Apocalipsis 20:12 - Bible in Tzotzil de Chenalhó with Deuterocanon

¹² Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.

Tzotzil Zinacantan

^12-15 Iquil ti tey vaꞌajtic ta stojol Cajvaltic Jesús scotol li muchꞌutic muc xchꞌunic ti jaꞌ istoj jmultic ti cꞌalal ichamique. Tey scotolic, ta biqꞌuit ta mucꞌ. Acꞌu mi ta mar ichamic, acꞌu mi ta balamil mucajtic li spat xoconique, pero li xchꞌulelique ilocꞌ tal ta cꞌotebal, ichaꞌcuxi scotolic. Jaꞌo isjam libroetic ti Cajvaltic Jesuse jaꞌ yoꞌ bu tsꞌibabil ti cꞌu xꞌelan iꞌechꞌic liꞌ ta sba balamile. Iquil isjam otro jlic libro noxtoc, jaꞌ yoꞌ bu tsꞌibabil sbiic ti muchꞌutic ta xcuxiic ta sbatel osile. Scotol ti muchꞌutic tey vaꞌajtique muc bu tey tsꞌibabil sbiic yoꞌ bu li libro scuenta cuxlejal sbatel osile, yechꞌo ti chba yichꞌic castico xchiꞌuc spat xoconique. Iꞌalbatic ti ch-ochic ta cꞌocꞌ ta sbatel osile. Ti cꞌu xꞌelan iꞌechꞌic jujuntal liꞌ ta sba balamile, jaꞌ yech chba stojic. Mi ep cꞌusi chopol ispasique, tsots castico chichꞌic. Mi jutuc noꞌoxe, jaꞌ noꞌox yech mu masuc tsots castico chichꞌic. Sbatel osil ibatic o, jaꞌ xa xchaꞌechꞌelal o ta xchamic.

Bible in Tzotzil de Chamula

¹² Laj quil xtoc, c'alal ta biq'uit ta muc', ti buch'utic chamemic xae, scotolic laj sva'an sbaic ta stojol ti Diose. Laj yich' jamel ti spocol poj vunetique. Laj yich' jamel xtoc ti jpoc vun ti bu ts'ibabil sc'oplal ti cuxlejale. Ti animaetique jech laj yich'ic chapanel jech c'u cha'al ti c'u s'elan laj xa spasic ti ts'ibabil ta svunale.

Tzotzil San Andres

^12-15 Iquil te vaꞌalic ta stojol li Cajvaltic scotol li buchꞌutic muc bu schꞌunojic ti jaꞌ Yajcoltavanejic li cꞌalal ichamique. Te oyic scotolic manchuc mi tsots toꞌox yabtelic, mi muc bu tsots yabtelic. Li buchꞌutic ichamic ta nabe schiꞌuc li buchꞌutic liꞌ imuquic ta balumile ichaꞌcuxiic scotolic. Li schꞌulelique ilocꞌ talel li yoꞌ bu smalaojbeic scꞌacꞌalil ta xꞌichꞌbat scꞌopic yuꞌun li Cajvaltique. Te cꞌot svaꞌan sbaic scotolic ta stojol li Cajvaltique. Li Cajvaltique la sjam li junetique. Oy yan jun la sjam nojtoc, jaꞌ li bu tsꞌibabil sbiic li buchꞌutic ta xcuxiic o sbatel osile. Li buchꞌutic te vaꞌalic ta stojol li Cajvaltique muc bu te tsꞌibabil sbiic, jaꞌ yuꞌun iꞌichꞌbat scꞌopic ta sventa li cꞌusi tsꞌibabil ta yan junetique, jaꞌ li cꞌu sba iꞌechꞌic ta balumile. Jaꞌ yuꞌun scotolic ijipeic ochel ta mucꞌta cꞌocꞌ. Ilaj o scꞌoplal ti oy buchꞌu ta xchame. Sbatel osil te ta xichꞌic o vocol ta cꞌocꞌ. Taje jaꞌ schibal xa velta lajel yuꞌun ta jꞌechꞌel ibatic o.

Tzotzil de Huixtán

^12-13 Laj quil te va'ajtic ti stojol ti Diose scotol ti much'utic mu xch'unojbuc sc'op ti Diose c'alal ichamique, mi tsots yabtel yich'ojic, mi mu tsotsuc yabtel yich'ojic. Ti much'utic ichamic ti nab, icha'cuxi loc' tal ti nab ti sbec'talique. Ti much'utic ichamic ti balumil icha'cuxi loc' tal ti ch'en ti campo santo ti sbec'talique. Iloq'uic tal ti c'atimbac ti xch'ulelique, hech laj snup sbaic xchi'uc ti sbec'talique, hech te hul sva'an sbaic ti stojol ti Diose scotolic. Ti Diose lic sjam ti hunetique. Oy yan hun laj sjam uc, ja' ti hun yo' bu ts'ibabil sbiic ti much'utic chcuxiic sbatel osile. Hech scotolic i'ich'bat sc'op yu'un smulic ti sventa ti c'u che'el ts'ibabil ti hune, ti c'u x'elan ti yabtelic ti laj spasique ti jujune.

Apocalipsis 20:12 Iomraidhean Croise

Salmos 28:4

Ac'bo stojol li yabtelique, ja' jech xatoj ti c'u x'elan chopol la spasique; ja' jech xatoj ti c'u x'elan lec snup xchi'uc yabtelique.

Salmos 62:12

xchi'uc ti ja' no'ox stuc jc'uxubinvaneje, xchi'uc ti ja' chac'be stojol jujun cristianoetic ti c'u x'elan la spasique.

Salmos 69:28

Tu'pbo o sbiic ta svunal li cuxlejal sventa sbatel osile; mu me co'oluc tsacal sbiic xchi'uc li boch'o tuc' yo'ntonique.

Proverbios 24:12

Yu'un ac'o me ts'acal chaval ti muc xava'ye, pero sna'oj li boch'o yiloj c'usi oy ta co'ntontique; xotquin li boch'o tsq'uel c'u xij'elanutique; ja' chac'be stojol c'u x'elan yabtel li jujun cristianoe.

Proverbios 24:29

Mu me jechuc xanop: “Ti c'u x'elan la spasbune ja' jech ta jpasbe ya'ay ec; ac'o spas ya'ay ec ti c'u x'elan la spasbune”, mu me xachi.

Eclesiastés 12:14

Yu'un li Diose tsta yorail ta stsob ta chapanel scotol li c'usi ta jpastique xchi'uc li c'usi mucul pasbile, ac'o me lec, o me chopol.

Jeremías 17:10

Vu'un li Muc'ul Diosune, xcotquin c'u x'elan yut yo'nton, jna'oj c'usi tsnop li cristianoe, yu'un jech ta xcac'be stojolic jujun li c'usi tspasique xchi'uc ti c'u x'elan yabtelique”, xi.

Jeremías 32:19

Toj jun yutsil li c'usi anopoje, toj muc'tic li avabtele. Xavotquin scotol c'usi tspasic li cristianoetique, yu'un jech chavac'be stojol jujun ti c'u x'elan yabtelique.

Daniel 7:10

Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

San Mateo 11:22

Ja' yu'un chacalboxuc, c'alal tsta sc'ac'alil ta xchapanvan li Diose, ja' jutuc stojol smul chich' li yanlum cristianoetic te nacajtic ta Tiro xchi'uc ta Sidón ta vo'onee. Li vo'oxuque ech'em tsots chavich' stojol amulic.

San Mateo 16:27

Yu'un ta to sta sc'ac'alil chital xchi'uc xojobal Jtot, vu'un ti Xnich'on cristiano lic'ote. Ta jchi'in yalel tal li j'almantaletic cu'une, ja' ta xtal cac'be stojol jujun cristiano ti c'u x'elan la spasique.

San Lucas 10:20

Pero mu me ja'uc xcuxet avo'ntonic ti ch'unbil amantalic yu'un li pucujetique. Ja' cuxetuc avo'ntonic ti te xa ts'ibabil abiic ta vinajele —xi li Jesuse.

Hechos 24:15

Jch'unoj ti ta xcha'cuxes animaetic li Diose, jech jun co'nton ta jmala, jech chac c'u cha'al xch'unojic ec li jchi'iltac li'i. Jch'unojcutic ti ta xcha'cuxiic li boch'otic lequique xchi'uc li boch'otic chopolique.

Romanos 2:6

Yu'un ja' jech stojol chac'be jujun cristiano ti c'u x'elan la spasique.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

2 Corintios 5:10

Yu'un jcotoltic persa chc'ot jva'an jbatic yo' bu chchapanvan li Cristoe. Yu'un jech ta jujuntal chc'ot quich'tic li stojol cabteltique, me lec, o me chopol, ja' ti c'u x'elan la jpastic xchi'uc li jbec'taltic ti sna' xlaje.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 19:5

Laj ca'ay oy boch'o chc'opoj tal te ta muc'ta chotlebal, jech laj yal: “Tojbeic ta vocol Dios, vo'oxuc li yajtuneloxuque, vo'oxuc ti avich'ojic ta muc', c'alal ta muc', ta biq'uite”, xi.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Apocalipsis 20:13

Yu'un li nabe laj yac' ta c'abal scotol li boch'otic te ichamic ta yute. Li lajel xchi'uc li yavil animaetique laj yaq'uic ta c'abal ec ti c'u yepal te snac'ojique. Jech scotolic lic yich'ic chapanel ta sventa ti c'u x'elan yabtelique.

Apocalipsis 20:15

Li boch'otic muc xtabat sbiic ta vun sventa cuxlejale, ijipatic ochel ta muc' ta c'oc'.

Apocalipsis 21:27

Me jutuc mu xu' ch-och c'usi chopol te. Mu xu' ch-och li boch'otic tspasic c'usi mu sc'an Diose, xchi'uc li j'epalc'opetique. Ja' no'ox xu' ch-och li boch'otic ts'ibabil ta vun sbiic sventa cuxlejal sbatel osil ti te yich'oj li Ch'ium Chije.

Apocalipsis 22:12

Jech chal li Jesuse: “A'yo ava'yic, po'ot xa chital. Ta xquich' tal scotol li matanaletique. Ja' chtal cac'be smotonic jujun ti c'u x'elan la spasique.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.