Apocalipsis 3:11 - Bible in Tzotzil de Chenalhó with Deuterocanon

¹¹ A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique.

Tzotzil Zinacantan

¹¹ Poꞌot xa xisut tal. Yechicoxuc o me yoꞌ ti mu xbat o ta yan latrofeoic ti chacacꞌbeique.

Bible in Tzotzil de Chamula

¹¹ Po'ot xa ta xital. Tuc'ulano lec ti c'u to yepal oy avu'une, yo' jech mu'yuc buch'u xaspojbot ti amotone.

Tzotzil San Andres

¹¹ Poꞌot xa chital. Junuc me avoꞌonic o ta jtojol yoꞌ jech mu xbat ta yan la amotonic ti chacacꞌbeique.

Tzotzil de Huixtán

¹¹ Po'ot xa chiyal tal. Junuc avo'ntonic ch'unic ti jc'ope, hech mu'yuc much'u chaspojboxuc amotonic.

Apocalipsis 3:11 Iomraidhean Croise

Sofonías 1:14

¡Nopol xa sc'an sta li smuc'ta c'ac'alil Muc'ul Diose, po'ot xa, jutuc xa sc'an! ¡Toj c'ux me vocol c'alal chtal sc'ac'alil li Muc'ul Diose; ta to me x'avanic ta oq'uel li boch'o toj tsots yo'ntonic ta pasc'ope!

1 Corintios 9:25

Li boch'o oy ta yo'nton chac' persae, persa tsnopes sba ti oy c'usi mu xu' tspase, pero ja' no'ox ta sventa xu' chich' li smoton ti sna' xlaje. Pero li jmotontic chquich'tic vu'utique mu sna' xlaj o.

Filipenses 4:5

Ac'beic yil scotol cristianoetic ti oy xa slequil avo'ntonique, yu'un po'ot xa chtal li Cajvaltique.

2 Timoteo 2:5

Jech noxtoc, li boch'o ta stsalvan ta tajimole, mu xu' ta xich' smoton me mu xch'un li smantalil tajimole.

2 Timoteo 4:8

Te xa nac'bil li jcorona ta sventa ti ivu' cu'une. Ja' chiyac'bun li Cajvaltique, ja' li tuq'uil Jchapanvaneje. Ja'o ta xac'bun c'alal me la sta sc'ac'alile. Mu jtucuc no'ox ti chi'ac'bat jmotone; ta x'ac'batic ec li boch'o scotol yo'nton smalaojic ta sut tal li Cajvaltique.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

Santiago 5:9

Quermanotac, mu me xatic'be aba amulic, yu'un jech mu xavich'ic chapanbel amulic. Yu'un li Jchapanvaneje va'al xa tal ta ti'na.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.

Apocalipsis 16:15

Pero li Cajvaltique jech chal: “A'yo ava'yic, li vu'une ja' jech chital jech chac c'u cha'al j'elec'. Xcuxet no'ox yo'nton li boch'o viq'uil sate, ti sq'ueloj, ti stuc'ulanoj lec li sc'u'e, ti muc t'analuc chanove, ti mu xac' sba ta q'uexlale”, xi.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Apocalipsis 2:25

Ja' no'ox chacalboxuc, li c'usi ach'unojique ja' me ch'unic o c'alal to chital.

Apocalipsis 22:12

Jech chal li Jesuse: “A'yo ava'yic, po'ot xa chital. Ta xquich' tal scotol li matanaletique. Ja' chtal cac'be smotonic jujun ti c'u x'elan la spasique.

Apocalipsis 22:20

Li boch'o laj yac'bun jna' scotol li a'yej li'i, jech chal: “Ta melel po'ot xa chital”, xi. Toj lec ti jech chc'ot ta pasele. “La' me, Cajval Jesús”, chicutic.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 3:3

Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.

Apocalipsis 4:10

Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.