Apocalipsis 20:3 - Bible in Tzotzil de Chenalhó with Deuterocanon

³ La sjip ochel ta natil xab; la smacbe lec sti'. Laj yac'be lec sello li sti'e, yu'un jech mu me slo'la cristianoetic ta jujun banamil. Ja' to me its'aqui li jmil jabile, ja' to chich' loq'uesel, pero mu xa jaluc.

Tzotzil Zinacantan

³ Isjip yalel ta natilchꞌen, ismacbe stiꞌil, iyacꞌbe seyoal yoꞌ mu xa sloꞌlo o li crixchanoetic ta sjunlej balamile. Jaꞌto cꞌalal stsꞌaqui li jmil jabile ta xloqꞌuesat, pero mu xa jaluc ta xcol.

Bible in Tzotzil de Chamula

³ Laj sjip yalel ta natil xa'ab ti mu'yuc spajebe. Laj sbaj comel. Laj yac'be seyoal sti' yo' jech mu slo'laan ti jnaclejetic oy ta sjoylej banomile, ja' to mi ech' ti jmil (1,000) jabile, ti mu xa jaluc ta xcole.

Tzotzil San Andres

³ La sjip ochel li ta mucꞌta xab ti muꞌyuc spajebe, la smacbe lec stiꞌ. La spacꞌbe sjoyobal li stiꞌe. Jech jmil jabil muc bu tsloꞌlo crixchanoetic ta spꞌejel li balumile. Jaꞌ to mi itsꞌaqui li jmil jabile, jaꞌ to ta xloqꞌuesat, pero mu xa toj jaluc chcol.

Tzotzil de Huixtán

³ Laj sten ochel ti yut xab. Patil laj smacbe sti' ti xabe. Te laj yac'be comel sello ti smac sti' ti xabe yu'un ja' jmil habil mu xu' slo'la ti crixchanoetique. Ja'to mi its'aqui ti jmil habile ja'to chcoltaat j'oc'uc ti pucuje.

Apocalipsis 20:3 Iomraidhean Croise

Salmos 90:4

Yu'un li jmil (1,000) jabile ja' jech chava'ay jech chac c'u cha'al li jun c'ac'al ijelov voljee. Unin muc'ta jal no'ox chava'ay jech chac c'u cha'al li boch'o chbat svayel ta ac'ubaltique.

Daniel 6:17

C'alal te xa tiq'uil ta xch'en leonetic li Daniele, laj yich'ic tal jbej ton; ja' la smacbeic o sti' li ch'ene. Li ajvalile laj yac'be selloal yixtolal sc'ob, xchi'uc selloal yixtolal sc'obic li banquilaletic yu'une, yu'un jech mu me xich' jelel li c'usi chapanbil ta sventa li Daniele.

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

San Mateo 27:66

Jech ibatic, bat smeltsanbeic lec li smuquinale. La spaq'uic lec comel li muc'ta tone; laj yac'beic lec comel senyail. Te laj yac'beic comel xchabiic li soldadoetique.

Marcos 4:15

Li bec' trigo ic'ot ta bee ja' li boch'otic cha'yic sc'op Diose ti chc'ot ta yo'ntonique. Pero ta ora ta xtal li banquilal pucuje; ta sloq'uesbe ta yo'ntonic li sc'op Dios te ts'unbile.

San Lucas 8:31

Li pucujetique la sc'anbeic Jesús ti mu me xtacatic batel ta xabe.

2 Corintios 11:3

Ja' chixi' me chalo'laatic jech chac c'u cha'al ilo'laat yu'un chon li Evae, yu'un toj bij c'u x'elan ilo'lavan li chone. Jech chlic yanijuc avo'ntonic, mu xa junuc avo'ntonic ta stojol li Cristoe.

2 Pedro 3:8

Pero vo'oxuc ti lec jc'anojoxuque, mu me xch'ay ta avo'ntonic ti xco'laj no'ox xchi'uc jun c'ac'al cha'ay jmil jabil li Cajvaltique. Jech noxtoc, li jmil jabile xco'laj xchi'uc jun c'ac'al cha'ay.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 17:2

Ja' ti imulivaj xchi'uc li ajvaliletic ta banamile. Jech noxtoc li jnaclumetic ta banamile xco'laj xchi'uc yacuben xchi'uquic li mulil ti tsc'an li antse”, xiyutun.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 20:1

Ts'acal laj quil iyal tal ta vinajel jun j'almantal, yich'ojbe tal sllavial li natil xabe, xchi'uc yich'oj tal jlic muc'ta cadena.