Apocalipsis 22:10 - Bible in Tzotzil de Chenalhó with Deuterocanon

¹⁰ Jech laj yalbun noxtoc: “Mu me xanac' li c'usitic li' ts'ibabil ta vune, yu'un po'ot xa chc'ot ta pasel.

Tzotzil Zinacantan

¹⁰ ’Li cꞌusitic liꞌ tsꞌibabil ta vune jamal me xaval yuꞌun poꞌot xa xlaj taluc.

Bible in Tzotzil de Chamula

¹⁰ Xi laj yalbun xtoque: “Mu xamuc ti c'usi ta scaj'al ti sc'op Dios tsacbil ta jpoc vun li'e, yu'un po'ot xa sta yorail ta xc'ot ta pasele.

Tzotzil San Andres

¹⁰ Jech liyalbe nojtoc: ―Li cꞌustic liꞌ tsꞌibabil ta june jamal me xaval yuꞌun poꞌot xa chcꞌot ta pasel.

Tzotzil de Huixtán

¹⁰ Hech laj yalbun uc: ―Mu me xapac'be sello yu'un hech mu macaluc chcom ti hun avi to, ja' ti sc'opilal ti c'usi chc'ot ti pasele. Ac'o sq'uelic scotolic yu'un po'ot xa chc'ot ti pasel.

Apocalipsis 22:10 Iomraidhean Croise

Isaías 13:6

Me'on-oc'anic, yu'un nopol xa chc'ot sc'ac'alil yu'un li Muc'ul Diose; xco'laj xchi'uc jmoj ta majel chvul li Boch'o ech'em svu'ele.

Isaías 8:16

Chabio me lec ta avo'ntonic li chanubtasel chacalboxuque; naq'uic lec li bijubtasel chacac'boxuc, vo'oxuc li cajchanc'opoxuque.

Ezequiel 12:23

Jech xavalbe ya'yic: ‘Jech chal li Cajvaltique, ja' li Muc'ul Diose: Li c'usi chalic le'e ta xcac' ch'ayuc o ta alel te ta stojol li israeletique’, xi. Jech chal noxtoc: ‘Po'ot xa tsta sc'ac'alil, ta xa xc'ot ta pasel scotol li c'usitic laj yich' aq'uel ta ilele.

Daniel 12:4

‘Li vo'ote, Daniel, mu to me xavac' ta a'yel li c'usitic laj ava'ye. Ac'bo lec selloal noxtoc li vune, ja' to me la sta yorail slajebal c'ac'ale. Toj ep li boch'otic xtal xbatic no'ox ta sventa tsa'ic c'u x'elan ch-epaj sbijilique’, xiyutun.

Daniel 12:9

Jech laj yalbun: ‘Daniel, ac'o persa batel, yu'un li c'usitic laj yich' alele mucul to, ja' to me la sta li slajebale.

Daniel 8:26

‘Li cha'mil xchi'uc oxib ciento c'ac'al (2,300) laj avile, melel ja' jech chc'ot ta pasel. Te no'ox chabio ta avo'nton, yu'un ep to c'ac'al sc'an xc'ot ta pasel’, xiyutun.

San Mateo 10:27

Li c'usi laj calboxuc atuquique, alic batel ta jamal. Li c'usi laj ava'ay ta achiquinique, puquic batel ta stojol scotolic.

Romanos 13:11

Ti jech tsc'an chapasique, yu'un chavilic li c'usi chc'otan xa ta pasele. Ja' xa yorail ta jvic' lec jsatic, yu'un li' ta orae nopol xa x'ech' tal ta jtojoltic li coltaele; mu jechuc jech chac c'u cha'al c'alal lic jch'untique.

Romanos 13:12

Jutuc xa sc'an xjelov batel li ac'ubaltique; ja' xa ta xtal li c'ac'altique. Ja' yu'un ac'o xa jcomtsantic spasbel yabtelal li ic' osile; ja' ac'o cabtelinbetic spasbel yabtelal li sac osile.

2 Tesalonicenses 2:3

Me jutuc mu me boch'o xlaj ta lo'lael avu'unic. Yu'un ba'yuc tsta yorail oy boch'o chchibaj yo'ntonic, xchi'uc ta xlic jun ven chopol vinic ti ja' sve'el ch'ayele.

1 Pedro 4:7

Po'ot xa chlaj scotol li c'usitic oye. Ja' yu'un bijanic me ta sventa li c'usi chapasique; teuc me avo'ntonic ta sc'opanel li Diose.

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.

Apocalipsis 10:4

C'alal ic'opojique, ta ox jts'iba ta vun li c'usitic laj yalique. Pero laj ca'ay oy boch'o ic'opoj ta vinajel jech laj yalbun: “Mu me xaval c'usi laj yalic li vucub chauque. Mu me xats'iba ta vun”, xiyutun.

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

Apocalipsis 22:18

Scotol li boch'o cha'yic li c'op li' ts'ibabil ta vun ti chal c'usitic chc'ot ta pasele, jech ta xcalbeic ta jamal: “Boch'o tsboles li c'usi li' ts'ibabile, ja' ta x'ac'bat xcuch yu'un Dios scotol ti c'u yepal tsatsal vocol li' ts'ibabile.

Apocalipsis 22:20

Li boch'o laj yac'bun jna' scotol li a'yej li'i, jech chal: “Ta melel po'ot xa chital”, xi. Toj lec ti jech chc'ot ta pasele. “La' me, Cajval Jesús”, chicutic.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 22:9

Pero jech laj yalbun: “Mu xapas jech, yu'un co'ol yajtunelutic Dios xchi'uc li achi'iltaque, ja' li yaj'alc'optac Diose xchi'uc li boch'otic ta xch'unic li c'op li' ts'ibabil ta vune. Ja' ich'o ta muc' stuc li Diose”, xiyutun.

Apocalipsis 5:1

Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.