Apocalipsis 21:12 - Bible in Tzotzil de Chenalhó with Deuterocanon

¹² Jech noxtoc setbil lec ta muc'ta coralton, lec toyol, oy lajchab sti'. Ta jujuch'oj sti'e te oy jujun j'almantal, xchi'uc te ts'ibabil sbi li lajcha'chop israeletique.

Tzotzil Zinacantan

¹² Li jteclume joyol ta corralton, toyol. Oy lajchachꞌoj stiꞌil. Li jujun stiꞌile tey jujun anjel. Tey tsꞌibabil jbitic juchop voꞌotic ti lajchachop jꞌisraelotique.

Bible in Tzotzil de Chamula

¹² Ti jteclume joyol ta jun muc' ta moc ti toyol yich'oje, xchi'uc yich'oj lajcheb sti'. Ta jujun ti sti'e, va'ajtic jujun ánjel. Ti ta sti'taque, tsacbil sbiic ti lajcha'chop snitilul Israele.

Tzotzil San Andres

¹² Li jteclume joybil ta moc pasbil ta ton. Toyol li moque. Oy lajchaeb stiꞌ. Li ta jujun stiꞌe te oy jujun chꞌul ángel, schiꞌuc te tsꞌibabil juchop jbitic, joꞌotic li lajchachop jꞌisraelutique.

Tzotzil de Huixtán

¹² Oy muc'ta macte' ti sjoylejal ti jteclume. Toyol ti macte'e. Oy lajcheb sti'. Ti jujun sti' te va'al jujun ch'ul abat. Ti jujun sti' te p'ejel jujutos jbitic, ho'ucutic ti yelnich'onucutic ti Israele, ti lajchachopucutique.

Apocalipsis 21:12 Iomraidhean Croise

2 Crónicas 9:19

Te ta vaccoj tec'ubale oy lajcha'cot sloc'obal leonetic, jujucot ta jujujot tec'ubal. Mu'yuc bu jech yantic ajvalil spasojic lequil chotlebal jech chac c'u cha'al la spas li Salomone.

Esdras 9:9

Ac'o me mozoinbiluncutic, pero muc xacomtsanuncutic; laj to avac'bun quilcutic slequil avo'nton ta sventa li ajvaliletic ta Persiae. Laj to avac' cuxicuncutic sventa tal jcha'pascutic li ch'ulna avu'un laj yich' vuq'uesele ti yav xa'ox li' oye. Laj to achabi li Judá xchi'uc Jerusalene.

Nehemías 12:27

C'alal laj cac'cutic ta sc'ob Dios li coralton yu'un Jerusalene, la jt'uncutic scotol li levietic ti butic nacalic batele, yu'un chquic'cutic tal ta Jerusalén sventa chaq'uic ta sc'ob Dios li coraltone. La jpascutic lec q'uin ta q'ueojetic, ta arpaetic, ta sepsep taq'uinetic, xchi'uc ta yantic arpaetic.

Salmos 122:7

Ac'o mu'yucuc c'op te ta yut li acoraltonale; ac'o junuc no'ox yo'nton li boch'o te nacajtic ta muc'tic naetic avu'une”, chianic.

Salmos 51:18

Paso c'usi lec ta stojol li lum Sión ta sventa slequil avo'ntone; cha'va'anbo scoraltonal li lum Jerusalene.

Éxodo 28:21

Li tonetique lajchab (12) tsc'an, yu'un lajcha'chop (12) sbiic li xnich'nab Israele. Ta jujubej tone te ac'o yich' nacanbel sbi li jujuchop israeletique, ja' jech ac'o yich' pasel jech chac c'u cha'al sello.

Isaías 54:12

Li q'uelub osiletic avu'une ta puru rubí tonetic ta jpas. Li sti' acoraltonale ta berilo tonetic ta jpas. Scotol li coraltonetique ta puru lequil tonetic ta jpas.

Isaías 60:18

Mu'yuc xa bu chvinaj o utbail, majbail te ta avosilal; mu'yuc xa chc'ot ta pasel yan velta jinesel vuq'uesel ta atojol. Li coralton avu'une ‘Jcoltavanej cu'un’ xi sbi chc'ot avu'un. Li ti'coraltonetic avu'une ‘Svinajesubil Slequilal Dios’ xi sbi chc'ot avu'un.

San Mateo 18:10

“Q'uelo me abaic, mu me mu'yucuc stu chavilic junuc li ololetic li'i. Chacalboxuc ava'yic, li j'almantaletic yu'unic te ta vinajele scotol ora te chilbeic o sat li Jtot te oy ta vinajele.,

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

San Lucas 16:22

Ta yan c'ac'al icham li jc'anlimosnae, i'ic'at batel yu'un yaj'almantaltac Dios yo' bu oy li Abrahame. Icham ec li jc'ulej vinique, imucat.

Hechos 26:7

Vu'utic li lajcha'chop judioutique scotol jchi'iltactic yoquel tsmalaic chc'ot ta pasel li c'usi yaloj Diose, ja' yu'un ta c'ac'al ta ac'ubal scotol yo'nton ta xch'unbeic smantal li Diose. Ajvalil Agripa, ta sventa ti jch'unoj ti ic'ot xa ta pasele, ja' jmul yu'unic o.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Apocalipsis 21:13

Ta sloq'ueb c'ac'ale oy oxib sti'. Ta xocon vinajel ta nortee oy oxib sti' noxtoc. Ta xocon vinajel ta sure oy oxib sti' noxtoc. Ta smaleb c'ac'ale oy oxib sti' noxtoc.

Apocalipsis 21:15

Li j'almantal la sc'opanune yich'oj jch'ix smetro pasbil ta c'anal taq'uin; ja' sventa tsbis o li lume, xchi'uc li jujun sti'e, xchi'uc li scoraltonale.

Apocalipsis 21:25

Li sti' coraltone mu'yuc xa persa chich' maquel o, yu'un mu'yuc xa ac'ubaltic.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.