Apocalipsis 4:2 - Bible in Tzotzil de Chenalhó with Deuterocanon

² Jech ta ora no'ox la sventainun svu'el li Espiritue, jech laj quil jun muc'ta chotlebal ta vinajel. Oy boch'o te chotol tspas mantal.

Tzotzil Zinacantan

² Ta syuꞌel ti Chꞌul Espíritue tey vaꞌalon ta vinajel cꞌalal icaꞌie. Iquil jcot mucꞌta chotlebal, leclec sba meltsanbil. Jaꞌ tey chotol ta spas mantal ti Rioxe.

Bible in Tzotzil de Chamula

² Ta jech to yepal un, ventainbil lic'ot yu'un smuc'ul stsatsal ti Ch'ul Espiritue. Laj quil jun muc' ta chotlebal ti ta vinajele, ti oy Buch'u chotol ta muc' ta chotlebale.

Tzotzil San Andres

² Ta sventa li Chꞌul Espíritue ta ora te vaꞌalun ta vinajel icaꞌi. Te iquil jun mucꞌta chotlebal lec meltsanbil. Jaꞌ te chotol ta spas mantal li Diose.

Tzotzil de Huixtán

² Ti ora laj sventainun ti Ch'ul Espíritue hech laj yac'bun jq'uel scotol. Te va'alun ti vinajel laj ca'i. Oy muc'ta naclebal te laj quil. Te nacal ti Diose tspas ti mantal scotol.

Apocalipsis 4:2 Iomraidhean Croise

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

Salmos 11:4

Pero li Muc'ul Diose te nacal ta xch'ulna; oy lec smuc'ta chotleb te ta vinajel. Lec viq'uil o li sate, lec chil scotol c'usi tspas li cristianoetique;

Isaías 6:1

Ta sjabilal c'alal icham li ajvalil Uziase, laj quil chotol ta smuc'ta chotleb li Cajvaltique. Lec toyol li xchotlebe; li snatilc'u'e nojem yu'un li yut ch'ulnae.

Jeremías 17:12

Li ch'ulnae ja' xchotleb ajvalil c'otem, toj jun yutsil, yu'un toj ven lec ono'ox sc'oplal ta sliqueb.

Ezequiel 1:26

Te ta sba li c'usi te sepel ta yac'ol sjolique oy jun muc'ta chotlebal yilel pasbil ta safiro ton. Te ta sba li chotlebale oy boch'o te chotol xco'laj xchi'uc vinic.

Ezequiel 1:28

Ja' jech ta q'uelel jech chac c'u cha'al vacnabal ti chvinaj ta toc c'alal chac' vo'e. Ja' jech laj quilbe yutsilal slequilal ta jch'ulel li Muc'ul Diose. C'alal laj quile, la jpatan jba ta banamil; laj ca'ay oy boch'o te chc'opoj tal.

Ezequiel 10:1

Ts'acal laj quil xco'laj xchi'uc jun chotlebal pasbil ta zafiro ton te ta yac'ol sjol li querubinetique.

Daniel 7:9

“Te jq'ueloj o c'alal laj yaq'uic lequil chotlebaletic. Te ichoti li Boch'o mu sna' xlaj yoraile. Li sc'u'e toj ven sac jech chac c'u cha'al tayo; li stsotsil sjole sac ta jyalel jech chac c'u cha'al saquil tsots. Li xchotlebe tsanal yilel jech chac c'u cha'al yat c'oc'; li yacantac xchotlebe xpulpun sc'ac'al yilel.

San Mateo 22:43

Li Jesuse jech la sjac'be yan velta: —¿C'u yu'un jech ivul ta yo'nton David ti ‘Cajval’, xie? Yu'un jech laj yal:

Hebreos 8:1

Li c'usi toj tsots sc'oplal laj calboxuc tal ava'yique ja' ti oy xa jun Banquilal Pale cu'untic te chotol ta sbats'ic'ob Muc'ul Dios ta vinajele.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.

Apocalipsis 12:5

Li antse la svoq'ues jun querem. Ja' yabtel tsventain scotol cristianoetic ta jujun banamil xchi'uc li svaston pasbil ta tsatsal taq'uine. Li olole ta ora i'ic'at muyel ta vinajel ta stojol Dios ti te chotol ta muc'ta chotlebale.

Apocalipsis 17:3

Jech ta sventa Ch'ul Espíritu laj ca'ay laj yic'un batel ta xocol banamil ti j'almantale. Te laj quil jun ants cajal ta jcot tsajal jti'vanej bolom. Li jti'vanej bolome oy ep sbi ta scotol sbec'tal; li sbitaque ja' tscuy sba ta Dios. Oy vucbej sjol xchi'uc lajuneb xulub.

Apocalipsis 19:4

Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Apocalipsis 21:10

Jech ta sventa Ch'ul Espíritu laj ca'ay laj yic'un batel ta jun muc'ta toyol vits. Te laj yac'bun quil li muc'ta ch'ul lum Jerusalén chyal tal ta vinajel ta stojol Diose.

Apocalipsis 21:5

Li Boch'o te chotol ta muc'ta chotlebale jech laj yal: “A'yo ava'yic, ta jpas ta ach' scotol li c'usitic oye”, xi. Jech laj yalbun: “Ts'ibao ta vun, yu'un li jc'op li'i ja' melel scotol; persa chc'ot ta pasel”, xiyutun.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.

Apocalipsis 4:10

Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Apocalipsis 4:5

Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 5:1

Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.

Apocalipsis 5:13

Laj ca'ay ic'opoj scotol li c'usitic pasbilic ta vinajel, ta banamil, ta yut banamil, ta nabetic, xchi'uc scotol li c'usitic te oye, jech laj yalic: “Li Boch'o te chotol ta chotlebale xchi'uc li Ch'ium Chije ac'o albatuc slequilal yutsilal, ac'o ich'atuc ta muc', ac'o yich' svu'elic o sbatel osil”, xiic.

Apocalipsis 6:16

Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.