Apocalipsis 20:6 - Bible in Tzotzil de Chenalhó with Deuterocanon

⁶ Xcuxet no'ox yo'nton li boch'otic tstaic li sba velta cha'cuxesele, yu'un voc'bilic xa yu'un Dios. Yu'un li xchibal velta lajele mu'yuc xa ta sventaic. Ja' xa paleetic yu'un Dios xchi'uc Cristo c'otemic. Jech co'ol tspasic mantal jmil (1,000) jabil xchi'uquic li Cristoe.

Tzotzil Zinacantan

⁶ Ti muchꞌutic baꞌyi ichaꞌcuxiique jun xa yoꞌonic, tey xa xchiꞌuquic ti Rioxe. Mu xa bu ta xchamic ta xchaꞌechꞌelal. Jaꞌ xa ta xtunic yuꞌun ti Rioxe xchiꞌuc ti Cristoe chac cꞌu chaꞌal ti paleetique. Jmil jabil tspasic mantal xchiꞌuc ti Cajvaltic Jesuse.

Bible in Tzotzil de Chamula

⁶ Yan yutsil ti buch'u oy sc'oplalic ba'yel ta xcha'cuxiique, yu'un c'otemic ta steclumal ti Diose. Yu'un laj to sc'oplal ti q'uelel ta stojolic ta xchamic ta xcha'cojale, c'otemic xtoc ta yajpale ti Diose xchi'uc ti Cristoe, jmil jabil ta spasic mantal xchi'uc.

Tzotzil San Andres

⁶ Xmuybajic noꞌox yuꞌun te xa schiꞌuquic o li Diose. Yuꞌun laj xa spasic ta canal ti chꞌayel toꞌox chbatique. Jaꞌ xa ta xtuneic o yuꞌun li Diose schiꞌuc li Cristoe jech chac cꞌu chaꞌal ituneic yuꞌun Dios li paleetic ta voꞌonee. Jmil jabil coꞌol ta spasic mantal schiꞌuc li Cajvaltique.

Tzotzil de Huixtán

⁶ Jun no'ox yutsil scotol ti much'utic primero chcha'cuxiique. Mu'yuc xa smulic. Mu xa xcha'cham yan vuelta, ja' ti mu x'ac'batic castigo. Chtunic yu'un ti Diose xchi'uc ti Cristoe hech chaj c'u che'el laj yac' sbaic ti abatinel yu'un ti Diose ti jchi'iltac ti vo'one ti i'ochic ti palee. Jmil habil co'ol tspasic mantal xchi'uc ti Cajvaltique.

Apocalipsis 20:6 Iomraidhean Croise

Isaías 4:3

Li boch'otic cuxajtic chcom te ta Sione, li boch'otic t'ujbil chcomic yu'un Dios te ta Jerusalene, “ch'ul cristianoetic”, xi chlic albatuc sc'oplalic.

Isaías 61:6

Li vo'oxuque cha'albat ac'oplalic ti vo'oxuc paleoxuc yu'un Muc'ul Diose; ja' yajtuneltac Dios cu'untic, xi ac'oplalic. Ta to xac'upinbeic sc'ulejal li yantic banamiletique; ta to xac'ac'umtas lec aba achi'uquic li sc'ulejalique.

Daniel 12:12

Toj xcuxet no'ox yo'nton li boch'o jun yo'nton oe, ti smalaoj tsta jmil xchi'uc oxib ciento xchi'uc vo'lajuneb xcha'vinic (1,335) c'ac'ale.

San Lucas 14:15

C'alal laj ya'yic jech laj yal li Jesuse, oy jun boch'o te co'ol oyic ta mexa xchi'uquic jech laj yalbe li Jesuse: —Toj xcuxet no'ox yo'nton li boch'otic jech ta xve'ic yo' bu tspas mantal li Diose —xi.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Romanos 8:17

Me xnich'nabutic xa Diose, jech oy xa ta jventatic chquich'betic ec li c'usi oy yu'une. Jech chac c'u cha'al laj yich' ba'yuc li Cristoe, ja' jech ta xquich'tic ec, yu'un co'ol ta jts'ictic vocol jech chac c'u cha'al la sts'ic li Cristoe, jech co'ol jlequil cutsil chijc'ot jchi'uctic noxtoc.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

1 Pedro 2:5

Ja' jech li vo'oxuque lequil ton c'otemoxuc, chavich'ic latsel muyel yu'un jech chac'otic ta jbej ch'ulna yu'un Dios. Vo'oxuc ch'ul paleoxuc chac'otic, jech ta sventa Jesucristo xu' chavaq'uic lequil matanal sventa sbatel osil ti lec chil Diose.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

Apocalipsis 1:6

Ja' ti laj yac' ochcutic ta pasmantale, xchi'uc ti laj yac' ochcutic ta paleal ta stojol Diose, ja' li Stote. Jech ac'o ich'atuc ta muc' sbatel osil li Cajvaltique; ja' ac'o spas mantal stuc sbatel osil. Jechuc.

Apocalipsis 14:13

Laj ca'ay oy boch'o ic'opoj tal ta vinajel, jech laj yalbun: “Jech xats'iba: ‘Xcuxet no'ox yo'nton li boch'o oyic ta stojol Cajvaltic c'alal ta xchamique. Jech chal ec li Ch'ul Espiritue. Chcux xa yo'ntonic o ta svocolic, yu'un te xa xchi'uquic li yabtelique’, xi xats'iba”, xiyutun.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 20:14

Ja' no'ox jech ec li lajel xchi'uc yavil animaetique ijipatic ochel ta muc'ta c'oc'. Le'e ja' li xchibal velta lajele.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:5

Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Apocalipsis 22:7

Li Cajvaltique jech chal: “A'yo ava'yic, po'ot xa chital. Xcuxet no'ox yo'nton li boch'otic ta xch'un li c'usitic li' ts'ibabil ta vun ti po'ot xa chc'ot ta pasele”, xiyutun.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.

Apocalipsis 5:10

Laj xa avac' ochicuc ta pasmantal; laj xa avac' ochicuc ta paleal ta stojol Dios, te xa tspasic mantal ta banamil”, xi li sq'ueojique.