Apocalipsis 21:8 - Bible in Tzotzil de Chenalhó with Deuterocanon

⁸ Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Tzotzil Zinacantan

⁸ Yan ti muchꞌutic chiꞌic o li ilbajinele, xchiꞌuc ti muchꞌutic mu xiyichꞌic ta muqꞌue, xchiꞌuc ti muchꞌutic chopol sjolique, xchiꞌuc li jmilvanejetique, xchiꞌuc ti muchꞌutic tsaꞌ yantsique, xchiꞌuc ti muchꞌutic tsaꞌ yajmulique, xchiꞌuc li jꞌiloletique, xchiꞌuc ti muchꞌutic chichꞌic ta mucꞌ santoetique, xchiꞌuc scotol li jnopcꞌopetique, jaꞌ ch-ochic ta mucꞌta cꞌocꞌ yoꞌ bu chtil xchiꞌuc asuvree. Jaꞌ xa xchaꞌechꞌelal o ta xchamic ―xiyut ti Rioxe.

Bible in Tzotzil de Chamula

⁸ Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Tzotzil San Andres

⁸ Yan li buchꞌutic ta xiꞌique, schiꞌuc li buchꞌutic mu xiyichꞌic ta muqꞌue, schiꞌuc li buchꞌutic toj chopol li cꞌustic tspasique, schiꞌuc li jmilvanejetique, schiꞌuc li jmulivajeletique, schiꞌuc li jꞌilvanejetique, schiꞌuc li buchꞌutic ta xichꞌic ta mucꞌ li cꞌustic oye, schiꞌuc scotol li jutcꞌopetique, jaꞌ ta xjipeic ochel ta mucꞌta cꞌocꞌ ti tsanal ta azufree. Taje jaꞌ schibal xa velta lajel yuꞌunic ―xiyut li Diose.

Tzotzil de Huixtán

⁸ Ja'uc ti much'utic chi'ique xchi'uc ti much'utic mu xixch'umbucun ti jc'ope, xchi'uc ti much'utic tspas loquil lo'ile, xchi'uc ti jmilvanejetique, xchi'uc ti jmulaviletique, xchi'uc ti jpicch'ich'etique, xchi'uc ti much'utic xch'unojic ti santoetique, xchi'uc ti much'utic tsnopic c'ope, scotolic ti jten ochel xchi'uc sbec'talic ti muc'ta c'oc' yo' bu chtil azufre. Ja' xchibal velta chchamic ―xiyutun ti Diose.

Apocalipsis 21:8 Iomraidhean Croise

Proverbios 19:5

Li j'epalc'op testigoe ta ono'ox xich'be stojol, yu'un li boch'o puru epalc'op tspase mu xu' colem chcom.

Proverbios 19:9

Li j'epalc'op testigoe ta ono'ox xich'be stojol; li boch'o jeche' no'ox tsnop c'usi chale ta ono'ox xch'ay.

Isaías 51:12

“Vu'un jtuc ta xcac'bot stsatsal avo'nton. Jech ¿c'u yu'un chaxi' yu'un li cristianoetic ti sna' xchamique, ti ja' jechic jech chac c'u cha'al ts'i'laletique?

Isaías 57:11

“¿C'usi svu'el li yantic diosetic ti ja' laj avich' ta muc', ti laj aquejan aba ta stojole? Vu'un xa muc xavich'un o ta muc'; mu junuc avo'nton ta jtojol. ¿Me ja' yu'un ti te no'ox ch'anxichi, ti mu'yuc c'usi laj cal ta vo'one ti jech mu xavich'un ta muq'ue?

Isaías 9:15

(Li sjole ja' smelol li moletic xchi'uc li banquilaletic yu'unique; li snee ja' smelol li j'alc'opetic ti puru epalc'op c'usi chalique.)

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Mateo 25:25

Jech lixi' me ta xch'ay cu'un li ataq'uine, jech bat jmuc ta banamil. Li' oy li ataq'uine; ich'o sutel, yu'un ja' avu'un’, xut.

San Mateo 8:26

Itac'ov li Jesuse: —¿C'u yu'un chaxi'ic? Mu'yuc to lec xch'unojel avo'ntonic —xi. Ilic li Jesuse; la spajes li iq'ue xchi'uc li nabe. Jech ich'abi o scotol.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Deuteronomio 20:8

“Li banquilaletique ts'acal jech ac'o yalbeic yan velta li soldadoetique: ‘Me oy boch'o junucal oy xi'el cha'ye, xchi'uc ti mu'yuc stsatsal yo'nton cha'ye, ja' lec ac'o sutuc batel ta sna yu'un jech mu xotesbe xi'el ta yo'ntonic li yantic xchi'iltaque’, ac'o yutic.

2 Tesalonicenses 2:9

Li ven chopol vinic ta xtale ventainbil yu'un scotol svu'el li banquilal pucuje. Jech puru tsotsic c'usi tspas. Ta spas ep sq'uelubiltac stsatsal, pero ja' no'ox sventa chlo'lavan.

1 Timoteo 4:2

Ja' no'ox yabtel ta smaquic satil, ta x'epalc'opojic. Ja' xa jech oy sjol yo'ntonic jech chac c'u cha'al yav sc'aq'uemal li boch'o ac'bil smarcail ta c'ac'al taq'uine.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

1 Juan 2:22

Li boch'o j'epalc'op ta xc'ote ja' li boch'o ta xal ti mu ja'uc Cristo li Jesuse. Le'e ja' yajcontra Cristo, yu'un mu xch'unic li Totile xchi'uc li Nich'onile.

1 Juan 3:15

Scotol li boch'o xti'et yo'nton yu'un xchi'ile ja' jmilvanej chc'ot. Jna'ojtic ti mu xcuxi sbatel osil li jmilvaneje.

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

Apocalipsis 14:10

ta persa chuch'beic ec li sc'ac'al yo'nton Dios te xa oy ta bise, ti bats'i ja' stuc o li sc'ac'al yo'nton Diose. Ta sat scotol ch'ul j'almantaletic yu'un, xchi'uc ta sat Ch'ium Chij chich' lec svocolic ta c'oc' tsanbil ta azufre.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:2

Vu'une xcotquin li avabtelique; jna'oj ti tsots cha'abtejic ta jtojole, xchi'uc ti tsts'ic avu'unic vocole, xchi'uc ti mu xac'an xachi'inic li boch'otic chopolique. Jech noxtoc laj xa aq'uelbeic lec yabtelic li boch'otic jcholc'opetic scuyoj sbaique; laj avilic ti ja' no'ox ch-epalc'opojique.

Apocalipsis 21:27

Me jutuc mu xu' ch-och c'usi chopol te. Mu xu' ch-och li boch'otic tspasic c'usi mu sc'an Diose, xchi'uc li j'epalc'opetique. Ja' no'ox xu' ch-och li boch'otic ts'ibabil ta vun sbiic sventa cuxlejal sbatel osil ti te yich'oj li Ch'ium Chije.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

Apocalipsis 9:17

Li ca'etique xchi'uc li boch'otic cajajtic laj quil ta jch'ulele oy smac yo'ntonic, tsoj jech chac c'u cha'al c'oc'. Ja' jech sbon jech chac c'u cha'al zafiro ton xchi'uc azufre. Li sjol sca'ique xco'laj xchi'uc sjol león. Chloc' c'oc' xchi'uc ch'ayil xchi'uc azufre ta yeic.

Apocalipsis 9:21

Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.

Jueces 7:3

Ja' yu'un albo ti ac'o suticuc batel ta snaic sob oc'om li boch'otic ta xi'ique”, x'utat. Jech li Gedeone lic yalbe li xchi'iltaque. Jech isutic batel ta snaic chib xcha'vinic (22) ta mil. Ja' xa no'ox icom lajunmil (10,000).