Li cristianoetic ta jujun lum, ta jujun banamil, ta jujuchop c'ope te chtunic ta stojol. Li yabtel i'ac'bate mu xlaj sc'oplal o; li yabtel ta ajvalilale mu xu' chich' tuch'bel o.

Daniel 8:3

C'alal lic jtoy sate, laj quil te oy ta ti' uc'um jcot tot chij, oy chib natic xulub. Li jun xulube xjelov snatil, pero ja' ts'acal ich'i.

Miqueas 4:13

“Lum Sión, lican me, tec'o li trigo jech chac c'u cha'al tspas li vacaxe, yu'un li axulube ta xcac' c'otuc jech chac c'u cha'al tsatsal taq'uin; li avoye ta xcac' c'otuc jech chac c'u cha'al bronce, jech chlic aju' ta teq'uel ep lumetic. Li c'usitic chapoje chavoc' sventa chavac'bun ta jtojol, vu'un li Muc'ul Diosune; li sc'ulejalique ja' cu'un o chc'ot, vu'un li Ajvalilun ta sbejel banamile”, xi li Diose.

Habacuc 3:4

Li xojobal chtale sacuben no'ox jech chac c'u cha'al luz, sts'aylajet no'ox xojobal chloc' ta sc'ob; ja' svinajeb ti te nac'al li svu'ele.

Zacarías 3:9

Josué, li' ta asat laj cac' jbej ton. Li ton le'e ja' no'ox stuc oy vucbej sat; vu'un jtuc oy c'usi te ta jts'iba. Ts'acal to, ta jun no'ox c'ac'al ta jch'aybe smul li banamil li'i.

Zacarías 4:10

Li boch'otic mu'yuc stu laj yilic li yunin liqueb yabtel Zorobabele, xcuxet no'ox yo'ntonic ta ts'acal ti c'alal chilic tstsuts xa batel li abtele”, xi li Diose. Li j'almantale jech laj yalbun: “Li vucub candiletic laj avile ja' senyail sat li Muc'ul Diose yu'un sq'ueloj o scotol li banamile”, xiyutun.

San Lucas 1:69

Yu'un la stacbutic tal Jcoltavanej cu'untic ti toj ech'em stsatsale; ja' te iloc' ta smomnich'on David, ja' li yajtunele.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

San Juan 1:36

C'alal laj yil te ta xanov li Jesuse, jech laj yal: —Q'uelavilic, le' oy li ch'ium chij yu'un Diose —xi.

Hechos 8:32

Li sc'op Dios ta sq'uele jech chal: “Ta x'ic'at batel yu'un chbat yich' milel jech chac c'u cha'al jcot ch'ium chij. Ja' jech chc'ot jech chac c'u cha'al ch'ium chij ti ch'anxi c'alal ch'ich' loc'bel stsotsile. Ja' jech mu'yuc c'usi ta xal jbeluc.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 14:1

Ts'acal laj quil te oy ta jol vits Sión li Ch'ium Chije. Te xchi'uc chanib xvaxacvinic ta mil (144,000) cristianoetic, ja' li boch'otic ts'ibabil ta sti'baic sbi li Ch'ium Chije xchi'uc sbi li Stote.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 21:23

Li lume mu xa xtun yu'un xojobal c'ac'al, xchi'uc xojobal u, yu'un ja' xa te oy xojobal stuc li Diose. Ja' xa sluzic c'otem o li Ch'ium Chije.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:3

Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Apocalipsis 5:11

C'alal jq'ueloje, laj ca'ay chc'opoj epal j'almantaletic te ta joyob li chotlebale, xchi'uc ta joyob yo' bu oy li chanibique xchi'uc li chanib xcha'vinic (24) banquilaletique. Li j'almantaletique bats'i ep ta millón ta jyalel.

Apocalipsis 5:12

Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Apocalipsis 5:13

Laj ca'ay ic'opoj scotol li c'usitic pasbilic ta vinajel, ta banamil, ta yut banamil, ta nabetic, xchi'uc scotol li c'usitic te oye, jech laj yalic: “Li Boch'o te chotol ta chotlebale xchi'uc li Ch'ium Chije ac'o albatuc slequilal yutsilal, ac'o ich'atuc ta muc', ac'o yich' svu'elic o sbatel osil”, xiic.

Apocalipsis 5:14

Li chanib c'usi cuxajtique jech laj yalic ec: “Jechuc”, xiic. Li chanib xcha'vinic (24) banquilaletique la spatan sbaic ta banamil; laj yich'ic ta muc' li Boch'o cuxul o sbatel osile.

Apocalipsis 6:16

Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.

1 Samuel 2:10

Li Muc'ul Diose biq'uitic tslilin li yajcontrae; c'alal to ta vinajel tst'omesbe tal chauc ta stojolic. Li Muc'ul Diose ja' chchapan sbejel banamil. Chac'be stsatsal li ajvalil st'ujoje; toj ep stsatsal svu'el chac'be”, xi li Anae.