Apocalipsis 21:2 - Bible in Tzotzil de Chenalhó with Deuterocanon

² Laj quil chyal tal ta vinajel li ch'ul lume, ja' li ach' Jerusalene. Te ilic tal ta stojol Dios ta vinajel. Lec chapal iyal tal jech chac c'u cha'al jun tseb ti lec smeltsanoj sba c'alal yu'un xa chnupine.

Tzotzil Zinacantan

² Voꞌon li Juanone, iquil iyal tal jun mucꞌta jteclum, Achꞌ Jerusalén sbi, jaꞌ yoꞌ bu chꞌabal cꞌusi chopole. Tey ilic tal ta vinajel yoꞌ bu ti Rioxe. Lec tsꞌacubtasbil iyal tal, coꞌol xchiꞌuc jun tseb ti chnupune.

Bible in Tzotzil de Chamula

² Ti vu'un Juane laj quil ti ch'ul jteclume, sc'oplal ti ach' Jerusalén ti lic talel ta stojol Dios ti oy ta vinajele. Lec smeltsanoj sba ta j'ech'el jech c'u cha'al junuc jmalijel tseb ta snupel ta be ti slecome.

Tzotzil San Andres

² Joꞌon li Juanune iquil iyal talel jun mucꞌta jteclum, jaꞌ li achꞌ Jerusalén ti mu xa cꞌusi chopol teye. Te ilic talel ta stojol Dios ta vinajel. Lec meltsanbil iyal talel jech chac cꞌu chaꞌal lec smeltsanoj sba jun tseub li cꞌalal yuꞌun xa ta xicꞌ sbaic schiꞌuc li slecom vinique.

Tzotzil de Huixtán

² Ho'on Juanun laj quil iloc' tal ti stojol ti Diose te ti vinajel jun muc'ta jteclum. Ja' ti ach' Jerusalene. Ja' puru lec, mu'yuc mulil te o. Iyal tal. Lec meltsambil hech chaj c'u che'el jun ants ti lec xchapanoj sba yu'un chic' sba xchi'uc smalal.

Apocalipsis 21:2 Iomraidhean Croise

Salmos 87:3

Vo'ot, lum yu'un Dios, toj jun yutsil c'u x'elan chal ac'oplal li Diose, jech chal:

Isaías 1:21

Tuq'uil lum, ¿c'uxi lac'ataj ta jmulavil ants? Yu'un puru tuc' to'ox c'usi tspasic li boch'otic te nacajtique; puru lec to'ox yabtelic, pero tana puru jmilvanejetic xa te oy.

Isaías 52:1

Sión, julovan me, lican me, ich'bo me lec yipal. Jerusalén, lapo lec c'upil sba ac'u', vo'ot li ch'ul lumote, yu'un mu'yuc xa chtal ochuc o yan velta te ta atojol li yanlum cristianoetic ti mu'yuc yich'ojic circunsicione.

Isaías 54:5

Li amalal c'oteme, ja' li Boch'o la spasote, ja' Muc'ul Dios ech'em svu'el xi sbi. Li Jpojvanej avu'une ja' Ch'ul Dios yu'un Israel, Dios yu'un sbejel banamil xi sbi.

Isaías 61:10

Toj xcuxet no'ox co'nton ta stojol li Muc'ul Diose; toj jun no'ox co'nton ta stojol li Dios cu'une, yu'un laj yac'bun li coltael yu'une, laj yac'bun jpas ta canal scotol. La smeltsanun lec jech chac c'u cha'al jun querem ti ta xa xnupine; la sc'ac'ubtasun lec jech chac c'u cha'al jun tseb ti sc'ac'ubtasoj xa lec sba xchi'uc c'usitic oy yu'une.

Isaías 62:4

“Le'e comtsanbil o”, muc xa xiuc ac'oplal. “J'ech'el soquem o li yosilale”, muc xa xiuc chlo'ilajic ta aventa. Jech chalic: “C'upinbil o yu'un Muc'ul Dios”. “Ja' yajnil Muc'ul Dios c'otem”, xi chlic yalic ta aventa, yu'un toj ep c'uxot ta yo'nton. Li avosilale ja' xa smalal chc'ot ya'yel li Diose.

Jeremías 31:23

Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: “C'alal ta xlic quic' sutel tal li' ta banamil li boch'otic chucbil ibatic ta yan banamile, me li' xa'ox oyic yan velta ta slumalic, ta yosilalique, jech chalic: ‘Ac'o ac'batuc bendición yu'un Muc'ul Dios li ch'ul vits li'i, li yavil c'usitic lec, c'usitic tuq'ue’, xi.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

2 Corintios 11:2

Ti jech toj juteb co'nton ta atojolique ja' ta sventa li Diose. Yu'un jun no'ox vinic laj cac' amalinic ya'yel, ja' yu'un tsots sc'oplal chca'ay ti chc'ot jva'anoxuc ta stojol Cristo jech chac c'u cha'al jun tojol tsebe.

Hebreos 11:10

Yu'un ja' la smala chc'ot ta muc'ta lum ti lec pasbil, ti lec tsots ac'bil snaclebe, ti ja' sva'anoj stuc li Diose.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 12:22

Li vo'oxuque ja' lanopajic tal ta vits Sión, ja' li slumal cuxul Diose, ja' li ach' Jerusalén te ta vinajel yo' bu xchi'inoj ep ta mil (1,000) j'almantaletique,

Hebreos 13:14

Yu'un li' ta banamile mu'yuc bu ta jtatic junuc lum ti xu' te chijnaquiutic o sbatel osile. Ja' yu'un ja' jsa'tic batel li lum ti ca'yojbetic sc'oplal ta to jtatique.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 11:2

Yan li yamaq'uil ta spate mu me xatsac ta bisel, yu'un cac'ojbe xa ta sc'ob yanlum cristianoetic. O'lol xchanibal jabil chtal xpech'ilanic ta teq'uel li ch'ul lume.

Apocalipsis 21:10

Jech ta sventa Ch'ul Espíritu laj ca'ay laj yic'un batel ta jun muc'ta toyol vits. Te laj yac'bun quil li muc'ta ch'ul lum Jerusalén chyal tal ta vinajel ta stojol Diose.

Apocalipsis 21:9

Li vucub j'almantaletic yich'oj jujun stazaic nojemic ta slajeb li yan vucub tsatsal vocole, ital sc'opanun jun, jech laj yalbun: “La' li'i, chacac'bot avil yajnil li Ch'ium Chij ti chapal xa sventa chic' oe”, xiyutun.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Apocalipsis 22:19

Jech noxtoc li boch'o tsloq'ues c'uuc yepal li c'op li' ts'ibabil ta vun ti chal c'usitic chc'ot ta pasele, ja' jech ta sloq'uesat yu'un Dios ec. Mu'yuc ch-ac'bat slo' li sat te' sventa cuxlejale, xchi'uc mu x'aq'ue ochuc ta ch'ul lum jech chac c'u cha'al chal li' ta vune”, xi li Jesuse.

Apocalipsis 3:12

Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.