Apocalipsis 4:10 - Bible in Tzotzil de Chenalhó with Deuterocanon

¹⁰ Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Bible in Tzotzil de Chamula

¹⁰ jech ti chanib xcha'vinic (24) ta vo' moletique, ta squejan sbaic ta stojol ta yich'el ta muc' ti Buch'u stalel cuxul sbatel osile, xchi'uc xi ta xalic c'alal ta sye'ic batel sronail sjolic ta stojol ti Buch'u chotol ta muc' ta chotlebale:

Tzotzil de Huixtán

¹⁰ C'alal hech chalic ti chanvo'ique, ja'uc ti veinticuatro ti vo' totiletique tspatan sbaic ti stojol ti Diose. Chlequilc'opojic yu'un ti Diose ti ja' stalel cuxul sbatel osile. Tsloq'uesic ti scoronaique, chaq'uic te ti stojol ti Diose hech tspasic ti muc'. Hech chalic:

Apocalipsis 4:10 Iomraidhean Croise

1 Crónicas 29:20

Ts'acal jech laj yalbe scotol li israeletic te tsobolique: “Li' ta orae albeic slequilal li Muc'ul Dios cu'untique”, xut. Jech scotolic lic yalbeic slequilal li Muc'ul Diose, ja' li Dios yu'un smoltotic ta vo'onee. La squejan sbaic ta stojol li Muc'ul Diose xchi'uc ta stojol li ajvalile.

2 Crónicas 7:3

C'alal laj yil scotol israeletic ti iyal tal c'oc' ta vinajele, xchi'uc ti inoj ta xojobal Muc'ul Dios li ch'ulnae, la squejan spatan sbaic. Laj yich'ic ta muc' li Muc'ul Diose; laj yalbeic slequilal, jech laj yalic: “Toj lec yo'nton stuc li Diose; sbatel osil ja' jc'uxubinvanej”, xiic.

Job 1:20

Li Jobe iva'i, la sli' sc'u', yu'un toj abul sba laj ya'ay. La xjux loq'uel stsotsil sjol; la squejan sba sventa chich' ta muc' Dios,

Salmos 115:1

Muc'ul Dios, mu me vu'cun xi'ich'atcutic ta muc', vo'ot ac'o aba ta ich'el ta muc' ta sventa ti ep c'uxubinel avu'une, xchi'uc ti melelic c'usi chavale.

Salmos 47:8

Li Diose ja' Ajvalil yu'un jujun banamil. Li Diose ichoti xa ta xch'ul chotleb.

Salmos 72:11

Ac'o squejan sbaic ta stojol scotol li yantic ajvaliletique; ac'o abtejicuc yu'un scotol li cristianoetic ta yantic banamile.

Salmos 95:6

La'ic me, la' quich'tic ta muc, la' jpatan jbatic ta stojol, la' jquejan jbatic ta stojol li Muc'ul Diose yu'un ja' la spasutic.

Isaías 6:1

Ta sjabilal c'alal icham li ajvalil Uziase, laj quil chotol ta smuc'ta chotleb li Cajvaltique. Lec toyol li xchotlebe; li snatilc'u'e nojem yu'un li yut ch'ulnae.

Daniel 12:7

Li boch'o te va'al ta ba uc'ume la stoy muyel xchibal sc'ob ta vinajel, jech laj yal ta jamal ta stojol li Dios ti cuxul o sbatel osile: ‘Ta o'lol xchanibal jabil, ja'o c'alal chlaj sc'oplalic ta tsatsal uts'intael li yu'untac Diose, ja'o ta xc'ot ta pasel scotol’, xi.

Daniel 4:34

“C'alal its'aqui li vucub jabile, vu'un li Nabucodonosorune, la jtoy jsat ta vinajel, ja' to laj ca'ay ti isut tal yan velta li jrazone. Jech te lic calbe slequilal li Dios ta vinajele; laj quich' ta muc' li Boch'o cuxul o sbatel osile, jech laj cal: ‘Ja' tspas mantal o sbatel osil; ja' ajvalil o yu'un ti jayc'ol cristianoetic chjelove.

San Mateo 2:11

C'alal i'ochic ta nae, te laj yilic li olole xchi'uc li sme'e, ja' li Mariae. La squejan sbaic ta stojol li olole; laj yich'ic ta muc'. La sjamic li matanale; laj yac'beic smoton li olole, ja' c'anal taq'uin, xchi'uc pom, xchi'uc muil poxil.

San Lucas 24:52

Laj yich'ic ta muc'; bats'i xcuxet no'ox yo'ntonic isutic ta Jerusalén.

1 Corintios 15:10

Pero ta sventa slequil yo'nton li Diose, vu'un laj yac'bun cabtel. Pero mu alticuc li slequil yo'nton ta jtojole, yu'un vu'un xjelov xa yepal litun jech chac c'u cha'al li yantique. Pero muc ta jtsatsaluc jtuc, ja' ta sventa li slequil yo'nton Diose.

Deuteronomio 32:40

Ta jtoy jc'ob ta vinajel; chcal ta jamal ti vu'un cuxulun o sbatel osile.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Apocalipsis 11:16

Li chanib xcha'vinic (24) banquilaletic te chotajtic ta xchotlebic ta stojol Diose la spatan sbaic ta banamil; laj yich'ic ta muc' li Diose.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 15:7

Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Apocalipsis 19:4

Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.

Apocalipsis 4:2

Jech ta ora no'ox la sventainun svu'el li Espiritue, jech laj quil jun muc'ta chotlebal ta vinajel. Oy boch'o te chotol tspas mantal.

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 5:14

Li chanib c'usi cuxajtique jech laj yalic ec: “Jechuc”, xiic. Li chanib xcha'vinic (24) banquilaletique la spatan sbaic ta banamil; laj yich'ic ta muc' li Boch'o cuxul o sbatel osile.

Apocalipsis 5:8

C'alal laj yich' li vune, li chanibique xchi'uc li chanib xcha'vinic (24) banquilaletique la spatan sbaic ta stojol li Ch'ium Chije. Li chanib xcha'vinic (24) banquilaletique yich'anoj jujun yarpaic xchi'uc jujun stazaic pasbil ta c'anal taq'uin nojic ta pom. Ja' senyail sc'opic c'alal tsc'opanic Dios li boch'otic voc'bilic yu'un Diose.

Apocalipsis 7:11

Scotol li j'almantaletic te sjoyibtaojic chotlebale, xchi'uc ti te sjoyibtaojic li chanib xcha'vinic (24) banquilaletique, xchi'uc li chanibique, la spatan sbaic ta banamil; laj yich'ic ta muc' li Diose.