Apocalipsis 22:5 - Bible in Tzotzil de Chenalhó with Deuterocanon

⁵ Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Tzotzil Zinacantan

⁵ Ta jteclume mu snaꞌ xꞌicꞌub. Muc bu chtun lampara, muc bu chtun xojobal cꞌacꞌal, yuꞌun ta xojobal noꞌox stuc ti Cajvaltique ti sac o li osile. Jun yoꞌonic xchiꞌuc Riox ta sbatel osil.

Bible in Tzotzil de Chamula

⁵ Ti bu taje, laj c'op ti ac'ubale, yu'un ti buch'utic nacalic ti bu taje, laj sc'oplal ta xtun yu'unic xojobal ti lamparae, xojobal ti c'ac'ale, yu'un ja' xa xojobin stuc ti Cajvaltic Diose xchi'uc sbatel osil jmoj ta spasic mantal.

Tzotzil San Andres

⁵ Li te ta jteclume muꞌyuc xa acꞌubal. Mu xa xtun yuꞌunic cantil, mu xa xtun yuꞌunic xojobal cꞌacꞌal, yuꞌun ta xojobal xa noꞌox stuc li Cajvaltic Dios ti sacjaman oe. Coꞌolic xa schiꞌuc Dios sbatel osil.

Tzotzil de Huixtán

⁵ Te mu x'ic'ub osil. Mu sc'anic luz, mu sc'anic c'ac'al, yu'un chac' squeval stuc ti Cajvaltic Diose. Ja' tspasic mantal xchi'uc sbatel osil.

Apocalipsis 22:5 Iomraidhean Croise

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Salmos 84:11

Yu'un li Muc'ul Diose ja' xa te xojoban o ta jtojol, ja' jmacubbail c'otem; puru utsilal, puru c'uxubinel xa chiyac'bun. Li boch'otic tuc' yo'ntonique mu'yuc chjalanbatic o li c'usitic leque.

Isaías 24:23

C'alal chlic abtejuc jech chac c'u cha'al muc'ta ajvalil te ta vits Sión ta Jerusalén li Muc'ul Dios ti ech'em svu'ele, chlic macuc xojobal li u xchi'uc c'ac'ale; li banquilaletic te ta lum yu'une ta xilbeic slequilal yutsilal li Muc'ul Diose.

Isaías 30:26

C'alal tsta yorail chlic xpoxtabe, chlic xpixbe syayijemalic steclumal li Muc'ul Diose, li ue chlic yac' xojobal jech chac c'u cha'al c'ac'al; li c'ac'ale vucub velta tsots chac' xojobal jech chac c'u cha'al xojobal ta vucbej c'ac'al.

Daniel 7:18

Ts'acal to chlic yich' yabtelic ta pasmantal xch'ul nich'nabtac li Boch'o te oy ta vinajele. Sbatel osil mu xlaj sc'oplal o li yabtelique; j'ech'el te chcom o ta stojolic’, xiyutun.

Daniel 7:27

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

Zacarías 14:7

Le'e ja' no'ox stuc jun c'ac'al yotquinoj stuc li Muc'ul Diose, yu'un mu'yuc c'ac'altic, mu'yuc ac'ubaltic. C'alal bat c'ac'ale, te staoj yav sac osil o.

San Mateo 19:28

Itac'ov li Jesuse: —Melel chacalboxuc, c'alal chlic ach'ubuc scotole, c'alal chlic choticun ta jchotleb sventa chi'ich'at ta muc' vu'un ti Xnich'on cristiano lic'ote, chachotiic ta lajchab (12) muc'tic chotlebal ec vo'oxuc ti laj ats'aclinicune. Vo'oxuc chlic achapanic li lajcha'chop israeletique.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Mateo 25:46

Jech chbat tstoj smulic o sbatel osil. Yan li boch'otic tuc' yo'ntonique ja' ta xcuxiic sbatel osil”, xi li Jesuse.

Romanos 5:17

Me ta sventa no'ox la sta smul jun vinic ti jech laj yu'uninutic o li lajele, ech'em to jech xu' chijyu'uninutic o cuxlejal ta sventa li jun vinic Jesucristo, vu'utic ti ta yutsil no'ox yo'nton, ti jmotontic no'ox lec xa chijyilutic Diose.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 18:23

Mu'yuc xa bu xojoban candiletic te ta atojol, xchi'uc mu'yuc bu chich' pasel q'uin nupinel noxtoc, ac'o me ech'em to'ox xu' yu'unic li' ta banamil li jmanulajeletic, li jchonolajeletic avu'une. Yu'un ep laj alo'la cristianoetic ta jujun banamil ta scoj ti ep c'usi achanoj spasele”, xi li j'almantale.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Apocalipsis 20:6

Xcuxet no'ox yo'nton li boch'otic tstaic li sba velta cha'cuxesele, yu'un voc'bilic xa yu'un Dios. Yu'un li xchibal velta lajele mu'yuc xa ta sventaic. Ja' xa paleetic yu'un Dios xchi'uc Cristo c'otemic. Jech co'ol tspasic mantal jmil (1,000) jabil xchi'uquic li Cristoe.

Apocalipsis 21:11

Yich'ojbe tal xojobal li Diose. Li xojobale ja' jech chac c'u cha'al xojobal ton ti bats'i c'upil sbae; ja' jech chac c'u cha'al jaspe ton, xchi'uc sts'ayayet jech chac c'u cha'al nen.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.