Apocalipsis 22:6 - Bible in Tzotzil de Chenalhó with Deuterocanon

⁶ Jech laj yalbun noxtoc li j'almantale: “Li c'op li'i ja' melel; persa chc'ot ta pasel. Li Cajvaltic Dios ti la sventainbe yo'nton yaj'alc'optaque ja' la stacun tal, vu'un li yaj'almantalune, yu'un chacac'boxuc ana'ic scotol c'usitic po'ot xa chc'ot ta pasel, vo'oxuc ti chatunic yu'une”, xiyutun.

Tzotzil Zinacantan

⁶ Ta jliquel o jaꞌ yech liyalbe li anjel chac liꞌi: ―Li cꞌusitic lacalbee ta onox xcꞌot. Li Cajvaltique ti ixchꞌamunbe ye ti yajꞌalcꞌoptaque, jaꞌ listac tal voꞌon li yajꞌanjelone. Jaꞌ ical avaꞌiic scotol li cꞌusitic poꞌot xa xlaj taluque, voꞌoxuc ti chatunic uque.

Bible in Tzotzil de Chamula

⁶ Ti anjele xi laj yalbune: “Ja' patob o'ntonal ma' ti c'op li'e, yu'un ja' melel. Ti Cajvaltic Diose, ti ja' stuc ta sva'an sba ta yac'bel sna' c'u s'elan ta xc'opojic ti yaj'alc'optaque, laj stac talel ti ánjel ta xac'be yil ti yajtuneltac c'usi jutuc xa sc'an ta xc'ot ta pasele.”

Tzotzil San Andres

⁶ Jech liyalbe nojtoc li chꞌul ángele: ―Li cꞌustic laj calbote chcꞌot ta pasel scotol. Li Cajvaltic Dios ti la sventainbe yoꞌonic li buchꞌutic iyalic scꞌop Dios ta voꞌonee, jaꞌ listac talel, joꞌon li yajꞌangelune, yoꞌ chcal avaꞌiic scotol li cꞌustic ti poꞌot xa chcꞌot ta pasele, joꞌoxuc ti chatunic yuꞌun eꞌuque.

Tzotzil de Huixtán

⁶ Hech laj yalbun ti ch'ul abate: ―Melel ti chc'ot ti pasel ti c'u che'el laj xa calbote. Ti Diose ja' ti laj sventaimbe yo'ntonic ti j'alc'opetic yu'une ti vo'one, laj stacun talel, ho'on ti xch'ul'abatune, yu'un chacac'boxuc ana'ic ho'oxuc ti yaj'abteloxuque ti c'usi po'ot xa chc'ot ti pasele.

Apocalipsis 22:6 Iomraidhean Croise

Génesis 41:32

Ajvalil, ti jech chib velta jmoj snitoj sba lavaychine, ja' svinajeb ti persa chc'ot ta pasel yu'un li Diose, xchi'uc ti mu xa jaluc chbat yu'une.

Daniel 3:28

Ja' yu'un li Nabucodonosore jech laj yal: “¡Ich'biluc ta muc' li Dios yu'un Sadrac, Mesac, xchi'uc Abed-negoe, yu'un la stac tal yaj'almantal ta sventa tscolta li yajtuneltac ti jun yo'ntonic ta stojole. Ja' muc xch'unic li mantal laj cale; ja' laj yac' sbec'talic ta scoj ti mu sc'an xich'ic ta muc' yan dios jech chac c'u cha'al chich'ic ta muc' li Dios yu'unique.

Daniel 6:22

Li Dios cu'une la stac tal yaj'almantal; ja' la smacbe ye li leonetique yu'un jech mu me xisti'icun. Yu'un mu'yuc jmul ta stojol, xchi'uc mu'yuc jmul ta atojol ec ajvalil, mu'yuc c'usi chopol jpasoj —xi.

San Mateo 13:41

Vu'un ti Xnich'on cristiano lic'ote ta jtac tal caj'almantaltac. Ja' ta xtal stsobic loq'uel yo' bu jventainoj scotol li boch'otic chaq'uic ta pasel c'usi chopole xchi'uc li boch'otic tspasic c'usitic toj chopolique.

San Lucas 1:70

Jech chac c'u cha'al laj ono'ox yal Dios c'alal la xch'amanbe ye ch'ul j'alc'opetic yu'un ta vo'one,

San Lucas 16:16

“Li smantaltac Diose xchi'uc li c'usitic laj yalic j'alc'opetique ja' laj ava'yic o c'alal to ital li Juan j'ac'vanej ta vo'e. Ja'o te lic yich' cholel tal noxtoc li ventainel yu'un Diose. Jech scotolic chaq'uic persa tsc'an ch-ochic ta scotol yo'ntonic.

Hechos 12:11

Li Pedroe ivul lec xch'ulel, jech laj yal ta yo'nton: “Li' ta orae laj xa jna' ti ta melel la stacbun tal yaj'almantal li Cajvaltique. Ja' la scoltaun loq'uel ta sc'ob li Herodese xchi'uc ta sventa scotol li c'usi smala-malaic chc'ot ta pasel li jchi'iltaque”, xi ta yo'nton.

Hechos 3:18

Yu'un li Diose ja' laj yac' c'otuc ta pasel ti jech ono'ox yaloj c'alal la xch'amanbe ye li yaj'alc'optac ta vo'onee. Laj ono'ox yalic ti ta xich' vocol li Cristoe.

Romanos 1:2

Ja' li c'usi vo'one ono'ox yaloj Dios ta sventa yaj'alc'optac ti ts'ibabil icom ta xch'ul vune.

1 Corintios 14:32

Yu'un li boch'o chalic c'usi ch-ac'bat sna'ic yu'un Diose, ventainbilic lec yu'un li Ch'ul Espiritue, jech xu' tspajes sbaic.

1 Corintios 7:29

Quermanotac, ta sventa ti mu xa jaluc li' oyutic ta banamile, jech chacalboxuc. Ti c'u avepalic oy avajnilique ac'o mu'yucuc avajnil chava'yic.

2 Tesalonicenses 1:7

Vo'oxuc ti chavich'ic vocol li' ta orae, co'ol ta jcux co'ntontic c'alal chyal tal ta vinajel li Cajvaltic Jesucristoe xchi'uc li yaj'almantaltac ti ech'em svu'elique.

Hebreos 12:9

Li jtotic li' ta banamile laj yalbutic mantal, laj yac'butic nucul ti c'alal ololutic toe, pero laj quich'tic ta muc'. ¿C'u yu'un mu ech'emuc to jech chquich'tic ta muc' c'usi chijyalbutic li Jtotic ti ja' laj yac'butic jch'uleltique, yu'un ja' sventa chijcuxiutic?

2 Pedro 1:21

Yu'un li sc'op Diose mu ta yo'ntonuc cristiano iloc' tal. Ja' iventainatic yu'un Ch'ul Espíritu. Ja' viniquetic ic'opojic ta sventa Dios.

2 Pedro 3:2

Yu'un jech ac'o ana'ic c'usi laj yalic comel li ch'ul j'alc'opetique, xchi'uc li smantal Cajvaltique, ja' li Jcoltavaneje, ti la xchanubtasoxuc li yajtacbolaltaque.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.

Apocalipsis 21:5

Li Boch'o te chotol ta muc'ta chotlebale jech laj yal: “A'yo ava'yic, ta jpas ta ach' scotol li c'usitic oye”, xi. Jech laj yalbun: “Ts'ibao ta vun, yu'un li jc'op li'i ja' melel scotol; persa chc'ot ta pasel”, xiyutun.

Apocalipsis 21:9

Li vucub j'almantaletic yich'oj jujun stazaic nojemic ta slajeb li yan vucub tsatsal vocole, ital sc'opanun jun, jech laj yalbun: “La' li'i, chacac'bot avil yajnil li Ch'ium Chij ti chapal xa sventa chic' oe”, xiyutun.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.