Apocalipsis 22:2 - Bible in Tzotzil de Chenalhó with Deuterocanon

² Ta o'lol li muc'ta xoral yu'un lume, xchi'uc ta jujujot ti' uc'ume te ch'iem te'etic sventa cuxlejal. Lajchab velta tsatin ta jun jabil, jujun velta tsatin ta jujun u. Li yanale ja' sventa chcolic ta chamel scotol li cristianoetic te oyique.

Tzotzil Zinacantan

² Li ucꞌume tey ch-echꞌ ta oꞌlol scayail li jteclume. Ta jujot li tiꞌ ucꞌume jaꞌ tey chꞌiemic li teꞌ scuenta cuxlejal ta sbatel osile. Lajchatos tsatin ta jabil, jutos jujun u. Li yanale jaꞌ mu xꞌipaj o scotol li crixchanoetic teyoꞌe.

Bible in Tzotzil de Chamula

² Ta o'lol calle yu'un ti muc' ta jteclume, ti ta jujot sti'il ti uc'ume, ch'iemic te'etic ti ta xac' cuxlejale. Lajcha'coj ta xac' sat ta jun jabil, ti lec ta alele, jujun u ta xac' ti sate. Yanal ti te'e, ta xtun yo' ta xpoxta o sbaic ti jnaclejetic ta banomile.

Tzotzil San Andres

² Li ucꞌume jaꞌ te ta xbein ta oꞌlol li smucꞌta cayail li jteclume. Ta jujot tiꞌucꞌume te chꞌiemic teꞌetic sventa cuxlejal sbatel osil. Lajchachop tsatin ta jun jabil. Juchop tsatin ta jujun u. Li yanale jaꞌ sventa ti ta jꞌechꞌel icolic o ta chamel scotol li crixchanoetic li te oyique.

Tzotzil de Huixtán

² Ti muc'ta jteclum oy jun muc'ta calle. Te ti o'lol ti calle te chanav ti uc'ume. Ti jujujech ti uc'ume te oy ti te'etic sventa cuxlejal sbatel osil. Ti te'e ja' tsjelilan ti sate ti chaq'ue jujun u. Lajchatos chac'. Ti yanal ti te'e ja' sventa scolel ti ep ti tos ti crixchanoetique ti te nacajtique.

Apocalipsis 22:2 Iomraidhean Croise

Génesis 2:9

Laj yac' ch'iuc noxtoc ep ta chop te'etic toj c'upilic sba, lec ta lo'bel sat. Te ta o'lol li ts'unubaltique laj yac' ch'iuc jpets te' sventa cuxlejal, xchi'uc jpets te' sventa chac' ta na'el c'usi lec xchi'uc c'usi chopol.

Salmos 147:3

Ta xpoxta li boch'otic oy svocol yo'ntonique; ta xpixbe lec li xtuch'emalique.

Proverbios 3:18

Li jbijiltique ja' jech chc'ot jech chac c'u cha'al te' sventa cuxlejal ta sventa li boch'otic tsc'ane; xcuxet no'ox yo'ntonic li boch'o laj xa sta sbijilique.

Isaías 6:10

Tsatsubtasbo yo'ntonic li jun lum le'e; macbo xchiquinic, macbo satic, yu'un mu me xa'yic, mu me xilic, mu me xc'ot ta yo'ntonic, jech mu me sutes yo'ntonic o ta jtojol, yu'un jech mu xcolic o cu'un”, xiyutun li Cajvaltique.

Jeremías 17:14

Muc'ul Dios, poxtaun, jech ta xcol li jchamele; coltaun, jech colem chicom, yu'un vo'ot no'ox quich'ojot ta muc'.

Ezequiel 47:1

Li vinique laj yic'un batel noxtoc ta yochebal li ch'ulnae; laj quil te chloc' vo' ta yolon li ti'na ta sloq'ueb c'ac'ale, yu'un li yeloval sjol ch'ulnae ja' sq'ueloj batel sloq'ueb c'ac'al. Li vo'e te chanov yalel ta xocon ch'ulna ta bats'ic'ob ta stuq'uil sur yu'un li scajleb smoton Diose.

Oseas 14:4

Li Diose jech chal: “Vu'un ta jpoxtabe li yo'ntonic ti xtal xbat no'oxe; ta yutsil co'nton jtuc ta jc'anic, yu'un ilecub xa co'nton ta stojolic.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 21:21

Li lajchab sti' coraltone pasbil ta lajchab saquil perla. Jujun perla yich'oj li jujuch'oj ti'nae. Li xoraltique pasbil ta bats'i lequil c'anal taq'uin; ja' jech chac c'u cha'al nen ti xquiltic osil ta spate.

Apocalipsis 21:24

Li cristianoetic ta jujun banamil ti icolic xae ja' xa te tsq'uelic o osil ta xojobal. Li ajvaliletic ta banamile chac'beic ta stojol scotol li slequilal yutsilalique.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 22:19

Jech noxtoc li boch'o tsloq'ues c'uuc yepal li c'op li' ts'ibabil ta vun ti chal c'usitic chc'ot ta pasele, ja' jech ta sloq'uesat yu'un Dios ec. Mu'yuc ch-ac'bat slo' li sat te' sventa cuxlejale, xchi'uc mu x'aq'ue ochuc ta ch'ul lum jech chac c'u cha'al chal li' ta vune”, xi li Jesuse.