Apocalipsis 20:11 - Bible in Tzotzil de Chenalhó with Deuterocanon

¹¹ Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Tzotzil Zinacantan

¹¹ Iquil jcot mucꞌta saquil chotlebal, jaꞌ tey chotol ti Cajvaltic Jesuse. Li vinajel balamile iquil isacchꞌay.

Bible in Tzotzil de Chamula

¹¹ Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

Tzotzil San Andres

¹¹ Te oy jun mucꞌta saquil chotlebal. Jaꞌ te chotol li Cajvaltique. Li vinajel balumile ta ora noꞌox isac‐chꞌay ta stojol.

Tzotzil de Huixtán

¹¹ Laj quil oy muc'ta naclebal te o, sac ti naclebale. Ja' te nacal ti Diose. Ti ora no'ox itup' ti balumile ti vinajele te ti stojol ti Diose.

Apocalipsis 20:11 Iomraidhean Croise

Génesis 18:25

Mu van xapas jech ti co'ol chavules li boch'o lequique xchi'uc li boch'o oy smulique, yu'un me jech chapase xco'laj xchi'uc co'ol oy smulic chc'ot. Mu me xapas jech, vo'ot ti muc'ul jchapanvanejot ta sbejel banamile. ¿Me mu ja'uc lec ti tuc' chachapane? —xi.

Job 9:6

Ja' tsniques li banamile; ja' tsbaq'uesbe li yoyaltaque.

Salmos 102:26

Pero le'e ta ono'ox xlaj; yan li vo'ote te oyot o sbatel osil. Li c'usitic apasoje ta xpocoib jech chac c'u cha'al ta xpocoib jc'u'cutic; chajel jech chac c'u cha'al ta jel jc'u'cutic.

Salmos 47:8

Li Diose ja' Ajvalil yu'un jujun banamil. Li Diose ichoti xa ta xch'ul chotleb.

Salmos 89:14

Li snacleb achotlebe ja' li stuq'uil avo'ntone xchi'uc li tuq'uil chapanel avu'une. Li c'uxubinel xchi'uc li c'usitic melel avu'une ba'yucbe chbat ta stuq'uil asat scotol.

Salmos 97:2

Joyibtabil ta pimil ic'al toc; ja' snacleb smuc'ta chotleb c'otem li c'usi tuc', li c'usi melele.

Isaías 6:1

Ta sjabilal c'alal icham li ajvalil Uziase, laj quil chotol ta smuc'ta chotleb li Cajvaltique. Lec toyol li xchotlebe; li snatilc'u'e nojem yu'un li yut ch'ulnae.

Daniel 2:35

Jech ililij o li tsatsal taq'uine, li lum chic'bil ta c'oq'ue, li broncee, li saquil taq'uin xchi'uc li c'anal taq'uine; ipas ta pucuc scotol. Ja' jech ibat ta ic' jech chac c'u cha'al solil trigo c'alal chich' majel ta yorail q'uepelaltique. Me jutuc mu'yuc xa c'usi icom. Yan li ton ti la slilin li muc'ta loc'ome, ipas ta jun muc'ta vits; la snojes scotol li banamile.

Daniel 7:10

Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

San Mateo 11:22

Ja' yu'un chacalboxuc, c'alal tsta sc'ac'alil ta xchapanvan li Diose, ja' jutuc stojol smul chich' li yanlum cristianoetic te nacajtic ta Tiro xchi'uc ta Sidón ta vo'onee. Li vo'oxuque ech'em tsots chavich' stojol amulic.

San Mateo 24:35

Li vinajel banamile ta xlaj, pero li c'usitic laj cale mu xlaj sc'oplal o.

San Mateo 25:31

Jech laj yal noxtoc li Jesuse: “C'alal chital jchi'uc jxojobal, vu'un ti Xnich'on cristiano lic'ote, ta jchi'in tal scotol li ch'ul j'almantaletique; ja'o chlic chotlicun ta jchotleb ti jun yutsil slequile.

Romanos 2:5

Ta scoj toj tsots avo'nton, ta scoj mu'yuc sutem avo'nton, ja' yu'un ja' no'ox avochel stsobel stojol amul c'alal tsta yorail chac' tuq'uil chapanel li Diose.

2 Pedro 3:7

Jech noxtoc li' ta orae, li vinajel xchi'uc banamile chapanbil xa sc'oplal ta xc'ac' ta c'oc' ti c'alal yorail chapanele, ja' ta sc'op noxtoc li Diose. Xchi'uc ja' yorail chbatic ta ch'ayel li chopol cristianoetique.

Apocalipsis 12:8

Pero muc xu' yu'unic, muc xa x'aq'ue comicuc te ta vinajel.

Apocalipsis 16:20

Ja' yu'un li banamiletic cacajtic ta nabe ijatovan batel. Li vitsetique muc xvinaj c'uxi ibatan.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

Apocalipsis 20:2

Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.

Apocalipsis 21:1

Ts'acal laj quil ach' vinajel, ach' banamil. Yu'un li poco' vinajel banamile ich'ay o batel. Mu'yuc xa nabetic noxtoc.

Apocalipsis 21:5

Li Boch'o te chotol ta muc'ta chotlebale jech laj yal: “A'yo ava'yic, ta jpas ta ach' scotol li c'usitic oye”, xi. Jech laj yalbun: “Ts'ibao ta vun, yu'un li jc'op li'i ja' melel scotol; persa chc'ot ta pasel”, xiyutun.

Apocalipsis 4:2

Jech ta ora no'ox la sventainun svu'el li Espiritue, jech laj quil jun muc'ta chotlebal ta vinajel. Oy boch'o te chotol tspas mantal.

Apocalipsis 6:14

Li vinajele la sbal sba batel jech chac c'u cha'al ta jbaltic vun. Scotol li vitsetique xchi'uc li bic'tal banamil cacajtic ta nabe iloc'an ta yavilic.