Apocalipsis 22:4 - Bible in Tzotzil de Chenalhó with Deuterocanon

⁴ Te xa sq'uelojbeic o sat li Diose, xchi'uc te ts'ibabil ta sti'baic sbi li Diose.

Tzotzil Zinacantan

⁴ Sqꞌuelojbeic xa sat ti Rioxe. Tsꞌibabil sbi Riox ta stiꞌbaic.

Bible in Tzotzil de Chamula

⁴ Ta xilbe sba ti satique, xchi'uc yich'ojbeic sbi ti Dios ta sti'baique.

Tzotzil San Andres

⁴ Te xa sqꞌuelojbeic sat li Diose. Te tsꞌibabil sbi Dios ta stiꞌbaic.

Tzotzil de Huixtán

⁴ Tsq'uelbeic xa sat ti Diose. Te ts'ibabil ti stibaic ti sbi ti Diose.

Apocalipsis 22:4 Iomraidhean Croise

Job 33:26

Xu' chlic sc'opan li Diose, ta xlic c'uxubinatuc; xcuxet no'ox yo'nton chich' ta muc', yu'un la sta yan velta ti c'u cha'al ono'ox oye.

Salmos 17:15

Pero li vu'une, ta melel ta to jta ti bats'i lec noj jch'ut chicom oe, yu'un ta to jq'uelbot asat; ta to xital te ta atojol.

Salmos 4:6

Muc'ul Dios, ep li boch'otic jech chayalboxuque: “Ac'buncutic li alequilale; lec me xaviluncutic”, xiic.

Salmos 42:2

Toj taquin co'nton chca'ay ta stojol li Diose, ja' li j'ac'cuxlejale. ¿Baq'uin to xu' chibat, chbat jva'an jba ta stojol li Diose?

Isaías 33:17

Chlic avilic yan velta xchi'uc yutsilal li Ajvalile, xchi'uc chavilic chmuq'uib batel li avosilalique.

Isaías 35:2

Ta xac' lec xnich jech chac c'u cha'al lirio nichim ta yaxaltic; cuxetuc no'ox yo'nton, tse'inuc no'ox, yu'un jech yutsil ta xich' ac'bel jech chac c'u cha'al Líbano, jech st'ujumal chc'ot jech chac c'u cha'al vits Carmelo xchi'uc stenlejtic Sarón. Ta to xilbe yutsilal slequilal li Muc'ul Diose, ja' li Dios cu'untique.

Isaías 40:5

Jech chlic yac' ta ilel slequilal yutsilal li Muc'ul Diose; scotol cristianoetic ta xilic, yu'un jech laj yal stuc li Muc'ul Diose”, xi li boch'o ch-avane.

Ezequiel 33:23

Li Muc'ul Diose ital sc'opanun yan velta, jech laj yalbun:

San Mateo 5:8

“Xcuxet no'ox yo'nton li boch'o lecuben xa yo'ntonique, yu'un ja' chbat yotquinic li Diose.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 17:24

“Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

1 Corintios 13:12

Pero ac'o me muc'utic xa, jutuc no'ox li c'usi jna'tique. Jech chac c'u cha'al ti mu xvinaj lec jsatic c'alal mu'yuc lec li nene. Pero me lijc'ot ta vinajele, chc'ot jna'tic scotol. Li' ta orae jutuc no'ox xu' chcotquintic, pero tsta yorail chcotquintic lec scotol jech chac c'u cha'al lec xijyotquinutic li Diose.

Hebreos 12:14

Tsotsuc me sc'oplal o chava'yic ti co'ol avo'nton acotolique, xchi'uc ti tuc'uc avo'ntonic scotol orae. Yu'un me mu'yuc tuq'uiben co'ntontique, mu xu' chbat jq'uelbetic sat li Cajvaltique.

Apocalipsis 14:1

Ts'acal laj quil te oy ta jol vits Sión li Ch'ium Chije. Te xchi'uc chanib xvaxacvinic ta mil (144,000) cristianoetic, ja' li boch'otic ts'ibabil ta sti'baic sbi li Ch'ium Chije xchi'uc sbi li Stote.

Apocalipsis 3:12

Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.

Apocalipsis 7:3

Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.