Apocalipsis 2:26 - Bible in Tzotzil de Chenalhó with Deuterocanon

^26-27 Li boch'otic tstsal yu'un scotole, ti jun yo'nton tspasic o c'usi ta jc'an c'alal to ta slajebe, ja' chcac'be tsots yabtelic ta sventa scotol cristianoetic ta jujun banamil jech chac c'u cha'al yac'ojbun cabtel li Jtote. Biq'uitic tslilinic ta vaston ti pasbil ta taq'uine, jech j'ech'el chvoq'uic o jech chac c'u cha'al bin.

Tzotzil Zinacantan

²⁶ Ti muchꞌutic mu xicta o sbaic li ilbajinele, ti naca lec cꞌusitic tspasic ti cꞌu chaꞌal xchamic oe, jaꞌ chcacꞌbe tsots yabtelic. Jaꞌ ta scuentainic scotol crixchanoetic ta sjunlej balamil.

Bible in Tzotzil de Chamula

²⁶ Ti buch'u ta stsal yu'un scotole, ti staoj yav yo'nton xcham xlaj ta spasolanel ti c'usi lec ta xquile, ta x'och ta pas mantal cu'un ta sventainel ti muc'tiquil lumetique,

Tzotzil San Andres

²⁶ Li buchꞌutic ta spasic ta canal scotole, ti jaꞌ ta spasulanic o li cꞌustic lec ta xquil cꞌalal ta slajeb cꞌacꞌale, ta xcacꞌbeic lec yabtelic. Jaꞌ chichꞌic ta venta scotol crixchanoetic ta spꞌejel li balumile, jaꞌ li buchꞌutic mu xiyichꞌic ta muqꞌue.

Tzotzil de Huixtán

²⁶ Ti much'u stsal yu'un scotole, ti tspas ti c'usi tsc'an ti co'ntone asta ti slajebal c'ac'ale, ja' chcac'be sventain scotol ti crixchanoetique ti mu xixch'umbucun ti jc'ope.

Apocalipsis 2:26 Iomraidhean Croise

Salmos 2:8

C'anbun, vu'un chacac'bot avu'unin li banamiletique, chacac'bot c'alal to ta sti'iltac li banamile.

Salmos 2:9

Lajesbo stsatsalic ta ataq'uinal vaston li ajvaliletic li' ta banamile. Biq'uitic xalilin jech chac c'u cha'al bin patbil ta lum”, xi.

Salmos 49:14

Li cristianoetic le'e ja' jchabivanej yu'unic li lajele; macbilic batel ta muquinal yu'un jech chac c'u cha'al macbilic batel ta scoralic li bic'tal chijetique. C'alal me isacub osile, ta stsalatic yu'un li boch'o tuc' yo'ntonique. J'ech'el ta xch'ayic o batel; ja' snaic chc'ot o li yavil animaetique.

Daniel 7:18

Ts'acal to chlic yich' yabtelic ta pasmantal xch'ul nich'nabtac li Boch'o te oy ta vinajele. Sbatel osil mu xlaj sc'oplal o li yabtelique; j'ech'el te chcom o ta stojolic’, xiyutun.

Daniel 7:22

Ja' to ti c'alal ital li Boch'o mu sna' xlaj yoraile, la scolta li xch'ul nich'nabtac Diose, yu'un ic'ot xa yorail ti ja' chlic spasic mantal li xch'ul nich'nabtac Dios ta vinajele.

Daniel 7:27

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

San Mateo 10:22

Scotol cristianoetic chopol chayiloxuc ta sventa ti acuchojbicun jbie. Pero li boch'o chcuch yu'un c'alal to ta slajebe, ja' ta xcol.

San Mateo 19:28

Itac'ov li Jesuse: —Melel chacalboxuc, c'alal chlic ach'ubuc scotole, c'alal chlic choticun ta jchotleb sventa chi'ich'at ta muc' vu'un ti Xnich'on cristiano lic'ote, chachotiic ta lajchab (12) muc'tic chotlebal ec vo'oxuc ti laj ats'aclinicune. Vo'oxuc chlic achapanic li lajcha'chop israeletique.

San Mateo 24:13

Pero li boch'o ta xcuch yu'un c'alal to ta slajebe ja' ta xcol.

San Juan 6:29

Itac'ov li Jesuse: —Li yabtel Dios tsc'an chapasique, ja' ti ac'o ach'unic li boch'o tacbil tal yu'une —xut.

Romanos 2:7

Li boch'o ja' tspasilanic o c'usitic leque, ti ja' no'ox oy ta yo'nton tsa'ic slequilal yutsilalique xchi'uc li c'usi mu sna' xc'a'e, ja' ch-ac'batic xcuxlejalic sventa sbatel osil.

Romanos 8:37

Pero scotol le'e lec tsalbil chc'ot cu'untic ta sventa li boch'o sc'anojutique.

1 Tesalonicenses 3:5

Ja' yu'un li vu'une mu xa xcuch cu'un laj ca'ay, jech la jtac tal ta ora li Timoteoe, yu'un jech chca'ay c'u xa'elanic. Yu'un ta jc'an chca'ay me yoquel lec ach'unojic, yu'un naca me la xchibajesboxuc avo'ntonic li banquilal jlo'lavaneje, jech altic ch-ech' li cabtelcutic te ta atojolique.

Hebreos 3:6

Pero li Cristoe ja' Nich'onil, jech jun yo'nton tsventainbe li sna Diose. Li sna Diose ja' vu'utic ti me jun co'ntontic o ta stojol c'alal to ta slajebal c'ac'ale, me xcuxet no'ox co'ntontic ta jmalatic li c'usi sc'oplal chquich'tique.

Santiago 2:20

Bol cristiano, tsc'an chana' lec: Li boch'o chal oy xch'unojel yo'nton ti me mu'yuc tspasbe yabtelale, mu'yuc c'usi stu o.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.

1 Juan 3:23

Li smantal Diose ja' ti ac'o cac' xch'unojel co'ntontic ta stojol li Xnich'one, ja' li Jesucristoe, xchi'uc ti ac'o jc'anan jbatic jech chac c'u cha'al laj yalbutic mantale.

1 Juan 5:5

Li boch'o ta xch'un ti ja' Xnich'on Dios li Jesuse, tstsal yu'un li c'usitic sventa banamile.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.

Apocalipsis 22:5

Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Apocalipsis 3:12

Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.