Apocalipsis 2:5 - Bible in Tzotzil de Chenalhó with Deuterocanon

⁵ Vuleso ta avo'ntonic ti bu lic chibajanic tale. Suteso avo'ntonic. Taic ti c'u ono'ox xa'elanic ta sliquebale. Me mu xapasic jeche, chital ta ora, chtal jloq'ues li candelero ta atojolique. Jech ta jpas ti me mu xasutes avo'ntonique.

Tzotzil Zinacantan

⁵ Yuleso ta ajolic ti cꞌu toꞌox xꞌelan acꞌanojicon ti cꞌalal lic achꞌunique. Ictaic spasel li cꞌusitic chopole; jaꞌ pasic chac cꞌu chaꞌal apasic toꞌoxe. Mi mu xavictaic spasel li cꞌusitic chopole, ta me xital ta ora, chtal jloqꞌues li candeleroe yoꞌ xchꞌay o ta jmoj li jcꞌop tey ta alumalique.

Bible in Tzotzil de Chamula

⁵ Jech o xal un, vuleso ta avo'nton bu layanij. Sutan talel ta stojol ti Diose. Cha'tamo liquel jech c'u cha'al ta sliquebale. Yan mi mu jechuc ta xapase, ta xital no'ox ta atojol, ta jloq'uesbot ech'el ti yav cantila ti oy ta yavil mi mu xasut talel ta stojol ti Diose.

Tzotzil San Andres

⁵ Juleso me ta ajolic li cꞌu sba cꞌuxun toꞌox ta avoꞌonic ta baꞌie. Ictaic me li a sba chapasique; jaꞌ me jech xapasic nojtoc jech chac cꞌu chaꞌal la apasic ta baꞌie. Mi mu xavictaic li cꞌusi chopol chapasique, chital ta ora, chtal jloqꞌues li scuxanobil cantela avuꞌunique, jech ta xchꞌay o, ta xtupꞌ li jcꞌop li te ta avosilalique.

Tzotzil de Huixtán

⁵ Chacha't'abes ti avo'ntonic ti c'u che'el c'uxun ti avo'ntonic ti sliqueb. Suteso me avo'ntonic yu'un amulic. Hech me xlic acha'pasic hech chaj c'u che'el laj apasic ti sliqueb. Mi mu xasutes avo'ntonic yu'un ti amulique, ti jloq'ues ti yav aceite avu'unique, hech chtup' ti jc'ope te ti alumale.

Apocalipsis 2:5 Iomraidhean Croise

Isaías 1:26

Ta jva'an yan velta jchapanvanejetic avu'un jech chac c'u cha'al ta sliqueb; ta jva'an jtojobtasvanejetic jech chac c'u cha'al ta vo'one, jech chlic albatan yan velta: ‘Li lum le'e lec tuc' yabtel’; ‘toj jun yo'nton li jun ta lume’, xi ac'oplal.

Isaías 14:12

“Muc'ta c'anal, vo'ot ti xaxojoban no'ox ta sacubbale, ¿c'uxi labaj yalel tal ta vinajel? ¿C'uxi laj avich' jipel yalel ta banamil vo'ot ti alajesojbe to'ox stsatsal li jujun banamile?

Ezequiel 20:43

Te chlic avotquinic li avabtelique xchi'uc scotol li c'usitic laj apasique, xchi'uc ti solel abolibtasoj abaique, jech te chlic ana'le aba atuquic ta scoj li yepal amulic laj asa'ique.

Ezequiel 36:31

C'alal cht'ab ta avo'ntonic ti c'u to'ox xa'elanique, xchi'uc li c'usitic toj chopol laj apasique, chlic q'uexovanic yu'un.

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

Oseas 9:10

Jech chal li Diose: “C'alal la jta li Israel ta vo'onee, toj xcuxet no'ox co'nton, jech chac c'u cha'al boch'o tsta sat ts'usub ta xocol banamil. Li amoltotaquic ta vo'onee ja' jech laj quilic jech chac c'u cha'al sba sat higo ti ba'yuc chyijube. Pero c'alal ibatic ta stojol Baal-Peore, laj yac' sbaic o ta q'uexlal ta stojol li c'usi mu'yuc stue. Toj chopol laj quilic o, jech chac c'u cha'al li c'usitic laj yich'ic ta muq'ue.

Malaquías 3:4

Li Muc'ul Diose toj lec chlic yil li smoton ch-ac'bat te ta Judá xchi'uc ta Jerusalén jech chac c'u cha'al toj lec ono'ox laj yil li smoton i'ac'bat ta vo'onee.

Malaquías 4:6

Li j'alc'ope ja' chtal slecubtasbe yo'nton ta stojol xnich'on li totile, ja' tslecubtasbe yo'nton ta stojol stot li nich'onile. Yu'un jech mu me xc'ot ta pasel ti chtal jsoques o li banamile, ti chtal cac'boxuc atoj amulique”, xi li Muc'ul Diose.

San Mateo 5:14

“Li vo'oxuque xco'laj xchi'uc luz c'otemoxuc. Jech chac c'u cha'al me oy jun muc'ta lum ta jolvitse, mu stac' naq'uel o.

San Mateo 5:15

Jech noxtoc me oy chatsanic candile, mu'yuc chanujmaquiic ta anmul. Ja' chavaq'uic ta xvuchanubil, jech ta xac' xojobal ta sbejel li yut anaique.

Marcos 12:9

“¿C'usi ta xich'ic pasbel yu'un yajval ts'usubtic li jchabits'usubtique? Ta xtal smilan. Yan xa boch'o ta xac'be xchabi li ts'usubtic yu'une.

San Lucas 1:17

Li Juane ja' ba'yuc ta xtal yu'un li Cajvaltique. Ja' co'ol stsatsal svu'elic xchi'uc li j'alc'op Eliase. Ja' chtal yac' co'lajuc yo'ntonic xchi'uc yalab xnich'nab li totil me'iletique, xchi'uc ja' ta sventa ta xchanic xch'unel mantal li jbajmantaletique. Jech lec chapal li steclumal Cajvaltic c'alal chtale —xi li j'almantale.

San Lucas 20:16

Ta xvul smil li jchabits'usubtique, yan xa boch'o ta xac'be xchabi li ts'usubtic yu'une”, xi li Jesuse. C'alal laj ya'yic jeche, jech laj yalic: —¡Mu me xc'ot ta pasel jech! —xiic.

Gálatas 5:4

Ti jayiboxuc chanopic ti ta sventa mantaletic mu'yuc amul chayiloxuc Diose, ja' xa chavoc' abaic loq'uel ta stojol li Cristoe. Ja' xa chabajic o comel li coltael ta matanale.

Filipenses 2:15

Yu'un jech mu soc ac'oplalic, xchi'uc jech mu xata amulic. Jech chvinaj ta stojol chopol cristianoetic, ch'ayemal cristianoetic ti vo'oxuc xnich'naboxuc Diose, ti mu'yuc chopoloxuque. Ja' jech xaxojobanic ta stojolic jech chac c'u cha'al luz ti xojobanic c'alal ic' osile.

Hebreos 10:32

T'abo me ta avo'ntonic c'u xa'elanic ti c'alal lic ochanic ta sac osile, lec icuch avu'unic li tsots vocole.

2 Pedro 3:17

Ja' yu'un vo'oxuc ti lec jc'anojoxuque, ba'yuc xa laj ava'yic scotol. Ja' yu'un bijanic me, yu'un jech mu xaslo'laoxuc li chopol jlo'lavanejetique, jech mu xacomtsanic li c'usi lec ach'unojic xae.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.

Apocalipsis 16:9

C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

Apocalipsis 2:16

Ja' yu'un suteso me avo'ntonic. Me mu xasutes avo'ntonique, chital ta ora ta atojolic; vu'un jtuc chtal jcontrain xchi'uc li espada chloc' ta quee.

Apocalipsis 2:19

Vu'une xcotquin li avabtelique xchi'uc ti ac'anojicune. Xcotquin noxtoc ti oy xch'unojel avo'ntonique, ti lec cha'abtejic cu'une, xchi'uc ti lec tsts'ic avu'unic scotole. Jna'oj ti ech'em to cha'abtejic cu'un jech chac c'u cha'al la'abtejic ta sliquebe.

Apocalipsis 2:2

Vu'une xcotquin li avabtelique; jna'oj ti tsots cha'abtejic ta jtojole, xchi'uc ti tsts'ic avu'unic vocole, xchi'uc ti mu xac'an xachi'inic li boch'otic chopolique. Jech noxtoc laj xa aq'uelbeic lec yabtelic li boch'otic jcholc'opetic scuyoj sbaique; laj avilic ti ja' no'ox ch-epalc'opojique.

Apocalipsis 3:19

Li boch'otic lec jc'anoje ta jtaq'ui, ta xcac'be nucul. Tsotsanic me cha'e; suteso me avo'ntonic.