Apocalipsis 21:1 - Bible in Tzotzil de Chenalhó with Deuterocanon

¹ Ts'acal laj quil ach' vinajel, ach' banamil. Yu'un li poco' vinajel banamile ich'ay o batel. Mu'yuc xa nabetic noxtoc.

Tzotzil Zinacantan

¹ Tsꞌacal to iquil achꞌ vinajel balamil. Li baꞌyi vinajel balamile isacchꞌay. Chꞌabal xa mar.

Bible in Tzotzil de Chamula

¹ Laj taj une, laj quil jun ach' vinajel xchi'uc jun ach' banomil, yu'un ti ba'yel vinajele, ti ba'yel banomile laj tsuts xa sc'oplal. Jech ec ti muc' ta nabe tsuts sc'oplal.

Tzotzil San Andres

¹ Ta tsꞌacale iquil achꞌ vinajel balumil, yuꞌun li poco vinajel balumile isac‐chꞌay xa batel. Muꞌyuc xa nabetic nojtoc.

Tzotzil de Huixtán

¹ Patil laj quil ach' vinajel xchi'uc ach' balumil. Yu'un itup' xa ti poco vinajele xchi'uc ti poco balumile. Mu'yuc xa ti nabe.

Apocalipsis 21:1 Iomraidhean Croise

Isaías 27:1

Li Muc'ul Diose ja'o yorail chac'be svocol li Leviatane,, ja' li chon ti xquilet chanov ta anile, ti xotoj sba ta banamile. Ja' ta smil o ta yespada ti toj xi'bal sbae, ti toj muq'ue, xchi'uc ti toj tsotse. Ta smil noxtoc li dragón te oy ta nabe.

Isaías 51:11

Ja' jech ac'o suticuc tal ec li boch'otic chapoj tale; aveticuc no'ox ta q'ueoj ti c'alal ch-ochic batel ta Sione. Ac'o vinajuc ta satic ti solel xcuxet yo'ntonique, j'ech'el cuxetuc o yo'ntonic; ac'o ch'ayuc o batel li oq'uel, li vocol te to'ox oye.

Isaías 57:20

Yan li boch'o chopolique ja' jechic jech chac c'u cha'al nab ti xyuc'lajet no'oxe, ti mu'yuc bu ch'anxi ts'anale, ti puru c'a'ep, puru ic'ubal tsves loq'uel ta jujujot sti'e.

Isaías 66:22

Jech chal noxtoc li Muc'ul Diose: “Jech chac c'u cha'al sbatel osil te chcom o li ach' vinajel, ach' banamil ta xcac' tale; ja' jech mu xlaj sc'oplalic o ec li amomnich'nabique xchi'uc li abiique.

Daniel 7:3

Te iloc' tal ta nab chancot muc'tic chonbolom, pero yantic o c'u x'elan jujun.

Romanos 8:21

Yu'un tsta yorail chcolic loq'uel ta svocolic ec li c'usitic spasoj Diose, jech mu xa xc'a'ic, mu xa soquic, yu'un co'ol tsta slequilal yutsilalic xchi'uc li xnich'nab Diose.

2 Pedro 3:10

Li sc'ac'alil c'alal chtal Cajvaltique ja' jech chac c'u cha'al jun j'elec'. Ta sc'ac'alil le'e, tsots xvo'et c'alal chc'ac' li vinajele. Li c'usitic oy ta vinajele ta x'ul ta c'oc'. Jech noxtoc li banamile xchi'uc scotol li c'usitic te oye ta xlaj scotol.

2 Pedro 3:13

Pero li vu'utique ja' xa ta jmalatic li ach' vinajel xchi'uc ach' banamil ti yaloj ono'ox Dios ta xac'butique, ti bu puru tuc' xa c'usitic te oye.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Apocalipsis 21:5

Li Boch'o te chotol ta muc'ta chotlebale jech laj yal: “A'yo ava'yic, ta jpas ta ach' scotol li c'usitic oye”, xi. Jech laj yalbun: “Ts'ibao ta vun, yu'un li jc'op li'i ja' melel scotol; persa chc'ot ta pasel”, xiyutun.

Apocalipsis 6:14

Li vinajele la sbal sba batel jech chac c'u cha'al ta jbaltic vun. Scotol li vitsetique xchi'uc li bic'tal banamil cacajtic ta nabe iloc'an ta yavilic.