Apocalipsis 2:13 - Bible in Tzotzil de Chenalhó with Deuterocanon

¹³ Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Tzotzil Zinacantan

¹³ Li voꞌone jnaꞌoj scotol li cꞌusitic chapasique. Jnaꞌoj ti tey nacaloxuc yoꞌ bu ta xchꞌunbat tajmec smantal li Satanase. Acꞌu mi abol abaic ta ilbajinel pero avichꞌojicon onox ta mucꞌ. Muc xavicta abaic ti cꞌalal imile ti Antípase ti sjunul yoꞌon iyal aꞌyuc cꞌusi caloj yoꞌ bu nacaloxuque, yoꞌ bu ta xchꞌunbat tajmec smantal li Satanase.

Bible in Tzotzil de Chamula

¹³ Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Tzotzil San Andres

¹³ Joꞌone jnaꞌoj jtuc scotol li cꞌustic chapasique. Schiꞌuc jnaꞌoj ti te nacaloxuc li yoꞌ bu ep ta schꞌunbeic smantal li banquilal pucuje, jaꞌ li Satanase. Manchuc mi chavichꞌic vocol pero avichꞌojicun o ta mucꞌ. Muc bu xchibaj avoꞌonic li cꞌalal imile li Antípas li ta sloqꞌuel yoꞌon lispucbe jcꞌop li yoꞌ bu oyoxuque, jaꞌ li bu ep ta schꞌunbeic smantal li Satanase.

Tzotzil de Huixtán

¹³ Jna' ti c'u x'elan avabtelique. Jna' ti te nacaloxuc yo' bu ep chch'umbat smantal yu'un ti crixchanoetique ti Satanase. Manchuc mi hech yac'oj sba chavich'ic vocole, ho'oxuc chapasucun ti muc'. Muc xchibaj avo'ntonic ti c'alal imilat ti Antipase ti jun yo'nton laj xcholbun jc'opilal te ti bu ep chch'umbat smantal yu'un ti crixchanoetique ti Satanase.

Apocalipsis 2:13 Iomraidhean Croise

San Mateo 10:23

Me chataic uts'intael ta junuc lume, batanic ta yan lum. Melel li c'usi chacalboxuque, mu'yuc to cuchem avu'unic sq'uelel scotol lumetic li' ta yosilal Israel c'alal chital vu'un ti Xnich'on cristiano lic'ote.

San Mateo 24:9

“Ta to xa'ac'atic ta c'abal, yu'un jech chavich'ic tsots uts'intael, xchi'uc chavich'ic milel. Bajbil chac'otic yu'un scotol cristianoetic ta scoj ti acuchojbicun jbie.

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

San Lucas 21:17

Solel bajbil chac'otic yu'un scotol cristianoetic ta jcoj.

Hechos 22:20

C'alal imilat li avajtunel Estebane, te oyun ec. Toj lec laj ca'ay ti ichame. Vu'un la jchabibe sc'u'ic li boch'otic imilvanique’, xcut.

Hechos 9:14

Li' ta orae yich'oj tal stsatsal ta stojol banquilal paleetic ti ta xchucan batel scotol li boch'otic xch'unojicote”, xi li Ananiase.

1 Tesalonicenses 5:21

A'yo lec ava'yic scotol; ja' xach'unic ti bu melele.

1 Timoteo 5:8

Yu'un li boch'o mu'yuc ta yo'nton yuts' yalaltaque, me ja'uc li stot sme'e xchi'uc li yajnil xnich'nabe, altic chal ti xch'unoj Cajvaltique. Ja' xjelov xchopolil jech chac c'u cha'al li boch'o mu'yuc xch'unojique.

2 Timoteo 1:13

Ja' me jech xachanubtasvan o jech chac c'u cha'al la jpase. J'ech'el me ch'uno o li lequil chanubtasel laj caq'ue, xchi'uc c'anvanan me ta sventa li Jesucristoe.

2 Timoteo 2:12

Me co'ol ta jts'ictic vocol jchi'uctique, co'ol ta jpastic mantal jchi'uctic noxtoc. Me ta jmuc ta co'ntontique, ja' no'ox jech chismucutic ta yo'nton ec.

Hebreos 10:23

Jech junuc me co'ntontic o; mu me chibuc co'ntontic ta sventa li c'usi jmalaojtic ti jch'unojtic chquich'tique, xchi'uc ti jech loq'uem ta quetique. Yu'un li boch'o yaloj chac'butique, mu sna' x'epalc'opoj.

Hebreos 3:6

Pero li Cristoe ja' Nich'onil, jech jun yo'nton tsventainbe li sna Diose. Li sna Diose ja' vu'utic ti me jun co'ntontic o ta stojol c'alal to ta slajebal c'ac'ale, me xcuxet no'ox co'ntontic ta jmalatic li c'usi sc'oplal chquich'tique.

Santiago 2:7

¿Me mu ja'uc noxtoc ti ta xchopolc'optabeic xch'ul bi li Boch'o avich'ojic ta muq'ue?

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 11:3

Pero ta jtac batel chib testigo cu'un; chbat xcholic jc'op o'lol xchanibal jabil. Ja' tslapic li c'u'il ti c'ux ta lapele”, xiyutun.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Apocalipsis 14:12

Li'i tsc'an oy lec stsatsal yo'ntonic li boch'o voc'bilic yu'un Diose, ja' li boch'otic scotol yo'nton xch'unojbeic o li smantaltac Diose xchi'uc ti jun yo'nton xch'unojic o li Jesuse”, xi li j'almantale.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.

Apocalipsis 2:2

Vu'une xcotquin li avabtelique; jna'oj ti tsots cha'abtejic ta jtojole, xchi'uc ti tsts'ic avu'unic vocole, xchi'uc ti mu xac'an xachi'inic li boch'otic chopolique. Jech noxtoc laj xa aq'uelbeic lec yabtelic li boch'otic jcholc'opetic scuyoj sbaique; laj avilic ti ja' no'ox ch-epalc'opojique.

Apocalipsis 3:11

A'yo ava'yic, po'ot xa chital. Junuc me avo'nton tsaquic o li c'usi ataojique, yu'un jech mu xbat ta yan li amotonique.

Apocalipsis 3:3

Vuleso me ta ajolic li c'usi laj ava'yic, xchi'uc ti c'u x'elan lachanubtasatic ta sliquebe. Ja' me ch'unic o. Suteso me avo'ntonic. Me mu xaq'uel abaique, ta xital ta atojolic jech chac c'u cha'al j'elec'; mu xana'ic c'usi ora chital.