Apocalipsis 2:14 - Bible in Tzotzil de Chenalhó with Deuterocanon

¹⁴ Pero oy to jutuc c'usi chopol chapasic chquil. Yu'un te achi'uquic li boch'otic jech chchanubtasvanic jech chac c'u cha'al li Balaame. Ja' ti la xchanubtas ajvalil Balac ta vo'one c'u x'elan xu' chyalic ta lum li israeletique, yu'un jech xu' chlic sti'ic li milbil matanal ta sventa c'usitic cuybilic ta Diose, xchi'uc jech xu' chlic mulivajicuc.

Tzotzil Zinacantan

¹⁴ Pero oy to cꞌusi chopol chapasic chquil. Yuꞌun lec chavaꞌiic ti tey achiꞌuquic ti muchꞌutic ta xchanubtasvanic ta spasel cꞌusi chopol chac cꞌu chaꞌal ispas ti Balaam ti ta voꞌnee. Ti Balaame jaꞌ ixchanubtas ti preserente Balaque ti cꞌuxi xuꞌ sloꞌlo li jꞌisraeletique yoꞌ ti xlic stiꞌic o ti tiꞌbol smotoninoj yajsantoic ti yan crixchanoetique, yoꞌ ti xlic saꞌ o yantsique.

Bible in Tzotzil de Chamula

¹⁴ Oy jaytos ti xi s'elan mu lecuc ta xquil ti oy ta atojole: yu'un oy jlom avu'unic mu sc'an ta xictaic comel c'u s'elan chanubtasvan ti Balaam ti c'alal laj sbijubtas ti Balaque, ti laj sta smul yu'un ti israeletic c'alal laj slajesic smoton ti c'usi meltsanbil ta c'abale, xchi'uc ti laj sbolomalin sbaic yu'une.

Tzotzil San Andres

¹⁴ Pero oy to cꞌusi chopol chapasic chquil. Yuꞌun te to achiꞌuquic li buchꞌutic jech ta spasic jech chac cꞌu chaꞌal la spas li Balaame. Li Balaame jaꞌ la schanubtas li ajvalil Balac ta voꞌonee ti acꞌo stac batel buchꞌutic chba schanubtasic ta spasel li cꞌustic chopol li jꞌisraeletique. Li jꞌisraeletique lic slajesbeic smoton srioxic li jyanlumal crixchanoetique, schiꞌuc lic mulivajicuc.

Tzotzil de Huixtán

¹⁴ Pero oy c'usi chapasic ti mu xtun chquile. Te achi'inojic ti much'utic co'ol tspasic hech chaj c'u che'el laj spas ti Balaame. Ti Balaame ja' laj sp'ijubtas ti ajvalil Balac sbie c'u che'el chchanubtas ti mulil ti yelnich'nab ti Israele ti vo'one. Hech lic sti'beic smoton santoetic, hech lic mulivajuc ti yelnich'nab ti Israele.

Apocalipsis 2:14 Iomraidhean Croise

Isaías 57:14

Ts'acal jech laj yal: “Jamic lec li bee, pasic lec ta parejo; loq'uesic scotol li c'usitic te oye; ch'ubaic lec scotol, yu'un jech lec chjelovic tal li jteclumale”, xi.

Jeremías 6:21

Ja' yu'un li Muc'ul Diose jech chal: “Ta xcac' sbosiubil yacanic, jech ta xyalic ta lum, co'ol chchamic o c'alal ta totil me'iletic, c'alal ta alab nich'nabetic, c'alal ta boch'otic nopol nacajtic xchi'uquic, xchi'uc c'alal ta boch'otic lec sc'opan sba xchi'uquic”, xi.

Ezequiel 3:20

Jech noxtoc, li boch'o tuc' yo'ntone, me oy chc'ot ta pasel chlic scomtsan li c'usi tuq'ue, me ja' chlic spas li c'usi chopole, me laj cac'be svocol ta sventa ti jech tspase, me te icham oe, ta scoj smul ta xcham. Li c'usitic lec to'ox la spase chch'ay ta alel o. Pero li xch'ich'ale vo'ot chcom ta aba noxtoc, yu'un muc xacolta.

Ezequiel 44:12

Pero ta sventa ti ja' itunic yu'un li c'usitic cuybil ta diosetique, xchi'uc ti ja' ta sventaic la sta smulic li israeletique, jech laj cal ta jamal oy ono'ox stojol li smulique.

Números 24:14

Lec oy, xu' chisut batel ta jlumal. Pero c'alal mu'yuc to chisut batele, chacalbot comel ava'ay c'usi ta to spasbe alumal li jun lum israeletic le'e —xi.

Números 31:16

Yu'un li antsetic le'e ja' la xch'unbeic c'usi laj yal li Balaame, jech la slo'laic batel li jchi'iltactique. Jech la sbajbeic o smantal li Muc'ul Diose yu'un ja' bat yich'ic ta muc' li Baal-peore. Ja' yu'un li Muc'ul Diose laj yac' tal tsots vocol; la stac tal jun tsatsal chamel ta stojol li jchi'iltactique.

Números 31:8

La smilic comel noxtoc li Evie, li Requeme, li Zure, li Hure, xchi'uc li Rebae, ja' li vo'ob ajvaliletic ta Madiane. Xchi'uc la smilic comel ec li Balaame, ja' li xnich'on Beore.

San Mateo 18:7

“Toj abul sbaic li boch'otic li' oyic ta banamil ti oy boch'o chch'ayvanic ta bee. Yu'un ta ono'ox xtal li boch'o chch'ayvanic ta bee, pero toj abul sba li boch'o jech tspase.

Hechos 15:29

Mu me xati'ic c'usitic ac'bil ta smoton li loc'ometic ti cuybilic ta Diose, mu me xati'ic ch'ich', mu me xati'ic li c'usi mich'bil ta snuc' chchame, mu me xamulivajic. Me chach'unic scotol le'e, lec c'usi chapasic. Ja' no'ox jech chacalboxuc tal. Te ac'o xchi'inoxuc li Diose”, xiic batel ta carta.

Hechos 21:25

Li yanlum cristianoetic ti xch'unojic xa Cajvaltique, calojbetic xa batel ta vun ti mu me sti'ic li smoton loc'ometic ti cuybilic ta diose, ti mu me sti'ic ch'ich'e, ti mu me sti'ic c'usi mich'bil ta snuc' chchame, xchi'uc ti mu me xmulivajique —xutic li Pabloe.

Romanos 11:9

Jech ono'ox laj yal ec li Davide: “Ac'o c'atajuc ta xch'ajanulic, ta spets'ulic li sve'elic ta sq'uinique, xchi'uc te ac'o sbosi yacanic o, ac'o yich' lec svocolic.

Romanos 14:13

Ja' yu'un mu xa me jsa'be jba jmultic. Ja' no'ox jsa'tic li c'usi ma'uc sventa tsbosi yacan, ma'uc sventa chyal o ta lum cu'untic li jchi'iltique.

Romanos 14:21

Ja' lec mu xati'ic ti'bol, mu xavuch'ic ya'lel ts'usub, mu xatunic o li c'usi ja' te chchibaj yo'nton; ja' te tsoc yo'nton avu'unic li yantique.

Romanos 9:32

¿C'u yu'un ti muc staique? Yu'un ja' ibat yo'ntonic ta mantaletic; ma'uc ibat yo'ntonic ta sventa xch'unojel yo'ntonic. La snopic ti ta sventa yabtelic lec ch-ilatique, ja' yu'un te ech' sbosi yacanic ta ton ti ja' sventa sbosiubil yacanic li boch'otic mu xch'unique.

1 Corintios 1:23

Li vu'uncutique ja' chcalbecutic sc'oplal li Cristo ti ijoc'anat ta cruze, pero li judioetique solel jmacbe cha'yic o. Jech ec li yanlum cristianoetique bol lo'il no'ox cha'yic.

1 Corintios 7:2

Pero ta sventa ti mu vocoluc chisujutic ta mulil li jbec'taltique, ja' lec ti ac'o oyuc yajnil stuquic li jujun viniquetique, ti ac'o oyuc smalal stuquic li jujun antsetique.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

Josué 24:9

Ts'acal ilic li Balac, ja' li ajvalil yu'un moabetique, tal scontrainoxuc, xchi'uc la stac ta iq'uel li Balaam, ja' li xnich'on Beore, yu'un ac'o sc'anboxuc c'usi chopol ta atojolic.

1 Pedro 2:8

“Ja' sventa ac'o sbosi yacanic o; ja' sventa ac'o yalicuc o ta lum”, xi. Ja' te tsbosi yacanic o ya'yel ta sventa ti mu xch'unic li sc'op Diose, yu'un jech ono'ox ts'ibabil sc'oplalic.

2 Pedro 2:15

Yu'un ich'ayic xa o ta be; ja' la scomtsanic li tuq'uil bee. Ja' xa la stambeic sbe li Balaame, ja' li xnich'on Beore, ja' ti la stsac taq'uin sventa tspas c'usi chopole.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.

Apocalipsis 2:20

Pero oy to jutuc c'usi chopol chapasic chquil. Yu'un te no'ox aq'uelojic li Jezabel ti tscuy sba ta j'alc'op cu'une. Te chchanubtas, te tslo'la cajtuneltac ti xu' tsti'ic li milbil matanal ta sventa c'usitic cuybilic ta Diose, xchi'uc ti xu' chmulivajique.

Apocalipsis 2:4

Pero oy to c'usi mu lecuc chquil, yu'un mu xa xac'anicun lec jech chac c'u cha'al ta sliqueb.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.