Apocalipsis 22:16 - Bible in Tzotzil de Chenalhó with Deuterocanon

¹⁶ “Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

Tzotzil Zinacantan

¹⁶ Ti Cajvaltic Jesuse jaꞌ yech liyalbe chac liꞌi: ―Voꞌon Jesuson, ijtac tal cajꞌanjel, layalbe xa li cꞌusitic chlaj taluque yoꞌ xavalbe o scotol li muchꞌutic yichꞌojicon ta muqꞌue. Voꞌon smomon David, voꞌon sqꞌuexolon yuꞌun ta jpas mantal ta sbatel osil. Ti cꞌalal xavilic chitale, anaꞌojic xa ti icuch xa avuꞌunic scotol li ilbajinele. Jaꞌ chac cꞌu chaꞌal xlocꞌ tal li mucꞌta cꞌanale, anaꞌojic ti poꞌot xa sacube ―xiyut.

Bible in Tzotzil de Chamula

¹⁶ Xi laj yalbun ti Jesuse: “Vu'un Jesús, laj jtac talel caj'ánjel ta xalbe ya'iic ti jch'unolajeletic ta jujun tsobobbail scotol taje. Ti vu'une liquemun talel ta snitilul ti ajvalil Davide. Yu'un co'ol j'elan jech c'u cha'al ti muc' ta c'anal xojobin no'ox ta xloc' talel ta jujun sobe.”

Tzotzil San Andres

¹⁶ Jech liyalbe li Jesuse: ―Joꞌon Jesusun, la jtac talel cajꞌangel, laj xa yalboxuc li cꞌustic ta xcꞌot ta pasel, joꞌoxuc li avichꞌojicun ta muqꞌue. Joꞌon li snitilulun li Davide. Joꞌon sqꞌuexolun yuꞌun joꞌon chlic jpas mantal sbatel osil. Cꞌalal chavilic chitale, chanaꞌic ti iꞌechꞌ xa avuꞌunic scotol li vocole, jech chac cꞌu chaꞌal chavilic ta xlocꞌ talel li mucꞌta cꞌanale, xanaꞌic ti yuꞌun sac xa osile ―xiyut li Jesuse.

Tzotzil de Huixtán

¹⁶ Ho'on Jesusun laj xa jtac talel ti ch'ul abat cu'une hech laj xa yalboxuc ti c'usi chc'ot ti pasele, ho'oxuc ti ach'unojbucun ti jc'ope. Ho'on yelnich'onun ti Davide. Ho'on ti jtsacbe comel yabtel, ho'on ti jpas mantal sbatel osil. Hech chaj c'u che'el ti muc'ta c'anale c'alal chaq'uelic, chana'ic ti tsta xa yorail tsacub, ja' no'ox hechun uc ti ho'oni ti c'alal chavil ti chitale, hech chana'ic ti i'ech' xa scotol ti vocol avu'unique ―xiyutun ti Jesuse.

Apocalipsis 22:16 Iomraidhean Croise

Isaías 11:1

Li jbej chumante' ja' li Isaie, ta xloc' jun sq'uelum; ta xlic loc'uc tal jbej sq'uelum ta mero yibel.

Isaías 14:12

“Muc'ta c'anal, vo'ot ti xaxojoban no'ox ta sacubbale, ¿c'uxi labaj yalel tal ta vinajel? ¿C'uxi laj avich' jipel yalel ta banamil vo'ot ti alajesojbe to'ox stsatsal li jujun banamile?

Zacarías 6:12

Jech xavalbe: ‘Jech chal li Muc'ul Dios ti tspas ta mantal scotol te ta vinajele: Q'uelavilic, li' oy li vinic ti Ach' Sq'uelum xi sbie; ta xlic q'uelumajuc, ja' ta xcha'pas li ch'ulna cu'une.

Números 24:17

Ta xquil c'usi ta to xc'ot ta pasel; ta jna' c'usi ta to xtal ta ts'acal. Ta to xloc' jun muc'ta c'anal ta stojol Jacob; jun muc'ta ajvalil ta xlic ta stojol Israel. Ja' ta xvoch'be sjol li Moabe; ta xulesbe scotol li smomnich'nabtac Sete.

San Mateo 1:1

Li'i ja' svunal sbiic smoltotac ta vo'one li Jesucristoe, ja' li smomnich'on David, smomnich'on Abrahame.

San Mateo 2:2

Jech la sjaq'uic: —¿Bu voq'uem xana' li boch'o ta x'och ta ajvalilal avu'unic, vo'oxuc li judiooxuque? Yu'un laj quilbecutic tal sc'analil te ta sloq'ueb c'ac'al, jech litalcutic, tal quich'cutic ta muc' —xiic.

San Mateo 22:42

—¿C'usi chanopic? ¿Boch'o smoltot ta vo'one li Cristoe? —xut. Itac'ovic: —Ja' smoltot li Davide —xiic.

San Mateo 22:45

‘Cajval’, me xi li Davide ¿c'u x'elan ti ja' smoltote? —xi li Jesuse.

San Lucas 1:78

Yu'un toj ep c'uxutic ta yo'nton li Dios cu'untique, ja' yu'un ivul ta jtojoltic jun xojobal ach' c'ac'al ta toyol.

San Lucas 20:44

Li Davide ‘Cajval’ xi. ¿C'u yu'un ‘Cajval’ xi, me ja' smomnich'one? —xi li Jesuse.

Romanos 15:12

Jech la sts'iba ec li j'alc'op Isaiase: “Ta to xlic loc'uc sq'uelum li Isaie. Ja' chlic sventain ec li yanlum cristianoetique. Li yanlum cristianoetique ja' chlic spat yo'ntonic o ta stojol”, xi.

Romanos 9:5

Ja' jun jmoltotcutic ta vo'one, ja' te iloc' ta stojolic li Cristoe; ja' mero sts'unubalic ic'ot. Ja' li Dios ti sventainoj scotol c'usitic oye, ich'biluc ta muc' ta sbatel osil. Jechuc.

2 Pedro 1:19

Jech ta jna'tic o ti ja' melel c'usi laj yalic comel li yaj'alc'optac Dios ta vo'onee. Jech tsc'an j'ech'el ac'o ach'unic o ta scotol avo'ntonic. Yu'un ja' chtun cu'untic jech chac c'u cha'al candil ti tsacubtas li ic' osil c'alal to tsacub osile, xchi'uc c'alal to chloc' tal li muc'ta c'anal sventa chac' xojobal ta avo'ntonique.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:11

Li boch'otic mu'yuc tuc' c'usi tspasique, ja' ac'o spasic o li c'usi mu'yuc tuq'ue. Li boch'otic toj chopol c'usitic tspasique, ja' ac'o spasic o li c'usitic toj chopolique. Li boch'otic lecubtasbilic xae, ac'o to yac' sbaic ta lecubtasel. Li boch'o voc'bilic yu'un Diose, ac'o svoc' sba o ta sventa li mulile”, xiyutun li j'almantale.

Apocalipsis 22:20

Li boch'o laj yac'bun jna' scotol li a'yej li'i, jech chal: “Ta melel po'ot xa chital”, xi. Toj lec ti jech chc'ot ta pasele. “La' me, Cajval Jesús”, chicutic.

Apocalipsis 22:6

Jech laj yalbun noxtoc li j'almantale: “Li c'op li'i ja' melel; persa chc'ot ta pasel. Li Cajvaltic Dios ti la sventainbe yo'nton yaj'alc'optaque ja' la stacun tal, vu'un li yaj'almantalune, yu'un chacac'boxuc ana'ic scotol c'usitic po'ot xa chc'ot ta pasel, vo'oxuc ti chatunic yu'une”, xiyutun.

Apocalipsis 3:13

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 3:22

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 3:6

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 5:5

Jech laj yalbun jun li chanib xcha'vinic (24) banquilaletique: “Mu xa'oc'. A'yo ava'ay, spasoj xa canal jun sts'unubal li Judae, ech'em stsatsal jech chac c'u cha'al león. Ja' smomnich'on li David ta vo'onee. Laj xa stsal scotol, jech xu' yu'un tsjam li vune; xu' yu'un ta xtuch'be li vucub spaq'ue”, xiyutun.