Apocalipsis 2:7 - Bible in Tzotzil de Chenalhó with Deuterocanon

⁷ Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Tzotzil Zinacantan

⁷ Ti muchꞌutic chaꞌiic ti cꞌalal chichꞌ qꞌuelel li vun liꞌi yoꞌ bu chatsob abaique, acꞌu xchꞌunic mi oy cꞌusi ch-albatic yuꞌun li Chꞌul Espíritue. Ti muchꞌutic mu xicta o sbaic li ilbajinele, ta xcacꞌbe sloꞌic li sat teꞌ liꞌ ta vinajele ti ta xcuxiic o ta sbatel osile, xayutic ti Cajvaltic Jesucristoe”, xi xatsꞌiba echꞌel ―xiyut.

Bible in Tzotzil de Chamula

⁷ Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Tzotzil San Andres

⁷ Li Chꞌul Espíritue jaꞌ jech ch‐acꞌbat snaꞌic scotol li buchꞌutic yichꞌojicun ta mucꞌ li butic oyique, acꞌo snopic mi jech tspasic eꞌuc. Li buchꞌutic ta spas ta canal scotole ta xcacꞌbe sloꞌic li sat teꞌ li sventa cuxlejal sbatel osile, jaꞌ li te oy ta vinajele, xayutic li Cajvaltique”, xi xatsꞌibabe echꞌel ―xiyut.

Tzotzil de Huixtán

⁷ Ti much'u tstsal yu'un scotole, ja' chcac'be slo'be sat ti te' sventa cuxlejal sbatel osile, ja' ti te oy ti o'lol ti sverta ti Diose te ti vinajel. Ho'oxuc ti ach'unojbucun ti jc'ope, a'yo me ava'yic ti c'alal hech chayac'boxuc ana'ic ti Ch'ul Espíritu cu'une, xayutoxuc”, xavut me, hech me chats'ibabun ―xiyutun ti Cajvaltique.

Apocalipsis 2:7 Iomraidhean Croise

Génesis 2:9

Laj yac' ch'iuc noxtoc ep ta chop te'etic toj c'upilic sba, lec ta lo'bel sat. Te ta o'lol li ts'unubaltique laj yac' ch'iuc jpets te' sventa cuxlejal, xchi'uc jpets te' sventa chac' ta na'el c'usi lec xchi'uc c'usi chopol.

Proverbios 11:30

Li yabtel boch'o tuc' yo'ntone ja' chac' cuxlejal; li boch'o ch-ic'van ta lequil bee ja' bij.

Proverbios 13:12

Me mu jtatic ta ora li c'usi ta jmalatique ta xlo'ilaj co'ntontic; pero me chc'ot ta pasel li c'usi ta jc'antique toj jun no'ox co'ntontic.

Proverbios 15:4

Li c'unil c'ope ja' jech chac c'u cha'al jpets te' sventa cuxlejal; yan li chopol lo'ile tsbolibtas co'ntontic.

Proverbios 3:18

Li jbijiltique ja' jech chc'ot jech chac c'u cha'al te' sventa cuxlejal ta sventa li boch'otic tsc'ane; xcuxet no'ox yo'ntonic li boch'o laj xa sta sbijilique.

Ezequiel 28:13

Oyot xa ta Edén ta ts'unubaltic yu'un Dios chava'ay; solel c'ac'umtasbilot ta lequil tonetic ti c'upilic sbae, ja' li cornalina, topacio, jaspe, li crisólito, berilo, ónice, zafiro, carbunclo, xchi'uc li esmeralda tonetique. Li nats'iletic xchi'uc li staq'uinal chiquiniletic avu'une ta puru c'anal taq'uin pasbil; chapanbil ono'ox ta aventa ti c'alal lic ayinan ta banamile.

Ezequiel 31:8

Me jtec'uc ch'ut te' te ta ts'unubaltic yu'un Dios mu'yuc bu jech xco'laj xchi'uc ti toj muq'ue; me jtec'uc c'uc'toj mu'yuc bu jech xco'laj xchi'uc ti toj pim sc'obc'obe. Me jtec'uc yantic te' mu'yuc bu jech xco'laj xchi'uc ti toj pim yanale, me jtec'uc te' te ta ts'unubaltic yu'un Dios mu xco'laj slequil yutsil xchi'uc.

San Mateo 11:15

Li boch'o oy xchiquine ac'o snopbe lec smelol.

San Mateo 13:43

Yan li boch'otic tuc' yo'ntonique xojobanic no'ox jech chac c'u cha'al c'ac'al te yo' bu chventainvan li Diose yu'un ja' xa Stotic. Li boch'o oy xchiquine, ac'o snopbe smelol —xi li Jesuse.

San Mateo 13:9

Li boch'o oy xchiquine ac'o snopbe smelol”, x'utatic yu'un li Jesuse.

Marcos 4:9

Jech laj yal noxtoc li Jesuse: “Boch'o oy xchiquin ac'o snopbe lec smelol”, x'utatic.

Marcos 7:15

Li c'usi ta x'och ta xch'ut cristianoe ma'uc ta xbolib o yo'nton yu'un. Ja' ta xbolib o yo'nton yu'un li c'usi ta xloc' tal ta yut yo'ntone —x'utatic yu'un li Jesuse.

San Lucas 23:43

Li Jesuse jech laj yalbe: —Melel chacalbot, li' ta jliquele, te ta jchi'in jbatic ta lequilal —xut.

San Lucas 8:8

Oy jaybej ic'ot ta lequil banamil. Lec ich'i, laj yac' lec sat. Laj yac' vo'vinic (100) ta bej li jujubej bec' trigoe”, xi li Jesuse. C'alal laj yal jech li Jesuse, tsots lic c'opojuc, jech laj yal: “Li boch'o oy xchiquine ac'o snopbe smelol”, xi.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

1 Corintios 2:10

Pero li Diose laj xa yac' jna'cutic ta sventa li Ch'ul Espiritue. Yu'un li Ch'ul Espiritue sna'oj scotol. Yotquinoj c'alal to ta yut c'usi tsnop li Diose.

1 Juan 2:13

Totil me'iletic, ta jts'ibaboxuc tal li'i yu'un laj xa avotquinic li Boch'o te ono'ox oy o ta sliquebale. Querem tsebetic, ta jts'ibaboxuc tal li'i, yu'un laj xa atsalic li pucuje.

Apocalipsis 13:9

Li boch'o oy xchiquine, ac'o ya'ibe lec smelol:

Apocalipsis 14:13

Laj ca'ay oy boch'o ic'opoj tal ta vinajel, jech laj yalbun: “Jech xats'iba: ‘Xcuxet no'ox yo'nton li boch'o oyic ta stojol Cajvaltic c'alal ta xchamique. Jech chal ec li Ch'ul Espiritue. Chcux xa yo'ntonic o ta svocolic, yu'un te xa xchi'uquic li yabtelique’, xi xats'iba”, xiyutun.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Apocalipsis 22:2

Ta o'lol li muc'ta xoral yu'un lume, xchi'uc ta jujujot ti' uc'ume te ch'iem te'etic sventa cuxlejal. Lajchab velta tsatin ta jun jabil, jujun velta tsatin ta jujun u. Li yanale ja' sventa chcolic ta chamel scotol li cristianoetic te oyique.