Apocalipsis 21:6 - Bible in Tzotzil de Chenalhó with Deuterocanon

⁶ Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Tzotzil Zinacantan

⁶ Liyalbe noxtoc: ―Icacꞌ xa avil scotol. Voꞌon ti ijliques scotole, voꞌon chquilbe slajeb noxtoc. Li muchꞌu chtaquij stiꞌ yaꞌele yuꞌun ti tscꞌan chlecub yoꞌone, voꞌon ta jlecubtasbe li yoꞌone. Ta matanal ta jlecubtasbe. Li slequil yoꞌone mu xlaj ta sbatel osil, coꞌol xchiꞌuc ninabvoꞌ ti mu snaꞌ xꞌule.

Bible in Tzotzil de Chamula

⁶ Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Tzotzil San Andres

⁶ Jech liyalbe nojtoc: ―Laj xa cacꞌ avil scotol. Joꞌon la jliques scotol, jaꞌ yuꞌun joꞌon ta jneles scotol. Li buchꞌu chtaquij stiꞌ yaꞌel ta sventa ti chac tuqꞌuibuque, joꞌon ta jtuqꞌuibtasbe yoꞌon. Ta smoton noꞌox chcacꞌbe. Li slequil yoꞌone muꞌyuc slajeb sbatel osil jech chac cꞌu chaꞌal nioꞌ ti mu snaꞌ xꞌule.

Tzotzil de Huixtán

⁶ Hech laj yalbun uc: ―Ihu' xa cu'un. Ho'on laj jliques scotol, ho'on laj xa ju'tes scotol. Ho'on jtalel oyun. Hech chaj c'u che'el smoton chavac'beic ho' ti much'u taquin yo'ntone, ja' no'ox hech ti much'u tsc'an ti chcole, ja' smoton ti jcolta sbatel osil.

Apocalipsis 21:6 Iomraidhean Croise

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Oseas 14:4

Li Diose jech chal: “Vu'un ta jpoxtabe li yo'ntonic ti xtal xbat no'oxe; ta yutsil co'nton jtuc ta jc'anic, yu'un ilecub xa co'nton ta stojolic.

Joel 3:18

Me la sta li sc'ac'alil le'e, te xa no'ox ta xloc' ta vitsetic li ya'lel ts'usube, te xa no'ox ta xloc' ta bic'tal vitsetic li ya'lel xchu' vacaxe. Scotol li bebevo'tic ta Judae chlic xanovuc lec ya'lel. Jech noxtoc ta xlic loc'uc jun nio' ta xch'ulna li Muc'ul Diose, ja' ta xat'es li soplejaltic Sitime.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:11

Li antse jech laj yal: —Tata, pero mu'yuc slupubil avu'un, yu'un toj nat li pozoe. ¿Bu chata li vo' chavac'bun ti chicuxi yu'un chavale?

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Romanos 3:24

Pero ta sventa ti toj lec yo'nton li Diose, jech ta matanal ti mu'yuc xa jmultic chijyilutic ta sventa ti la stojbutic jmultic li Jesucristoe.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

1 Corintios 2:12

Li vu'utique ma'uc laj quich'tic li espíritu li' ta banamile. Ja' quich'ojtic li Espíritu liquem tal ta stojol Diose, yu'un jech ac'o jna'tic li c'usi snopoj Dios chijyac'butique.

1 Corintios 3:12

Me oy boch'o yantic o c'usi tslatsic muyel ta sba li snaclebe, me oy boch'o chac' c'anal taq'uin, saquil taq'uin, tonetic ti c'upilic sbae, o me te', me jobel, o me c'ajbene,

1 Corintios 3:21

Ja' yu'un mu xu' chatoy abaic ta sventa ti chat'ujic boch'o lec chavilique, yu'un chtun avu'unic scotol.

1 Corintios 3:5

¿C'usi yabtel li Apolose? ¿C'usi yabtel li Pabloe? Ja' no'ox chituncutic, ja' no'ox la jcholcutic ava'yic ti jech laj ach'unic Cajvaltique. Ja' no'ox la jpascutic jujununcutic li c'usi laj yac'bun jpascutic Cajvaltique.

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 22:13

Vu'un sliquebun, vu'un slajebun., Vu'un la jliques, vu'un ta jvu'es. Te oyun ta sliqueb; te oyun o c'alal ta slajeb”, xi.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye:

Apocalipsis 7:17

Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.