Apocalipsis 21:16 - Bible in Tzotzil de Chenalhó with Deuterocanon

¹⁶ Li lume co'ol sjamalil ta set. Li j'almantale la sbis li lume. Ja' cha'mil xchi'uc chib ciento (2200) kilómetro iloc'. Li snatil, li sjamalil, xchi'uc li stayalile co'ol yepal kilómetro yich'oj.

Tzotzil Zinacantan

¹⁶ Lic spꞌis li jteclume. Dos mil doscientos kilómetro li sjamleje. Jaꞌ noꞌox yech li snatile xchiꞌuc li stayleje.

Bible in Tzotzil de Chamula

¹⁶ Chanjot xchiquin yich'oj ti jteclume, yu'un co'ol snatil, sjamlej. Xi s'elan loc' ta bisel yu'un ti ánjel c'alal laj sbis ti jteclume: yich'oj cha'mil xchi'uc lajunvinic (2,200) kilómetro ti snatile, ti sjamleje, ti stailej xmuye.

Tzotzil San Andres

¹⁶ Li chꞌul ángele la spꞌis li jteclume. Jaꞌ chaꞌmil schiꞌuc lajunvinic kilómetro (2200) ilocꞌ ta pꞌisel ta setom. Li snatile, schiꞌuc li sjamleje, schiꞌuc li stayleje, jmoj ilocꞌ ta pꞌisel.

Tzotzil de Huixtán

¹⁶ Cuadrado ti jteclume, co'ol sjamalil xchi'uc snatil. Lic sp'is ti smetro ti jteclume. Cha'mil oxib ciento kilómetro iloc'. Co'ol snatil xchi'uc stoylejal xchi'uc sjamalil. Muc' ti jteclume.

Apocalipsis 21:16 Iomraidhean Croise

Ezequiel 41:4

Ts'acal la sbis li xcha'c'olal cuartoe; ja' lajuneb metro snatil jujujot. Jech laj yalbun: “Li'i, ja' li bats'i lequil ch'ul cuartoe”, xiyutun.

Ezequiel 42:20

Ta xchanjotal xchiquin la sbis. Scotol le'e setbil lec ta coralton ta joyob; ja' o'lol yoxibal cien (250) metro ta set. Yu'un jech voc'ol oy li c'usi ja' sventa ch'ulnae xchi'uc li c'usi ma'uc sventae.

Ezequiel 48:35

Ti c'u snatil ta set li coraltone ja' balunmil (9,000) metro ta scotol. Li lume ‘Li' oy li Muc'ul Diose’, xi sbi chc'ot”, xi li Muc'ul Diose.

Apocalipsis 21:15

Li j'almantal la sc'opanune yich'oj jch'ix smetro pasbil ta c'anal taq'uin; ja' sventa tsbis o li lume, xchi'uc li jujun sti'e, xchi'uc li scoraltonale.

Apocalipsis 21:17

La sbis noxtoc li coralton yu'un lume. Ja' chanib xchanvinic (64) metro iloc'. Ti c'u x'elan la sbis li j'almantale ja' jech chac c'u cha'al ta jbistic vu'utique.