Apocalipsis 22:11 - Bible in Tzotzil de Chenalhó with Deuterocanon

¹¹ Li boch'otic mu'yuc tuc' c'usi tspasique, ja' ac'o spasic o li c'usi mu'yuc tuq'ue. Li boch'otic toj chopol c'usitic tspasique, ja' ac'o spasic o li c'usitic toj chopolique. Li boch'otic lecubtasbilic xae, ac'o to yac' sbaic ta lecubtasel. Li boch'o voc'bilic yu'un Diose, ac'o svoc' sba o ta sventa li mulile”, xiyutun li j'almantale.

Tzotzil Zinacantan

¹¹ Li muchꞌutic chopol cꞌusi tspasique acꞌu spasulanic o mi mu scꞌan xictaique. Yan li muchꞌutic lecubtasbil xa yoꞌonic yuꞌun ti Rioxe, jaꞌ acꞌu spasic li cꞌusitic leque, mu me spasic li cꞌusitic chal yoꞌonique ―xiyut li anjele.

Bible in Tzotzil de Chamula

¹¹ Ti buch'u yacalic ta spasel ti c'usi chopole, ch'an xa no'ox uto. Ti buch'u yacal ta spasel ti c'usi mu'yuc smelole, ch'an xa no'ox uto, ac'o yac'be yipal ta spasel ti c'usi mu'yuc smelole. Ti buch'u yacalic ta spasel ti c'usi leque, mu me xicta sbaic ta spasel. Mu me xicta sba xtoc ta stuc'ulanel sba ti buch'u laj sta ti slequil yutsile.”

Tzotzil San Andres

¹¹ Li buchꞌutic chopol yoꞌonique, mi mu scꞌan schꞌunic li cꞌusi liꞌ tsꞌibabile, jaꞌ acꞌo spasulanic o li cꞌustic chopol ta scꞌanique. Yan li buchꞌutic tuqꞌuibtasbilic xa yuꞌun li Diose, jaꞌ acꞌo spasic o li cꞌustic leque, mu xa me spasic li cꞌustic ta scꞌan stuquique ―xiyut li chꞌul ángele.

Tzotzil de Huixtán

¹¹ Ti much'u mu tojuc yo'ntone, mi mu sc'an xch'un ti c'u che'el ts'ibabile, tspasilan o ti c'usi chopole. Ti much'u boliben yo'ntone, mi mu sc'an xch'un ti c'u che'el ts'ibabile, tspasilan o ti c'utic tsc'an ti sbec'tale. Ja'uc ti much'u toj yo'ntone, toj tspasilan scotol. Ti much'u lecuben xa yo'ntone, ja' tspasilan ti c'usi leque, mu xa xch'umbe smantal ti sbec'tale ―xiyutun ti ch'ul abate.

Apocalipsis 22:11 Iomraidhean Croise

Job 17:9

Pero li boch'o tuc' yo'ntone chac' ono'ox persa batel; li boch'o mu'yuc smule yantic ta stsatsub batel.

Salmos 81:12

Ja' yu'un la jcomtsanic ta sventa ti toj tsots yo'ntonique, yu'un ja' la spas c'usi lec cha'ay stuquic.

Proverbios 14:32

Li boch'o chopole chich' ulesel o ta scoj li xchopolile; yan li boch'o leque jun no'ox yo'nton ti c'alal chchame.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Eclesiastés 11:3

Me xcuchoj ya'lel li toque, ta xac' vo' li' ta banamil. Me ta stuq'uil norte, o me stuq'uil sur ta xlom batel li te'e, te chcom o ti bu ic'ote.

Ezequiel 3:27

Pero c'alal oy c'usi ta jc'an chacalbote, ta xcac' c'opojan, jech chlic avalbe li achi'iltaque: ‘Ja' jech chal li Muc'ul Diose, ja' li Cajvaltique’, xavut. Li boch'o tsc'an cha'ye, ta xa'ay; yan li boch'o mu ono'ox sc'an xa'ye, mu xa'ay o, yu'un ja' bats'i jbajmantaletic o”, xiyutun li Diose.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

San Mateo 15:14

Mu xatuc'ulanic. Ja' ma'satetic ti tsc'an chac'beic yil be li xchi'ilic ta ma'satile. Pero me co'ol ma'satetic ta xic' sbaic batele, co'ol chbalch'ujic ochel ta vomlum —xut.

San Mateo 21:19

Laj yil oy jtec' higo ta nopol ti'be, jech bat sq'uel me oy sat. Pero mu'yuc sat la sta; ja' no'ox yanal. Li Jesuse jech laj yalbe li te'el higoe: —Mu'yuc xa chasatin o sbatel osil —xut. Jech ta ora no'ox itaquij li te'el higoe.

San Mateo 25:10

C'alal ja'o batemic ta smanele, ja'o ivul li boch'o ta xnupine. Li tsebetic ti lec chapalique i'ochic yo' bu ta spasic li q'uin nupinele, jech laj yich' maquel li ti'nae.

San Mateo 5:45

Yu'un jech ta xvinaj o ti vo'oxuc xnich'naboxuc li Jtotic Dios ta vinajele. Yu'un li Diose co'ol ta xac' q'uepuc ta stojol li boch'otic chopolique xchi'uc li boch'otic lequique. Co'ol chac'be vo' li boch'otic tuc' yo'ntonique xchi'uc li boch'otic muc tuc'uc yo'ntonique.

San Mateo 5:6

“Xcuxet no'ox yo'nton li boch'o jun ta vi'nal, jun ta taqui-o'nal cha'yic ti ac'o c'otuc ta pasel c'usi tsc'an yo'nton Diose, yu'un ja' ta snojesbat o xch'utic yu'un li Diose.

San Juan 8:21

Li Jesuse jech laj yalbe ya'yic yan velta: —Li vu'une ta xibat. Chasa'icun pero mu xataicun. Jech te acuchoj amul chachamic. Ti bu chibate mu xu' chabatic te ec li vo'oxuque —xi.

Efesios 5:27

Yu'un jech toj jun yutsil chc'ot c'alal te tsobol ta stojol li steclumale; me jutuc mu'yuc yic'ubal, mu'yuc c'usi yatinoj, mu'yuc c'usi oy o. Jech bats'i lec, bats'i jun yutsil chc'ot o.

Colosenses 1:22

ilecub xa yo'nton ta atojolic ec. Ja' ta sventa ti laj yac' sba ta milel li Xnich'one, yu'un jech mu'yuc amulic, mu'yuc avic'ubalic ti c'alal chac'otic ta stojole.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

Apocalipsis 16:21

Xchi'uc ital muc'tic bot ta stojol li cristianoetique, ech'em ta cha'vinic (40) kilo yalal jujubej. Li cristianoetique ep ichopolc'opojic ta stojol Dios ta sventa ti ital li muc'tic bote. Yu'un toj ech'em tsots li stojol smul i'ac'batique.

Apocalipsis 22:3

Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.