Apocalipsis 20:2 - Bible in Tzotzil de Chenalhó with Deuterocanon

² Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.

Tzotzil Zinacantan

² Jaꞌ istsac li tsajal chone, jaꞌ li antivo chone, jaꞌ ti totil pucuje, jaꞌ ti Satanase. Ixchuc ta carina jmil jabil.

Bible in Tzotzil de Chamula

² Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.

Tzotzil San Andres

² Ba stsac li tsajal chone, jaꞌ li chon ta voꞌonee, jaꞌ li banquilal pucuje, jaꞌ li Satanase. La schuc ta carena, jmil jabil chucul o.

Tzotzil de Huixtán

² Ba stsac ti dragone, ja' ti antiguo chone, ja' ti totil pucuje, ja' ti Satanase. Laj stsac, laj xchuc yu'un hech chucbil chcom jmil habil.

Apocalipsis 20:2 Iomraidhean Croise

Génesis 3:1

Li quiletel chon ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse: —¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Job 1:7

Li Muc'ul Diose jech laj yalbe li banquilal pucuje: —¿Bu la'ay tal? —xut. Itac'ov li banquilal pucuje: —Ay joyibta tal, ay jxan tal scotol li banamile —xi.

Isaías 24:22

Jmoj ta stsob scotol, tstic' ta chuquel te ta yavil ich'ub-o'ntonal; te chucul, te macal chcomic o. C'alal me i'ech' ep c'ac'ale, ja'o chlic yac'be stoj li smulique.

Isaías 27:1

Li Muc'ul Diose ja'o yorail chac'be svocol li Leviatane,, ja' li chon ti xquilet chanov ta anile, ti xotoj sba ta banamile. Ja' ta smil o ta yespada ti toj xi'bal sbae, ti toj muq'ue, xchi'uc ti toj tsotse. Ta smil noxtoc li dragón te oy ta nabe.

Ezequiel 47:5

La sbis batel yan vo'ob cien (500) metro noxtoc. Li vo'e ipas xa'ox ta jun muc'ta uc'um; mu xa xtuch' cu'un. Yu'un inatub ta jyalel, mu xa stac' tuch'el; ja' xa no'ox xu' chich' tuch'el ta nux.

San Mateo 19:29

Li boch'otic tscomtsan snaic, me sbanquiltac, me yits'inabtac, me xvixubtac, me yixlaltac, me xi'meltac, me smucubtac, me stot, me sme', me xnich'nab, me yosil, ta scoj ti vu'un chiyich'un ta muq'ue, ta stabe ep xq'uexol. Xchi'uc ta xcuxiic sbatel osil noxtoc.

San Mateo 8:29

Li chibique tsots laj yaptaic li Jesuse: —Jesús, vo'ot Xnich'onot Dios, ¿c'usi tal apas li' ta jtojolcutic? ¿Me yu'un chac'an chavac'bun jvocolcutic ti c'alal muc to ja'uc yoraile? —xiic.

Marcos 4:15

Li bec' trigo ic'ot ta bee ja' li boch'otic cha'yic sc'op Diose ti chc'ot ta yo'ntonique. Pero ta ora ta xtal li banquilal pucuje; ta sloq'uesbe ta yo'ntonic li sc'op Dios te ts'unbile.

Marcos 5:7

Tsots i'avan, jech laj yal: —Jesús, Xnich'on Dios ta vinajel, ¿c'usi tal aq'uelbun? Chacalbot ta stojol Dios ti mu me xavac'bun jvocole —xut.

San Juan 12:31

Li' ta orae ta xa xich' chapanel li cristianoetic li' ta banamile. Li' ta orae ta xa xich' jipel loq'uel li banquilal jpasmantal li' ta banamile.

San Juan 16:11

Ta xac'be sna'ic ti oy chapanel yu'un li smulique, yu'un li banquilal jpasmantal li' ta banamile chapanbil xa smul sventa sbatel osil.

Romanos 16:20

Li Dios ti chac' jun co'ntontique ja' ta xpech'boxuc ta teq'uel li banquilal pucuje, chayac'boxuc ta yolon avacanic. Ac'o xc'uxubinoxuc o acotolic li Cajvaltic Jesucristoe.

Hebreos 2:14

Jech chac c'u cha'al oy xch'ich'al, oy sbec'tal li xnich'nabtaque, ja' no'ox jech ic'ot ec li stuque. Ja' yu'un c'alal ichame, la slajesbe o stsatsal li boch'o sventainoj lajele, ja' li pucuje.

1 Pedro 5:8

Bijanic me, viq'uiluc me asatic yu'un li avajcontraique, ja' li pucuje, yu'un xjoyet no'ox jech chac c'u cha'al león ti x'avet no'ox ta sa'el li boch'o tsc'an tsti'e.

2 Pedro 2:4

Yu'un li Diose muc spasbe perdón yu'un smul li j'almantaletic ti la sa' smulic ta stojole; la sjip batel ta yutil ic'al osil. Te chucbilic o c'alal to tsta yorail chich' stojol smulic.

Judas 1:6

Jech noxtoc li yaj'almantaltac ti muc xich'ic ta muc' li yabtel ac'bilique, ti la scomtsanic li yavil ac'bilique, li Diose la xchuc ta ic' osil sbatel osil c'alal to tsta yorail chich'ic chapanbel smulic.

Apocalipsis 12:13

C'alal laj yil ti j'ech'el ijipat o yalel tal ta banamil li dragone, lic yuts'inta li ants ti querem ivoc' yole.

Apocalipsis 12:15

Ja' yu'un li chone lic sloq'ues ep vo' ta ye jech chac c'u cha'al uc'um, yu'un ac'o cuchatuc batel li antse.

Apocalipsis 12:17

Ja' yu'un li dragone bats'i tsots i'ilin ta stojol li antse, jech bat spas pleito xchi'uc li yantic yalabtaque. Ja' li boch'otic xch'unojbeic smantaltac Diose xchi'uc ti jamal chalic ti xch'unojic li Jesucristoe.

Apocalipsis 12:3

Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Apocalipsis 13:4

Xchi'uc la squejan sbaic ta stojol li dragón ta sventa ti ja' laj yac'be tsots svu'el li jti'vanej bolome, xchi'uc la squejan sbaic ta stojol ec li jti'vanej bolome. Jech laj yalic: “Mu'yuc boch'o yan jech tsots svu'el jech chac c'u cha'al li jti'vanej bolome. Mu'yuc boch'o xu' tstsal”, xiic.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.

Apocalipsis 20:7

C'alal me its'aqui li jmil (1,000) jabile, icoltaat ta chuquel li banquilal pucuje.

Apocalipsis 9:11

Li c'ulubetique ja' ajvalil yu'unic li j'almantal to'ox ti sventainoj xabe. Ja' Abadón sbi ta hebreo c'op; Apolión sbi ta griego c'op.