Apocalipsis 2:21 - Bible in Tzotzil de Chenalhó with Deuterocanon

²¹ Laj xa jmala jal ti ac'o sutes yo'ntone, pero mu sc'an sutes yo'nton ta sventa li mulivajele.

Tzotzil Zinacantan

²¹ Ijmala xa mi chicta li cꞌusitic chopol tspase, pero mu xicta, yuꞌun jaꞌ noꞌox ta yoꞌon spasel li cꞌusitic chopole.

Bible in Tzotzil de Chamula

²¹ Jmalaoj ora ti sutuc talel ta stojol ti Diose. Mu jechuc oy ta yo'nton, yu'un mu ono'ox xicta comel ti ta sbolomalin sbae.

Tzotzil San Andres

²¹ Laj xa jmala mi chicta li cꞌustic chopol ta spase, pero mu xicta yuꞌun jaꞌ yoꞌoninoj spasel li cꞌustic chopole.

Tzotzil de Huixtán

²¹ Ep c'ac'al laj jmala yu'un ac'o sutes yo'nton yu'un ti smule ti antse. Mu sc'an sutes yo'nton. Mu sc'an scomes ti c'usi chopol tspase.

Apocalipsis 2:21 Iomraidhean Croise

Romanos 9:22

Ja' no'ox jech ec li Diose tsc'an ox chac' ta ilel ta ora ti chac'be stojol li mulile; tsc'an ox chac' ta na'el c'u x'elan li svu'ele. Pero te to la sts'icbe smulic li boch'otic chapal sc'oplal chich'ic ilintaele, ti chapal sc'oplalic sventa tojob mulile,

1 Pedro 3:20

Ja' li jbajmantaletic ta vo'one ti c'alal cuxul to'ox li Noee, ti imalaatic yu'un Dios ac'o xch'unic c'alal ja'o chich' pasel barcoe. Pero mu'yuc ep boch'o icolic; ja' no'ox vaxquib icolic ta sventa li vo'e.

2 Pedro 3:15

Na'ic me ti ep smuc'ul yo'nton li Cajvaltique, yu'un tsc'an chijcolutic. Ja' no'ox jech la sts'ibaboxuc ta vun ec li quermanotic Pablo ti lec jc'anojtique, yu'un jech i'ac'bat sbijil yu'un li Diose.

2 Pedro 3:9

Mu yu'unuc mu xc'ot ta pasel c'usi yaloj li Cajvaltique, jech chac c'u cha'al oy boch'o chalic ti mu xc'ot ta pasele. Yu'un toj ep smuc'ul yo'nton ta atojolic, mu sc'an ti oy boch'o ch'ayel chbat junuque. Ja' tsc'an scotol ac'o sutes yo'nton yu'un smulic ta stojol li Diose.

Apocalipsis 16:11

Pero te ono'ox chchopolc'opojic o ta stojol Dios ta vinajel ta scoj xc'uxul li c'a'al chinetique. Muc ono'ox sutes yo'ntonic o.

Apocalipsis 16:9

C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.