Apocalipsis 21:21 - Bible in Tzotzil de Chenalhó with Deuterocanon

²¹ Li lajchab sti' coraltone pasbil ta lajchab saquil perla. Jujun perla yich'oj li jujuch'oj ti'nae. Li xoraltique pasbil ta bats'i lequil c'anal taq'uin; ja' jech chac c'u cha'al nen ti xquiltic osil ta spate.

Tzotzil Zinacantan

²¹ Li smac li lajchachꞌoj tiꞌcorraltone naca perla. Li cayae naca oro yilel, coꞌol xchiꞌuc nen ti xvinaj saquil osile.

Bible in Tzotzil de Chamula

²¹ Ti lajcha'pech ti' moque, naca ta perla ton meltsanbil. Ti jujupech sti'taque, jpech perla ton yich'oj. Ti muc' ta calle yu'un ti jteclume, naca oro yich'oj, ti sts'ayet no'ox yutsil jech c'u cha'al ti nene.

Tzotzil San Andres

²¹ Li lajchaeb stiꞌ moque yichꞌoj jupꞌej saquil perla. Li cayaetique naca ta cꞌanal taqꞌuin pasbil o, jaꞌ jech chac cꞌu chaꞌal nen ti xvinaj o saquil osile.

Tzotzil de Huixtán

²¹ Ti lajcheb smac sti' ja' jujup'ej perla yich'oj. Sac ti perlae. Pasbil ti puru c'anal taq'uin ti calletique. Xleblajet no'ox hech chaj c'u che'el espejo.

Apocalipsis 21:21 Iomraidhean Croise

1 Reyes 6:20

Li bats'i lequil ch'ul cuarto te ta yut ch'ulnae ja' baluneb metro snatil, baluneb metro sjamalil xchi'uc baluneb metro stayalil. La xpix lec ta bats'i c'anal taq'uin li yute. Jech noxtoc la xpix ta c'anal taq'uin li scajleb smoton Dios pasbil ta ch'ut te'e.

Apocalipsis 17:4

Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Apocalipsis 18:16

Jech chalic: “¡Ay, ay! ¡Ilaj xa o li muc'ta lume! Puru lequil poc' to'ox li sc'u' spoq'ue; pasbilic lec ta lino no, ta yax'elan poc', ta tsajal poc'. Solel xojoban to'ox xchi'uc li c'anal taq'uine, li tonetic ti lec c'upilic sbae, xchi'uc li perlaetique.

Apocalipsis 21:15

Li j'almantal la sc'opanune yich'oj jch'ix smetro pasbil ta c'anal taq'uin; ja' sventa tsbis o li lume, xchi'uc li jujun sti'e, xchi'uc li scoraltonale.

Apocalipsis 21:18

Li coralton yu'un lume pasbil ta jaspe ton. Yan li lume ta puru c'anal taq'uin pasbil. Ja' jech chac c'u cha'al nen ti xquiltic osil ta spate.

Apocalipsis 22:2

Ta o'lol li muc'ta xoral yu'un lume, xchi'uc ta jujujot ti' uc'ume te ch'iem te'etic sventa cuxlejal. Lajchab velta tsatin ta jun jabil, jujun velta tsatin ta jujun u. Li yanale ja' sventa chcolic ta chamel scotol li cristianoetic te oyique.

Apocalipsis 4:6

Ta yeloval li chotlebale, xco'laj xchi'uc nab yilel, sts'ayts'un jech chac c'u cha'al nen. Ta mero stuq'uil, xchi'uc ta spat xocon li muc'ta chotlebale oy chanib c'usi cuxajtic nojemic ta satil. Oy sat ta yelovic xchi'uc ta spatic.