Apocalipsis 21:3 - Bible in Tzotzil de Chenalhó with Deuterocanon

³ Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Tzotzil Zinacantan

³ Icaꞌi ti oy muchꞌu iꞌavan ta vinajele: ―Ta xchiꞌin xa ta naclej crixchanoetic li Rioxe. Li crixchanoetique jaꞌ xa tspasatic ta mantal yuꞌun li Rioxe. Jaꞌ chajvalinic o ta sbatel osil.

Bible in Tzotzil de Chamula

³ Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.

Tzotzil San Andres

³ Icaꞌi tsots cꞌopojel ta vinajel, jech laj yal: ―Li Diose ta xa schiꞌin ta naclej li crixchanoetique. Li crixchanoetique jaꞌ xa ta xventainatic o yuꞌun li Diose. Jaꞌ sDiosic o sbatel osil.

Tzotzil de Huixtán

³ Laj ca'i oy much'u tsots chc'opoj te yo' bu ti muc'ta naclebale te ti vinajele. Hech laj yal: ―A'yo me ava'yic. Ti Diose chchi'in ti naclej ti crixchanoetique. Yu'un Dios chc'otic. Ja' Dios yu'unic sbatel osil.

Apocalipsis 21:3 Iomraidhean Croise

1 Reyes 8:27

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

2 Crónicas 6:18

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

Éxodo 25:8

Pasbicun junuc jch'ulna sventa te chajchi'inoxuc.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 32:38

Ja' jteclumal chc'otic o, vu'un Diosun yu'unic ta xc'ot ec.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

Ezequiel 43:7

Jech laj yalbun li boch'o la sc'opanune: “Li vo'ote xnich'on cristiano, li'i ja' yavil jchotleb bu ta jpas mantal; ja' yavil bu ta jtec'an cacan. Ja' li' ta jchi'in o ta naclej sbatel osil li smomnich'nab Israele. Li stuquique xchi'uc li ajvaliletic yu'unique mu'yuc xa chlic soquesbicun sc'oplal jch'ulbi ta scoj li mulivajeletic tspasique, xchi'uc ta scoj sbec'tal li anima ajvaliletic yu'unique.

Ezequiel 48:35

Ti c'u snatil ta set li coraltone ja' balunmil (9,000) metro ta scotol. Li lume ‘Li' oy li Muc'ul Diose’, xi sbi chc'ot”, xi li Muc'ul Diose.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

Números 9:16

Ja' jech ta spasilan o scotol c'ac'al: Ta c'ac'altique, ta xpix li ch'ulna pasbil ta nucule; yan ta ac'ubaltique, ta xc'ataj ta c'oc'.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 14:23

Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

1 Tesalonicenses 3:11

Ja' ac'o stacuncutic tal ta atojolic stuc li Diose, ja' li Jtotique, xchi'uc li Cajvaltic Jesucristoe.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 8:10

Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque; ta jts'ibabe ta yo'ntonic. Vu'un Diosun yu'unic chic'ot; ja' jteclumal chc'otic o ec.

Hebreos 8:2

Ja' xa te ch-abtej ta mero ch'ulna ti ja' la sva'an stuc li Cajvaltique; muc va'anbiluc yu'un cristiano.

Apocalipsis 10:4

C'alal ic'opojique, ta ox jts'iba ta vun li c'usitic laj yalique. Pero laj ca'ay oy boch'o ic'opoj ta vinajel jech laj yalbun: “Mu me xaval c'usi laj yalic li vucub chauque. Mu me xats'iba ta vun”, xiyutun.

Apocalipsis 10:8

Li boch'o la sc'opanun tal ta vinajele, la sc'opanun yan velta, jech laj yalbun: “Batan, bat tsaco li biq'uit vun ti mu'yuc pac'bile, ti te stsacoj li j'almantal ti stec'oj nab xchi'uc banamile”, xiyutun.

Apocalipsis 12:10

Laj ca'ay oy boch'o tsots chc'opoj ta vinajel, jech laj yal: “Li' xa oy li coltael yu'un Dios cu'untique. Ivinaj xa li svu'ele, xchi'uc ti ja' tspas mantal stuque. Jech noxtoc laj xa yich' tsots svu'el li Cristoe, yu'un ijipat xa yalel li jtic'mulil yu'un jch'unolajeletic te ta banamile ti ta c'ac'al ta ac'ubal tstiq'uilanbe smul ta stojol li Dios cu'untique.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.

Apocalipsis 22:3

Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.