Apocalipsis 20:4 - Bible in Tzotzil de Chenalhó with Deuterocanon

⁴ Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Tzotzil Zinacantan

⁴ Tsꞌacal to iquil ep chotlebaletic. Tey chotajtic li muchꞌutic iticꞌatic ta pasmantale. Iquil ti tey xchꞌulelic noxtoc ti muchꞌutic ilajic o ta milel li scꞌop Rioxe xchiꞌuc ti jamal iyalic ti jaꞌ istoj jmultic ti Jesuse. Jaꞌ ti muchꞌutic muc xichꞌic ta mucꞌ li bolome, ti muc xichꞌbeic ta mucꞌ li slocꞌole, xchiꞌuc ti muc xichꞌbeic li sbie xchiꞌuc li snumeroal ta stiꞌbaique, o mi ta scꞌobic. Iquil ti ichaꞌcuxi scotolique. Jmil jabil ispasic mantal xchiꞌuc ti Cristoe.

Bible in Tzotzil de Chamula

⁴ Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Tzotzil San Andres

⁴ Iquil epal chotlebaletic. Te chotolic li jꞌichꞌcꞌopetique. Te iquilbe schꞌulelic nojtoc li buchꞌutic ilajic ta milel ta sventa ti la spuquic li scꞌop Diose schiꞌuc ti jamal laj yalic li scꞌop li Jesuse. Jaꞌ li muc bu xichꞌic ta mucꞌ li baꞌi jtiꞌaval bolome schiꞌuc li slocꞌole, schiꞌuc ti muc bu xichꞌbeic sbie, mi snumeroale, ta stiꞌbaic, mi ta scꞌobic. Iquil ti ichaꞌcuxiic scotolique. Jmil jabil coꞌol la spasic mantal schiꞌuc li Cristoe.

Tzotzil de Huixtán

⁴ Laj quil ep muc'tic naclebaletic. Te nacajtic ti much'utic ac'bil yabtelic ti chchapanvanique. Te laj quilbe xch'ulelic ti much'utic imilatic ti sventa ti sc'op ti Diose, ti sventa uc ti jamal laj xcholbe sc'opilal ti Jesuse. Ja' ti much'utic muc squejan sbaic ti stojol ti primero jti'vanej bolome xchi'uc ti sloc'tombaile, ti muc xich'beic ti sc'ob mi ti stiba ti smarcae. Laj quil uc icha'cuxiic xchi'uc sbec'talic. Ja' ach' sbec'talic xa yich'ojic. Jmil habil co'ol tspasic mantal xchi'uc ti Cristoe.

Apocalipsis 20:4 Iomraidhean Croise

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Daniel 7:18

Ts'acal to chlic yich' yabtelic ta pasmantal xch'ul nich'nabtac li Boch'o te oy ta vinajele. Sbatel osil mu xlaj sc'oplal o li yabtelique; j'ech'el te chcom o ta stojolic’, xiyutun.

Daniel 7:22

Ja' to ti c'alal ital li Boch'o mu sna' xlaj yoraile, la scolta li xch'ul nich'nabtac Diose, yu'un ic'ot xa yorail ti ja' chlic spasic mantal li xch'ul nich'nabtac Dios ta vinajele.

Daniel 7:27

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

Daniel 7:9

“Te jq'ueloj o c'alal laj yaq'uic lequil chotlebaletic. Te ichoti li Boch'o mu sna' xlaj yoraile. Li sc'u'e toj ven sac jech chac c'u cha'al tayo; li stsotsil sjole sac ta jyalel jech chac c'u cha'al saquil tsots. Li xchotlebe tsanal yilel jech chac c'u cha'al yat c'oc'; li yacantac xchotlebe xpulpun sc'ac'al yilel.

Malaquías 4:5

“A'yo ava'yic, ba'yuc ta jtacboxuc tal j'alc'op Elías ti c'alal mu'yuc to tsta Sc'ac'alil li Muc'ul Diose, ja' li jun c'ac'al ti toj tsots, ti toj xi'bal sbae.

San Mateo 19:28

Itac'ov li Jesuse: —Melel chacalboxuc, c'alal chlic ach'ubuc scotole, c'alal chlic choticun ta jchotleb sventa chi'ich'at ta muc' vu'un ti Xnich'on cristiano lic'ote, chachotiic ta lajchab (12) muc'tic chotlebal ec vo'oxuc ti laj ats'aclinicune. Vo'oxuc chlic achapanic li lajcha'chop israeletique.

San Mateo 24:10

Ta sc'ac'alil le'e oy ep boch'otic ta xchibaj yo'ntonic. Li boch'o ta xchibaj yo'ntonique chopol chlic ilvanicuc; chlic ac'vanicuc ta c'abal ec.

Marcos 6:16

C'alal laj ya'ay Herodes c'usi chalic li cristianoetique, jech laj yal: —Ja' Juan ti laj cac' ta c'ocbel sjole. Yu'un van icha'cuxi —xi.

Marcos 6:27

Jech ta ora la stac batel jun yajsoldado, yu'un ac'o bat sc'ocbe tal sjol li Juane. Ibat li soldadoe bat sc'ocbe tal sjol li Juan te tiq'uil ta chuquele.

Marcos 9:11

Jech la sjac'beic li Jesuse: —¿C'u yu'un ta xalic jchanubtasvanejetic ta smantal Dios ti ta persa ja' ba'yuc ta xtal li Eliase? —xutic.

San Lucas 1:17

Li Juane ja' ba'yuc ta xtal yu'un li Cajvaltique. Ja' co'ol stsatsal svu'elic xchi'uc li j'alc'op Eliase. Ja' chtal yac' co'lajuc yo'ntonic xchi'uc yalab xnich'nab li totil me'iletique, xchi'uc ja' ta sventa ta xchanic xch'unel mantal li jbajmantaletique. Jech lec chapal li steclumal Cajvaltic c'alal chtale —xi li j'almantale.

San Lucas 14:14

Jech chayac'bot bendición li Diose, yu'un mu xu' yu'unic spaquel. Jech chavich' amoton c'alal chcha'cuxiic li boch'otic tuc' yo'ntonique —xi li Jesuse.

San Lucas 22:30

Yu'un jech te chave'ic, chavuch'ic vo' ta jmexa ti bu ta jpas mantale. Jech noxtoc te chachotiic ta chotlebaletic sventa chachapanic li lajcha'chop israeletique”, xi li Jesuse.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

Romanos 11:15

Li comtsanel laj yich'ic israeletique ja' itun ta sventa ico'laj yo'ntonic xchi'uc Dios li cristianoetic ta sbejel banamile. Pero c'alal me laj yich'ic iq'uel yan veltae, toj ech'em lec c'usi chc'ot ta pasel, yu'un chcha'cuxiic li boch'otic chamenique.

Romanos 8:17

Me xnich'nabutic xa Diose, jech oy xa ta jventatic chquich'betic ec li c'usi oy yu'une. Jech chac c'u cha'al laj yich' ba'yuc li Cristoe, ja' jech ta xquich'tic ec, yu'un co'ol ta jts'ictic vocol jech chac c'u cha'al la sts'ic li Cristoe, jech co'ol jlequil cutsil chijc'ot jchi'uctic noxtoc.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

Apocalipsis 1:2

Ja' li Juan ti chal ta jamal ti ja' melel c'usi laj yal li Diose, xchi'uc ti ja' melel jech i'albat yu'un li Jesucristoe, xchi'uc ti ja' melel scotol li c'usitic laj yile.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 11:11

C'alal its'aqui li o'lol xchanibal c'ac'ale, i'ac'bat yich'ic ic' yan velta yu'un Dios. Jech icuxiic, itotsic. Scotol li boch'otic laj yilique ixi'ic ta jyalel.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 11:3

Pero ta jtac batel chib testigo cu'un; chbat xcholic jc'op o'lol xchanibal jabil. Ja' tslapic li c'u'il ti c'ux ta lapele”, xiyutun.

Apocalipsis 11:7

C'alal me ilaj yo'ntonic ta xcholel li c'usi albilic yu'un Diose, ja'o chloc' tal ta xab li jti'vanej bolome. Ja' chlic spasic c'op xchi'uc li chibique; tsalbil chcomic, jech chmilatic o.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 2:26

Li boch'otic tstsal yu'un scotole, ti jun yo'nton tspasic o c'usi ta jc'an c'alal to ta slajebe, ja' chcac'be tsots yabtelic ta sventa scotol cristianoetic ta jujun banamil jech chac c'u cha'al yac'ojbun cabtel li Jtote. Biq'uitic tslilinic ta vaston ti pasbil ta taq'uine, jech j'ech'el chvoq'uic o jech chac c'u cha'al bin.

Apocalipsis 20:6

Xcuxet no'ox yo'nton li boch'otic tstaic li sba velta cha'cuxesele, yu'un voc'bilic xa yu'un Dios. Yu'un li xchibal velta lajele mu'yuc xa ta sventaic. Ja' xa paleetic yu'un Dios xchi'uc Cristo c'otemic. Jech co'ol tspasic mantal jmil (1,000) jabil xchi'uquic li Cristoe.

Apocalipsis 22:5

Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 6:9

C'alal ituch' li yo'bal spac' vune, laj quil te oyic ta yolon scajleb smoton Dios xch'ulelic li boch'otic imilatic ta sventa sc'op Diose, xchi'uc ta sventa ti jamal laj yalic ti xch'unojique.

Apocalipsis 7:3

Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.