Apocalipsis 2:19 - Bible in Tzotzil de Chenalhó with Deuterocanon

¹⁹ Vu'une xcotquin li avabtelique xchi'uc ti ac'anojicune. Xcotquin noxtoc ti oy xch'unojel avo'ntonique, ti lec cha'abtejic cu'une, xchi'uc ti lec tsts'ic avu'unic scotole. Jna'oj ti ech'em to cha'abtejic cu'un jech chac c'u cha'al la'abtejic ta sliquebe.

Tzotzil Zinacantan

¹⁹ Li voꞌone jnaꞌoj scotol li cꞌusitic chapasique. Jnaꞌoj ti chacꞌuxubinvanique, ti achꞌunojic ti voꞌon ijtoj amulique, ti chacoltavanique, ti chcuch avuꞌunic li ilbajinele, ti lec chatunic cuꞌun lavie. Ti ta baꞌyie maꞌuc toꞌox yech latunic.

Bible in Tzotzil de Chamula

¹⁹ Jna' lec scotol ti c'usi ta xapase: ti oy xc'uxul syail avo'ntone, ti lec c'otem ta avo'nton ta xch'unele, ti avac'oj aba ta tunele, ti mu xavicta abae, ti x'ech' to avac'ojbe yipale, ti ja' mu sta ta sliquebale.

Tzotzil San Andres

¹⁹ Joꞌone jnaꞌoj jtuc scotol li cꞌustic chapasique. Jnaꞌoj ti chacꞌuxubinvanique, schiꞌuc ti achꞌunojic ti joꞌon chajcoltaique, schiꞌuc chacoltavanic, schiꞌuc chcuch avuꞌunic vocol, schiꞌuc más chaꞌabtejic cuꞌun li avie, baꞌi muc bu jech laꞌabtejic.

Tzotzil de Huixtán

¹⁹ Jna' ti c'u x'elan avabtelique. Jna' ti chac'uxubinvanic, ti oy xch'unojel avo'ntonic, ti chacoltavanic, ti oy yip avo'ntonic, ti más ep cha'abtejic cu'un ti ora to.

Apocalipsis 2:19 Iomraidhean Croise

Job 17:9

Pero li boch'o tuc' yo'ntone chac' ono'ox persa batel; li boch'o mu'yuc smule yantic ta stsatsub batel.

Salmos 92:14

Ac'o me mol me'elic xa, ta to satinic; lec tsotsic o, lec yoxic o.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

San Lucas 1:23

C'alal its'aqui sc'ac'alil ti jayib c'ac'al te ch-abtej ta ch'ulnae, isut batel ta sna.

San Juan 15:2

Scotol li sc'obc'ob ts'usub li' oy ta jtojol ti mu xac' sate, ta se'p loq'uel li jchabits'usube. Yan ti bu lec chac' sate, ta xich' meltsanel, ta xich' lecubtasel, yu'un jech ech'em ac'o satinuc.

Colosenses 3:14

Li c'usi tsots sc'oplal ta scotole, ja' ti oyuc ta avo'ntonic o li c'anvaneje, yu'un ja' mero jpasvanej ta jun.

1 Tesalonicenses 3:6

Pero li' ta orae isut xa tal li Timoteoe; laj xa yalbuncutic lec ac'oplalic. Laj yalbuncutic ti lec ach'unojique, ti lec chac'anvanique, xchi'uc ti scotol c'ac'al chana'uncutique, ti chac aq'ueluncutic ava'yic ec jech chac c'u cha'al chac jq'uelot ca'icutique.

2 Tesalonicenses 1:3

Quermanotac, tsc'an scotol c'ac'al ta jtojbecutic ta vocol Dios ta aventaic. Yu'un ja' jech tsc'an pasel ta sventa ti lec ach'unojique, ti yantic chach'iic batel ta stojol Cajvaltique, xchi'uc ti acotolic jujunoxuc yantic ch-epaj batel li c'anvanej avu'unique.

1 Timoteo 1:5

Ti jech chacalbote, ja' sventa ac'o jc'anan jbatic, yu'un jech chvinaj ti lecuben xa co'ntontic ta melele, xchi'uc ti tuc' c'usi oy ta jol ta co'ntontique, ti muc nacauc no'ox ta jcuy jbatic ti jch'unojtique.

1 Pedro 4:8

Pero ja' tsots sc'oplal ti ech'em to ac'o ac'an abaic li vo'oxuque. Yu'un li c'anvaneje ta xac' ch'ayuc ep mulil.

2 Pedro 1:7

Me jun avo'nton chavich'ic ta muc' Diose, chac'an li achi'iltaquique. Me ac'anoj li achi'iltaquique, oy xa c'anvanej ta avo'ntonic.

2 Pedro 3:18

Ja' tsc'an chach'iic batel ta yotquinel, xchi'uc ta sventa slequil yo'nton li Cajvaltic Jesucristoe, ja' li Jcoltavanej cu'untique. Stuc no'ox ac'o ich'atuc ta muc' li' ta orae xchi'uc c'alal ta sbatel osil. Jechuc.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Apocalipsis 2:9

Vu'une xcotquin li avocolique xchi'uc li ame'onalic ta scoj vocole, pero jc'ulejoxuc chquil. Xchi'uc jna'oj noxtoc ti chchopolc'opoj ta atojolic li mero judioetic scuyoj sbaique. Pero ta melel mu ja'icuc. Ja' sna banquilal pucuj c'otemic.