Apocalipsis 22:8 - Bible in Tzotzil de Chenalhó with Deuterocanon

⁸ Vu'un li Juanune, laj ca'ay, laj quil scotol. C'alal laj ca'ay, laj quil scotole, la jquejan jba ta stojol li j'almantal ti laj yac'bun quil scotole, yu'un chquich' ta muc'.

Tzotzil Zinacantan

⁸ Voꞌon li Juanone icaꞌi iquil scotol. Ti cꞌalal laj caꞌie, ti cꞌalal laj quil scotole, ijquejan jba, ijnijan jba ta yichon li anjele ti liyacꞌbe quil scotole yuꞌun chquichꞌ ox ta mucꞌ ti caloje.

Bible in Tzotzil de Chamula

⁸ Ti vu'un Juane laj ca'i, laj quil ti va'i s'elan ta xc'ot ta pasele. Ti c'alal jech laj ca'i taje, laj jquejan jba ta yich'el ta muc' ti anjele, ta sventa ti jech laj yac'bun quile.

Tzotzil San Andres

⁸ Joꞌon li Juanune icaꞌi iquil scotol. Cꞌalal icaꞌi iquil scotole, la jquejan jba ta stojol li chꞌul ángel ti liyacꞌbe quil scotole yuꞌun ta xquichꞌ ta mucꞌ.

Tzotzil de Huixtán

⁸ Ho'on Juanun, ho'on laj ca'i scotol, ho'on laj quil scotol li'to. C'alal laj co'nton laj ca'i scotol laj quil scotol, laj jpatan jba ti lum ti stojol ti ch'ul abate ti laj yac'bun jq'uel scotol avi to yu'un jc'an ti jpas ti muc'.

Apocalipsis 22:8 Iomraidhean Croise

Daniel 2:46

Ja' yu'un li ajvalil Nabucodonosore la squejan spatan sba ta banamil ta stojol li Daniele, xchi'uc laj yal mantal ti ac'o yac'beic matanaletic xchi'uc pome.

Hechos 10:26

Pero li Pedroe la snit liquel, jech laj yalbe: —Va'lan, yu'un co'ol cristianoutic —xut.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Apocalipsis 19:19

Laj quil te oy li ba'yuc jti'vanej bolome, xchi'uc te oy li ajvaliletic ta sbejel banamile, xchi'uc scotol li yajsoldadotaquique. Te tsobolic sventa tspasic pleito xchi'uc li boch'o cajal ta ca'e xchi'uc li yajsoldadotaque.