Apocalipsis 20:8 - Bible in Tzotzil de Chenalhó with Deuterocanon

⁸ Jech bat slo'la scotol cristianoetic ta xchanjotal xchiquin banamil, ja' li Gog xchi'uc Magogue. La stsobic tal scotol sventa chtal spasic pleito. Bats'i ep italic jech chac c'u cha'al yi' ta ti'nab.

Tzotzil Zinacantan

⁸ Chba sloꞌlo noxtoc scotol li crixchanoetic ta sjunlej balamile yoꞌ stsob o sbaic ta acꞌ cꞌoqꞌue. Gog xchiꞌuc Magog sbi scotol li crixchanoetique. Ep tajmec ta stsob sbaic, mu xlaj ta nitel yuꞌun coꞌol xchiꞌuc li yiꞌal mare.

Bible in Tzotzil de Chamula

⁸ Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.

Tzotzil San Andres

⁸ Ba schaꞌloꞌlo nojtoc scotol li crixchanoetic ta spꞌejel li balumile. Jaꞌ Gog schiꞌuc Magog sbiic scotol li crixchanoetique. La stsob sbaic tal scotolic yuꞌun ta spasic cꞌop. Ep tajmec italic, mu xlaj ta atel jech chac cꞌu chaꞌal jiꞌ ta tiꞌnab.

Tzotzil de Huixtán

⁸ Chba slo'la yan vuelta ti crixchanoetique ti sjoylejal balumil. Ja' Gog xchi'uc Magog sbiic ti crixchanoetique. Chba stsob tal yu'un tspasic pleito. Ep ti jyalel chtalic. Mu stac' atel hech chaj c'u che'el hi' ti ti'nab.

Apocalipsis 20:8 Iomraidhean Croise

1 Reyes 4:20

Te ta Judá xchi'uc ta Israele mu xa stac' atel c'u yepalic, jech chac c'u cha'al yi' ta ti'nab. Xchi'uc oy lec sve'elic, oy lec c'usi chuch'ic jech xcuxet no'ox yo'ntonic.

2 Crónicas 18:21

Itac'ov: “Chiloc' batel; vu'un ta xbat cac'be epalc'op ta yeic li j'alc'opetic yu'un ajvalil Acabe”, xi. Li Muc'ul Diose jech laj yal: “Lec oy, bat paso cha'e; lec xu' avu'un”, xut.

Isaías 10:22

Israel, ac'o me bats'i epoxuc, ac'o me ja' jechoxuc jech chac c'u cha'al yi' ta ti'nab, pero scomelal xa no'ox ta sut tal avu'unic, yu'un li lajesel-chamesel ti chapanbil xa chavich'ique lec tuc', lec ts'acal ta xich' pasel.

Jeremías 33:22

Jech chac c'u cha'al mu stac' atel li c'analetic ta vinajele xchi'uc li yi'tic ta ti'nabe, ja' jech yepal ta jbolesbe smomnich'nab li cajtunel Davide xchi'uc li levietic ti chtunic ta jtojole”, x'utat yu'un Muc'ul Dios li Jeremiase.

Ezequiel 38:1

La sc'opanun noxtoc li Muc'ul Diose, jech laj yalbun:

Ezequiel 38:2

“Xnich'on cristiano, q'uelo batel li Gog te ta yosilal Magoge, ja' li mero banquilal yu'unic li lum Mesec xchi'uc Tubale. Albo ta jamal li smule:

Ezequiel 39:1

“Ja' yu'un albo ta jamal smul li Goge: ‘Jech chal li Cajvaltic Muc'ul Diose: A'yo ava'ay Gog, vu'un chajcontrainot, vo'ot li mero banquilalot yu'un li lum Mesec xchi'uc Tubale.

Ezequiel 39:6

Ja'o chlic jtac batel c'oc' ta stojol li Magoge xchi'uc ta stojol li boch'otic jun yo'ntonic te nacajtic ta banamil cacajtic ta nabe, yu'un jech ac'o sna'ic ti vu'un Muc'ul Diosune.

Ezequiel 7:2

“Vo'ot xnich'on cristiano, jech xaval chac li'i: Li Muc'ul Diose, ja' li Cajvaltique, jech chal ta sventa li yosilal Israele: Ta xa xtal slajebal; ta xa xtal slajebal ta xchanjotal xchiquin li banamile.

Hebreos 11:12

Jech ec li Abrahame ac'o me jun no'ox vinic, xchi'uc ac'o me xco'laj xa xchi'uc chamen ya'yel, pero jech to yepal ibol smomnich'nab jech chac c'u cha'al c'analetic, jech chac c'u cha'al yi' ta ti'nab ti mu stac' atele.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.

Apocalipsis 20:3

La sjip ochel ta natil xab; la smacbe lec sti'. Laj yac'be lec sello li sti'e, yu'un jech mu me slo'la cristianoetic ta jujun banamil. Ja' to me its'aqui li jmil jabile, ja' to chich' loq'uesel, pero mu xa jaluc.

Apocalipsis 7:1

Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.

Jueces 7:12

Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

1 Samuel 13:5

Jech ec li filistaetique lic stsob sba scotolic sventa tstsaquic ta pleito li israeletique. Oy lajuneb xcha'vinic ta mil (30,000) scaretaic sventa pleito, vacmil (6,000) viniquetic cajalic ta ca', xchi'uc bats'i ep viniquetic stsoboj sbaic; mu xlaj ta atel jech chac c'u cha'al yi' ta ti'nab. Tuc' ibatic ta Micmas; te c'ot spas scarpanaic ta sloq'ueb c'ac'al yu'un Bet-avén.