Apocalipsis 4:8 - Bible in Tzotzil de Chenalhó with Deuterocanon

⁸ Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Tzotzil Zinacantan

⁸ Oy vaquib xicꞌ jujun. Oy satic noxtoc ta sjunlej li spat xoconique, xchiꞌuc ta xiqꞌuic. Oy sat ta yolon li xiqꞌuique xchiꞌuc ta sba. Ta cꞌacꞌal acꞌubal jaꞌ yech chalic chac liꞌi: Stuc noꞌox lec li Cajvaltique, mu snaꞌ saꞌel smul. Stuc noꞌox oy syuꞌel. Tey onox ti cꞌalal ipas li vinajel balamile, cuxul lavie, cuxul ta sbatel osil, xiic yoꞌ bu ti Rioxe.

Bible in Tzotzil de Chamula

⁸ Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

Tzotzil San Andres

⁸ Li jujunique oy vaquib xiqꞌuic. Schiꞌuc oy satic ta sjunul sbecꞌtalic, schiꞌuc ta jujun xiqꞌuic. Oy sat ta yolon xiqꞌuic, schiꞌuc ta sba xiqꞌuic. Cꞌacꞌal acꞌubal jech chalic: Tucꞌ yoꞌon li Cajvaltic Diose. Oy sjuꞌel, scotol yichꞌoj ta venta. Te onoꞌox oy ta voꞌone, schiꞌuc liꞌ oy cꞌalal tana, schiꞌuc te oy o sbatel osil, xiic ta stojol li Diose.

Tzotzil de Huixtán

⁸ Ti chanvo'ique vaquib xic' jujun. Oy satic ti scotol sbec'talic. Oy sat uc ti jujujech xiq'ue, ti yolon xic' xchi'uc ti spat xic'. Hech yu'un ep ti sate. Ti c'ac'al ti ac'ubal mu spajes sbaic. Scotol ora chalic: Toj yo'nton stuc ti Cajvaltic Diose. Ja' jelaven sp'ijil, ja' scotol sventainoj, ja' stalel oy sbatel osil. Ti vo'one oy, li'oy ti ora to, oy sbatel osil, xchiic ti stojol ti Diose.

Apocalipsis 4:8 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Salmos 91:1

Li boch'o chabibil yu'un li Boch'o te oy ta vinajele, ti oy ta xyaxinal li Boch'o ech'em svu'ele,

Éxodo 15:11

Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Isaías 13:6

Me'on-oc'anic, yu'un nopol xa chc'ot sc'ac'alil yu'un li Muc'ul Diose; xco'laj xchi'uc jmoj ta majel chvul li Boch'o ech'em svu'ele.

Isaías 62:1

Sión, ta sventa ti toj lec jc'anojote, muc teuc no'ox ch'anxichi chicom; Jerusalén, ta sventa ti toj c'uxot ta co'ntone, mu'yuc bu chilubtsaj ta acoltael, ja' to me ixojobaj ta atojol jech chac c'u cha'al xojobal c'ac'al li tuq'uil chapanele, ja' to me itsan ta atojol jech chac c'u cha'al toj li coltaele.

Ezequiel 1:18

Li chanib yacan caretae lec muc'tic, lec toyolic xotajtic; li xotxotile nojem ta puru satil ta joyob.

Ezequiel 1:5

Te ta o'lol noxtoque oy chanib c'usi te oy, cuxajtic yilel, xco'laj xchi'uc cristiano.

Ezequiel 1:6

Li jujunique chanjot satic xchi'uc chanib xiq'uic.

Ezequiel 10:12

Li sbec'talic, li spatic, li sc'obic, xchi'uc li xiq'uique, nojem ta puru satil. Ja' jech ec li chanib yacan caretaetique.

Joel 1:15

¡Ay, jutuc xa sc'an sta sc'ac'alil chtal yac'bot atoj amul li Muc'ul Diose! Pero toj xi'bal sba li sc'ac'alil le'e, ja' jun muc'ta lajel chamel chtal yac' li Boch'o toj ech'em svu'ele.

Hechos 20:31

Ja' yu'un viq'uiluc me asatic. Mu me xch'ay ta avo'ntonic ti oxib jabil ta c'ac'al ta ac'ubal laj calboxuc ava'yic c'usi lec ta pasel li jujunoxuque; ep la coc'taoxuc.

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

1 Tesalonicenses 2:9

Quermanotac, xana'ic lec c'u x'elan tsots li'abtejcutic, xchi'uc c'u x'elan lubel laj ca'icutic ta sventa ti laj cac'cutic persa c'alal te oyuncutic ta atojolique. Laj avilic ti ta c'ac'al ta ac'ubal tsots li'abtejcutic sventa chicuxicutique, yu'un jech muc xcac'cutic avocolic ti c'alal te la jcholcutic ava'yic li Lequil A'yej yu'un Diose.

1 Timoteo 4:16

Q'uelo me aba atuc, xchi'uc q'uelo me lec ti c'u x'elan chachanubtasvane. Ja' me te oyuc o ta avo'nton scotol li c'usitic laj calbote. Me jech chapase, chacol li vo'ote xchi'uc li boch'otic ta xa'ibot ac'ope.

2 Timoteo 4:2

Cholo o me batel li sc'op Diose. Ac'o persa, ac'o me yorail lec cha'yic, o me yorail mu'yuc lec cha'yic. Aq'uilanbo sna'ic, alilanbo ya'yic, tijbo yo'ntonic. Ta smuc'uluc me avo'nton xachanubtas.

Hebreos 13:8

Li Jesucristoe mu sna' xjel o. Ja'o volje, ja'o li' ta ora; ja'o c'alal ta sbatel osil.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 11:17

Jech laj yalic: “Colaval, Cajvaltic Dios, vo'ot ti ech'em avu'ele, vo'ot ti te ono'ox oyot ta vo'onee ti li' oyot o ta orae. Colaval ti vo'ot no'ox oy avu'el atuque, ti vo'ot xa chlic apas mantal atuque.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 14:3

Tsq'uejintaic jun ach' q'ueoj te yo' bu chotol li Diose, xchi'uc ta stojol li chanibique, xchi'uc ta stojol li chanib xcha'vinic (24) banquilaletique. Mu'yuc boch'o yan xu' chchan li q'ueoje. Ja' no'ox stuc xchanojic li chanib xvaxacvinic ta mil (144,000) icolic loq'uel ta stojol cristianoetic li' ta banamile.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Apocalipsis 15:7

Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.

Apocalipsis 16:7

Laj ca'ay oy boch'o chc'opoj noxtoc te ta scajleb smoton li Diose, jech laj yal: “Cajval Dios, vo'ot ti ech'em avu'ele, tuc' chachapanvan, melel scotol li c'usitic chavale”, xi.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.

Apocalipsis 19:4

Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 4:6

Ta yeloval li chotlebale, xco'laj xchi'uc nab yilel, sts'ayts'un jech chac c'u cha'al nen. Ta mero stuq'uil, xchi'uc ta spat xocon li muc'ta chotlebale oy chanib c'usi cuxajtic nojemic ta satil. Oy sat ta yelovic xchi'uc ta spatic.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 5:6

C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.

Apocalipsis 6:1

Li Ch'ium Chije laj quil la xtuch' li sba vucub spac' balbil vune. C'alal la xtuch'e, laj ca'ay ic'opoj jun li chanib c'usi cuxajtique. Li snuq'ue ja' jech chac c'u cha'al xbac' chauc. Jech laj yal: “¡La'!”, xut.

Apocalipsis 6:6

Laj ca'ay oy boch'o chc'opoj te ta o'lol li chanibique, jech laj yal: “Li stojol jun kilo trigoe ja' jech stojol chc'ot jech chac c'u cha'al jun c'ac'al tojolil. Yan li cebadae ja' oxib kilo xtoj ta jun c'ac'al tojolil. Yan li oliva xchi'uc ts'usube mu me xasoques”, xi.

Apocalipsis 7:11

Scotol li j'almantaletic te sjoyibtaojic chotlebale, xchi'uc ti te sjoyibtaojic li chanib xcha'vinic (24) banquilaletique, xchi'uc li chanibique, la spatan sbaic ta banamil; laj yich'ic ta muc' li Diose.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.