Apocalipsis 3:10 - Bible in Tzotzil de Chenalhó with Deuterocanon

¹⁰ Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Tzotzil Zinacantan

¹⁰ Yuꞌun muc xavicta abaic ti cꞌalal ataic ilbajinel ta jcuentae, yechꞌo un mu xa bu chacacꞌbeic castico ti cꞌalal sta yora chcacꞌbe castico scotol crixchanoetic liꞌ ta sba balamile ti cꞌalal ta jqꞌuelbe cꞌu xꞌelan yoꞌonique. Yuꞌun tsots tajmec li castico ta xtale.

Bible in Tzotzil de Chamula

¹⁰ Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Tzotzil San Andres

¹⁰ Ta sventa ti muc bu xchibaj avoꞌonic li cꞌalal avichꞌic vocol ta jventae, jaꞌ yuꞌun mu xcacꞌ xavichꞌic vocol li cꞌalal chcꞌot scꞌacꞌalil ta xcacꞌbe yichꞌic vocol scotol crixchanoetic ta spꞌejel li balumile yuꞌun ta jqꞌuelbe cꞌu sba yoꞌonic. Yuꞌun toj tsots li vocol ta xtale.

Tzotzil de Huixtán

¹⁰ Yu'un muc xacomesic ti jc'ope c'alal laj avich'ic vocol ti jventae, hech yu'un chajcoltaoxuc c'alal tsta yorail tspasbat proval yo'ntonic scotol ti much'utic te oyic ti balumile. Yu'un ep ti vocol chtale.

Apocalipsis 3:10 Iomraidhean Croise

Isaías 24:17

Li jnaclumetic ta banamile ja' xa no'ox oy ta stojolic xi'el, ch'en, xchi'uc yaquel ta pets'.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Mateo 24:14

Persa ba'yuc ta xich' cholel ta sbejel banamil li Lequil A'yej ta jventae; ja' to ta xtal li slajebal c'ac'ale”, xi li Jesuse.

San Mateo 26:41

Ja' lec julovanic, c'opanic Dios, yu'un jech mu xalajic ta sujel ta mulil. Ta melel li avo'ntonique tsc'an tsc'opan Dios, pero li abec'talique mu'yuc stsatsal —x'utatic.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Marcos 14:9

Melel li c'usi chacalboxuque, buyuc no'ox ta xich' cholel ta sbejel banamil li Lequil A'yeje, te ta xvinaj batel sc'oplal noxtoc c'usi la spasbun li antse, yu'un jech ac'o sna'ic scotol cristianoetic —xi li Jesuse.

San Lucas 2:1

Ta sc'ac'alil le'e, ja'o yorail laj yal mantal muc'ta ajvalilal Augusto César ti ac'o yac' ta tsaquel ta vun sbiic scotol li cristianoetique.

San Juan 17:6

“Laj xa cac'ot ta otquinel ta stojol li viniquetic li'i ti laj avac'bune, ja' ti laj at'uj loq'uel ta stojol li cristianoetic li' ta banamile. Yu'un ja' ono'ox avu'untac, vo'ot laj avac'bun ec, jech laj xa xch'unic li ac'ope.

Romanos 1:8

Ba'yuc ono'ox ta jtojbe ta vocol Dios ta sventa Jesucristo ti oy lec xch'unojel avo'ntonique, yu'un vinajem ac'oplalic ta sbejel li banamile.

1 Corintios 10:13

Li vo'oxuque mu'yuc to bu chtal ta atojolic tsots preva ti mu'yuc boch'o c'otem ta stojol jeche. Yu'un li Diose mu sna' sjel yo'nton o, jech mu xac' taluc ta atojolic tsots preva ti me mu xa sts'ic avu'unic chile. Jech noxtoc c'alal oyoxuc ta prevae, ja' chac' avilic c'u x'elan xu' chacolic loq'uel, yu'un jech chcuch avu'unic.

Efesios 6:13

Ja' yu'un ich'ic me scotol li amaquic, li avabtejebic yac'oj Diose, yu'un jech xu' avu'unic li tsots pleito c'alal chc'ot ta atojolique. Me ivu' avu'unic scotol jech chac le'e, lec jun avo'nton va'al chacomic o.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

Santiago 3:12

Jech noxtoc ¿me xu' ta xac' sat oliva ta te'el igo? xchi'uc ¿me xu' ta xac' sat igo ta ts'usub? Jech noxtoc mu xu' chloc' chi'il vo' xchi'uc lequil vo' ta jch'oj nio'.

1 Pedro 4:12

Vo'oxuc ti lec jc'anojoxuque, mu me ch'ayeluc chc'ot avo'ntonic ta sventa li tsatsal vocol chavich'ique, yu'un ja' sventa chich' q'uelel avo'ntonic. Mu me xanopic ti atuquic xa no'ox jech chavich'ic vocole.

2 Pedro 2:9

Li Cajvaltique sna' c'uxi chut tscolta ta svocol li boch'o ta x'ich'at ta muc' yu'une, xchi'uc sna' bu chac' batel li boch'otic toj chopolique yu'un jech te oyic o c'alal to tsta yorail ta xich'ic chapanel.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 11:10

Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Apocalipsis 13:10

“Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 14:12

Li'i tsc'an oy lec stsatsal yo'ntonic li boch'o voc'bilic yu'un Diose, ja' li boch'otic scotol yo'nton xch'unojbeic o li smantaltac Diose xchi'uc ti jun yo'nton xch'unojic o li Jesuse”, xi li j'almantale.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.

Apocalipsis 17:2

Ja' ti imulivaj xchi'uc li ajvaliletic ta banamile. Jech noxtoc li jnaclumetic ta banamile xco'laj xchi'uc yacuben xchi'uquic li mulil ti tsc'an li antse”, xiyutun.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 3:8

Xcotquin li avabtelique. A'yo ava'yic, jamal xa lec ti'na cu'un ta aventaic; mu'yuc boch'o xu' tsmac. Ac'o me jutuc no'ox atsatsalic, pero ach'unojbicun o li jc'ope. Mu'yuc amucojicun ta avo'ntonic.

Apocalipsis 6:10

Tsots i'avanic, jech laj yalic: “Cajval, vo'ot ti tuc' avo'ntone, ti melel c'usi chavale, ¿baq'uin to chachapan, baq'uin to chapacbe sutel li boch'otic la smiluncutic ti te oyic ta banamile?”, xiic.

Apocalipsis 8:13

C'alal te jq'ueloje, ja' to laj quil te xvilet ta o'lol vinajel jun xic. Tsots i'avan, jech laj yal: “¡Ay, ay, ay! Toj abul sbaic li boch'otic te nacajtic ta banamil c'alal tsjupan yoq'uesic li yan oxib j'almantaletic ti quechel toe”, xi.