Apocalipsis 5:13 - Bible in Tzotzil de Chenalhó with Deuterocanon

¹³ Laj ca'ay ic'opoj scotol li c'usitic pasbilic ta vinajel, ta banamil, ta yut banamil, ta nabetic, xchi'uc scotol li c'usitic te oye, jech laj yalic: “Li Boch'o te chotol ta chotlebale xchi'uc li Ch'ium Chije ac'o albatuc slequilal yutsilal, ac'o ich'atuc ta muc', ac'o yich' svu'elic o sbatel osil”, xiic.

Tzotzil Zinacantan

¹³ Icaꞌi noxtoc ti icꞌopoj scotol li muchꞌutic tey ta vinajele xchiꞌuc li muchꞌutic liꞌ ta sba balamile, xchiꞌuc ti muchꞌutic mucajtic ta balamile xchiꞌuc ti muchꞌutic ichamic ta mare. Iyalic scotolic: Oy slequilal li Rioxe ti tey chotol ta mucꞌta chotlebale, xchiꞌuc li chꞌiom tot chije. Ch-ichꞌe ta mucꞌ ta sbatel osil. Stuc ta spas mantal ta sbatel osil, xiic.

Bible in Tzotzil de Chamula

¹³ Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Tzotzil San Andres

¹³ Icaꞌi nojtoc icꞌopoj scotol li buchꞌutic te oyic ta vinajele, schiꞌuc scotol li buchꞌutic liꞌ oyic ta balumile, schiꞌuc scotol li buchꞌutic ichamic ta balumile schiꞌuc ta nabe li te oyic ta cꞌatinbac li yoꞌ bu ta smalaic ichꞌbeel scꞌopique. Scotolic jech laj yalic: Toj echꞌem slequilal li Dios li te chotol ta mucꞌta chotlebale schiꞌuc li chexel chije. Sbatel osil ichꞌbil ta mucꞌ. Sbatel osil ta spas mantal stuc, xiic.

Tzotzil de Huixtán

¹³ Laj ca'i lic c'opojuc scotol ti much'utic te oyic ti vinajele xchi'uc scotol ti much'utic li'oy ti balumile xchi'uc scotol ti much'utic ichamic li' ti balumile xchi'uc scotol ti much'utic ichamic te ti nabe, scotolic lic yalic: Lum lec yo'nton ti Diose ti te nacal ti muc'ta naclebale xchi'uc ti Ch'iom Carneroe. Jun yutsil ti chch'umbat sc'op sbatel osil. Jun yutsil ti tspasat ti muc' sbatel osil. Jun yutsil ti tspas mantal sbatel osil, xchiic.

Apocalipsis 5:13 Iomraidhean Croise

1 Crónicas 29:11

Vo'ot no'ox atuc oy ta aventa ich'el ta muc'; albel alequilal. Vo'ot no'ox oy atsatsal, oy avu'el; aventainoj scotol. Yu'un ja' avu'un scotol li c'usitic oy ta vinajel xchi'uc ta banamile. Vo'ot chapas ta mantal scotol, yu'un vo'ot no'ox banquilalot atuc.

Isaías 24:14

Li boch'o cuxul chcomique chlic avanicuc, yu'un toj xcuxet no'ox yo'ntonic; chlic q'uejinicuc tal c'alal ta smaleb c'ac'al, yu'un chilbeic smuc'ul stsatsal li Muc'ul Diose.

Isaías 42:10

Q'uejintaic ta ach' q'ueoj li Muc'ul Diose, vo'oxuc ti te oyoxuc ta namal banamile, vo'oxuc ti chaxanovic ta barcoetic ta nabe, vo'oxuc ti te ch'iemoxuc ta yut nabe, vo'oxuc li lumoxuc ta ti'ti' nabe, xchi'uc vo'oxuc ti yajvaloxuc lumetique albeic slequilal li Muc'ul Diose.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

San Lucas 2:14

“¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

Romanos 11:36

Yu'un ja' yu'un, ja' la spas; ja' yajval scotol li c'usitic oye. Stuc ac'o ich'atuc o ta muc' sbatel osil. Jechuc.

Romanos 16:27

Ja' yu'un stuc no'ox ac'o ich'atuc ta muc' sbatel osil ta sventa Jesucristo li Dios ti jun no'oxe, ti ech'em sbijile. Jechuc.

Romanos 9:5

Ja' jun jmoltotcutic ta vo'one, ja' te iloc' ta stojolic li Cristoe; ja' mero sts'unubalic ic'ot. Ja' li Dios ti sventainoj scotol c'usitic oye, ich'biluc ta muc' ta sbatel osil. Jechuc.

Efesios 3:21

ich'biluc ta muc' yu'un scotol li jujutsob steclumale, xchi'uc ich'biluc ta muc' ta sventa li Cristo Jesuse, xchi'uc ta sventa li jujuc'ol cristianoetic chjelovique, xchi'uc c'alal to ta slajebal c'ac'al. Jechuc.

Filipenses 2:10

Yu'un jech ta sventa sbi Jesús chlic squejan sbaic scotol li boch'otic te oyic ta vinajele, xchi'uc li boch'otic li' oyic ta banamile, xchi'uc li boch'otic oyic ta yolon banamile.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

1 Timoteo 4:16

Q'uelo me aba atuc, xchi'uc q'uelo me lec ti c'u x'elan chachanubtasvane. Ja' me te oyuc o ta avo'nton scotol li c'usitic laj calbote. Me jech chapase, chacol li vo'ote xchi'uc li boch'otic ta xa'ibot ac'ope.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.

1 Pedro 5:11

Ja' ac'o spas mantal stuc sbatel osil li Diose. Jechuc.

Apocalipsis 1:6

Ja' ti laj yac' ochcutic ta pasmantale, xchi'uc ti laj yac' ochcutic ta paleal ta stojol Diose, ja' li Stote. Jech ac'o ich'atuc ta muc' sbatel osil li Cajvaltique; ja' ac'o spas mantal stuc sbatel osil. Jechuc.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 5:1

Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.

Apocalipsis 5:12

Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Apocalipsis 5:3

Pero me junuc mu'yuc boch'o, me ta vinajel, me ta banamil, me ta yutil banamil ti xu' yu'un tsjam li vune, ti xu' yu'un ta sq'uele.

Apocalipsis 5:6

C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 6:16

Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.