Apocalipsis 3:3 - Bible in Tzotzil de Chenalhó with Deuterocanon

³ Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.

Tzotzil Zinacantan

³ Yuleso me ta ajolic cꞌu xꞌelan laꞌalbatic ti cꞌalal lic achꞌunique. Jaꞌ me yech xachꞌunic o. Ictaic xa ti xaꞌelanique. Mi mu xavictaique, chacacꞌbeic castico. Mu xanaꞌic cꞌusi ora chtal cacꞌ castico chac cꞌu chaꞌal mu xanaꞌic cꞌusi ora chtal jꞌelecꞌ.

Bible in Tzotzil de Chamula

³ Vuleso ta avo'nton un cha'e, ti c'u s'elan laj avich' chanubtasele, mu xavicta aba. Sutan talel ta stojol ti Diose. Mi mu xatij ajol avo'ntone, co'ol s'elan j'elec' ta xital ta atojol ti mu xana' c'usi orae.

Tzotzil San Andres

³ Jaꞌ me xajules ta ajolic ti cꞌu sba laꞌalbatic ta baꞌie. Jaꞌ me xachꞌunic. Ictaic li cꞌustic chopol chapasique. Mi mu xavictaique, chacacꞌbe avichꞌic vocol. Pero mu xanaꞌic cꞌu ora chtal cacꞌ avichꞌic vocol jech chac cꞌu chaꞌal mu xanaꞌic cꞌu ora chtal li jꞌeleqꞌue.

Tzotzil de Huixtán

³ Hech yu'un na'ic me ti c'utic nachanubtasat ti sliquebe hech chaj c'u che'el ava'yojique. Pasic me ti muc', suteso me avo'ntonic yu'un amulic. Mi mu xap'ijubique, chacac'boxuc castigo. Hech chaj c'u che'el mu xana' c'usi ora chtal j'elec', hech ono'ox uc mu xana' c'usi ora chtal ti castigoe.

Apocalipsis 3:3 Iomraidhean Croise

Ezequiel 20:43

Te chlic avotquinic li avabtelique xchi'uc scotol li c'usitic laj apasique, xchi'uc ti solel abolibtasoj abaique, jech te chlic ana'le aba atuquic ta scoj li yepal amulic laj asa'ique.

Ezequiel 36:31

C'alal cht'ab ta avo'ntonic ti c'u to'ox xa'elanique, xchi'uc li c'usitic toj chopol laj apasique, chlic q'uexovanic yu'un.

San Mateo 25:13

“Ja' yu'un li vo'oxuque, tsc'an ti viq'uiluc asatique, yu'un mu xana'ic c'usi ora, c'usi c'ac'alil chital, vu'un ti Xnich'on cristiano lic'ote.

Marcos 13:33

“Q'uelo me abaic, viq'uiluc me asatic, yu'un mu xana'ic bu ora ta xc'ot ta pasel.

Marcos 13:36

Mu me vayemucoxuc chvul staoxuc.

1 Tesalonicenses 5:2

Yu'un xana'ic xa lec acotolic ti ja' jech chtal jech chac c'u cha'al chtal j'elec' ta ac'ubaltique.

1 Timoteo 6:20

Timoteo, chabio me li c'usitic la'ac'bat aventaine. Mu me xatuc'ulan li lo'iletic sventa no'ox banamil ti mu'yuc stue, xchi'uc c'u x'elan tstsaquilanvanic ta c'op li boch'otic lec sna' scuyoj sbaique.

2 Timoteo 1:13

Ja' me jech xachanubtasvan o jech chac c'u cha'al la jpase. J'ech'el me ch'uno o li lequil chanubtasel laj caq'ue, xchi'uc c'anvanan me ta sventa li Jesucristoe.

Hebreos 2:1

Ja' yu'un tsots sc'oplal tsc'an ta jnaban jbatic o ta stojol li c'usi ca'yojtic xae, yu'un jech mu xijch'ay comel ta be.

2 Pedro 1:13

Yu'un ti c'alal li' to cuxulune, jech co'nton o chajt'abilanboxuc ta avo'ntonic.

2 Pedro 3:1

Vo'oxuc ti lec jc'anojoxuque, li'i ja' xa xchibal jcarta ta jts'ibaboxuc tal. Ta xchibal jcarta li'i ja' ta jt'abboxuc ta avo'ntonic li bijubtasel laj calboxuc ta sventa ti ac'o tuc'uc c'usi chanopique.

2 Pedro 3:10

Li sc'ac'alil c'alal chtal Cajvaltique ja' jech chac c'u cha'al jun j'elec'. Ta sc'ac'alil le'e, tsots xvo'et c'alal chc'ac' li vinajele. Li c'usitic oy ta vinajele ta x'ul ta c'oc'. Jech noxtoc li banamile xchi'uc scotol li c'usitic te oye ta xlaj scotol.

Apocalipsis 16:15

Pero li Cajvaltique jech chal: “A'yo ava'yic, li vu'une ja' jech chital jech chac c'u cha'al j'elec'. Xcuxet no'ox yo'nton li boch'o viq'uil sate, ti sq'ueloj, ti stuc'ulanoj lec li sc'u'e, ti muc t'analuc chanove, ti mu xac' sba ta q'uexlale”, xi.

Apocalipsis 2:25

Ja' no'ox chacalboxuc, li c'usi ach'unojique ja' me ch'unic o c'alal to chital.

Apocalipsis 2:5

Vuleso ta avo'ntonic ti bu lic chibajanic tale. Suteso avo'ntonic. Taic ti c'u ono'ox xa'elanic ta sliquebale. Me mu xapasic jeche, chital ta ora, chtal jloq'ues li candelero ta atojolique. Jech ta jpas ti me mu xasutes avo'ntonique.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 3:11

A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique.

Apocalipsis 3:19

Li boch'otic lec jc'anoje ta jtaq'ui, ta xcac'be nucul. Tsotsanic me cha'e; suteso me avo'ntonic.

Apocalipsis 3:2

Vic'o me asatic. Ich'beic yipal achi'uquic ti c'u to yepal comen avu'unique, yu'un ta xa me xcham scotol. Yu'un mu'yuc bu tuc' jtaoj avabtelic ta stojol li Diose.