Apocalipsis 3:12 - Bible in Tzotzil de Chenalhó with Deuterocanon

¹² Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.

Tzotzil Zinacantan

¹² Ti muchꞌutic mu xicta o sbaic li ilbajinele jaꞌ chba xchiꞌinic ta sbatel osil li Cajvale. Mi jaꞌuc xa xloqꞌuic ta jmoj. Li sbi li Cajvale ta jtsꞌibabe ta stiꞌbaic xchiꞌuc sbi li slumale, jaꞌ ti achꞌ Jerusalene, ti chlic tal ta vinajel yoꞌ bu li Cajvale. Ta jtsꞌibabe ta stiꞌbaic noxtoc li cachꞌbie.

Bible in Tzotzil de Chamula

¹² Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.

Tzotzil San Andres

¹² Li buchꞌutic ta spas ta canal scotole jaꞌ chba schiꞌinic o sbatel osil li Dios cuꞌun li te ta vinajele. Mu xloqꞌuic o. Ta jtsꞌibabe ta stiꞌbaic li sbi li Dios cuꞌune schiꞌuc li sbi li jteclum yuꞌun li Diose, jaꞌ li achꞌ Jerusalén li ta xlic talel ta vinajel li yoꞌ bu oy li Dios cuꞌune. Schiꞌuc ta jtsꞌibabe ta stiꞌbaic nojtoc li cachꞌbie.

Tzotzil de Huixtán

¹² Ti much'u tstsal yu'un scotole, ja' chba xchi'in ti Diose te ti vinajel sbatel osil. Mu xloc' o. Ti jts'ibabe ti stiba ti sbi ti Dios cu'une, xchi'uc ti sbi ti jteclum yu'un ti Dios cu'une, ja' ti ach' Jerusalene ti chyalesat tal yu'un ti Dios cu'une. Ti jts'ibabe ti stiba uc ti ach' jbie.

Apocalipsis 3:12 Iomraidhean Croise

1 Reyes 7:21

Li oyetic le'e te la sva'anan ta stentenail ch'ulna li Hirame. C'alal la sva'an li jun ta bats'ic'obe, Jaquín laj yac'be sbi. C'alal la sva'an li jun ta ts'ete, Boaz laj yac'be sbi.

Salmos 46:4

Oy jun uc'um ti toj xcuxet no'ox yo'ntonic yu'un li lum yu'un Diose, ja' li ch'ul lum yo' bu nacal li Boch'o te oy ta vinajele.

Salmos 48:8

Ti c'u x'elan laj ca'ibecutic sc'oplal li lum yu'un Muc'ul Dios ti tspas ta mantal scotole, ja' li lum yu'un Dios cu'untique, ja' jech laj quil ta jsatcutic noxtoc; ja' ti j'ech'el la sva'an o sbatel osil li Diose.

Salmos 87:3

Vo'ot, lum yu'un Dios, toj jun yutsil c'u x'elan chal ac'oplal li Diose, jech chal:

Isaías 62:2

Jech chilic scotol cristianoetic ta jujun banamil li coltael chavich'e; chilic scotol ajvaliletic li alequilal avutsilale, jech chlic avich' ach' abi; ja' stuc Muc'ul Dios chayac'bot.

Isaías 65:15

Ta xcac' ti chopol chcom abiic ta stojol li boch'otic t'ujbilic cu'une, vu'un jtuc ta xlic culesoxuc. Yan li cajtuneltaque ta xcac'be ach' sbiic.

Jeremías 1:18

Li' ta orae ta jva'anot lec jech chac c'u cha'al jun lum setbil lec ta tsatsal coralton, jech chac c'u cha'al jbej oy pasbil ta tsatsal taq'uin, jech chac c'u cha'al coralton pasbil ta bronce taq'uin, yu'un ja' chava'an aba ta yalel li c'usi chc'ot ta pasel ta scotol li yosilal Judae; ja' li ajvaliletic yu'unique, li banquilaletique xchi'uc li paleetique, xchi'uc ta sjunul li jteclume.

Ezequiel 40:49

Li stentenaile lajuneb metro sjamalil; ja' vaquib metro snatil. Oy lajuncoj tec'ubal sventa chijmuy batel. Ta sts'el li jujubej yoyaltac ti tselajtic pasbile oy yan jujubej balajtic oy te ta sts'el noxtoc.

Ezequiel 48:35

Ti c'u snatil ta set li coraltone ja' balunmil (9,000) metro ta scotol. Li lume ‘Li' oy li Muc'ul Diose’, xi sbi chc'ot”, xi li Muc'ul Diose.

Marcos 12:16

Laj yich'beic tal. Jech i'albatic yu'un li Jesuse: —¿Boch'o sloc'obal li'i? ¿Boch'o sbi li'i? —x'utatic. —Ja' César —xiic.

Gálatas 2:9

C'alal laj yilic c'u x'elan cabtel ac'bilun yu'un Dios li Santiago xchi'uc Pedro xchi'uc Juan ti ja' jech ilbilic jech chac c'u cha'al mero yoyale, la stsacbun jbats'ic'obcutic jchi'uc li Bernabee. Ja' svinajeb ti jchi'il jbacutic ta abtel jcotolcutique. Vu'un chituncutic o ta stojol li yanlum cristianoetique. Jech ec li stuquique ja' te chtunic o ta stojol li boch'otic yich'ojic circuncisione.

Efesios 3:15

Ja' li Totil ti ja' sventainoj scotol li boch'otic te oyic ta vinajele xchi'uc li boch'otic li' to oyic ta banamil ti jchop no'ox sbi c'otem ta scotolique.

Hebreos 12:22

Li vo'oxuque ja' lanopajic tal ta vits Sión, ja' li slumal cuxul Diose, ja' li ach' Jerusalén te ta vinajel yo' bu xchi'inoj ep ta mil (1,000) j'almantaletique,

Hebreos 13:14

Yu'un li' ta banamile mu'yuc bu ta jtatic junuc lum ti xu' te chijnaquiutic o sbatel osile. Ja' yu'un ja' jsa'tic batel li lum ti ca'yojbetic sc'oplal ta to jtatique.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

Apocalipsis 14:1

Ts'acal laj quil te oy ta jol vits Sión li Ch'ium Chije. Te xchi'uc chanib xvaxacvinic ta mil (144,000) cristianoetic, ja' li boch'otic ts'ibabil ta sti'baic sbi li Ch'ium Chije xchi'uc sbi li Stote.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 21:2

Laj quil chyal tal ta vinajel li ch'ul lume, ja' li ach' Jerusalene. Te ilic tal ta stojol Dios ta vinajel. Lec chapal iyal tal jech chac c'u cha'al jun tseb ti lec smeltsanoj sba c'alal yu'un xa chnupine.

Apocalipsis 22:4

Te xa sq'uelojbeic o sat li Diose, xchi'uc te ts'ibabil ta sti'baic sbi li Diose.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.