Apocalipsis 2:10 - Bible in Tzotzil de Chenalhó with Deuterocanon

¹⁰ Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Tzotzil Zinacantan

¹⁰ Mu me xaxiꞌic o li ilbajinel ti chtal ta tsꞌacale. Jaꞌ yabtel li pucuje ti chastiqꞌuic ta chuquel jlomuque yuꞌun tsqꞌuelic mi jꞌechꞌel achꞌunojic ti voꞌon Avajvalicone. Pero jayib noꞌox cꞌacꞌal ti abol abaique. Ichꞌicon o me ta mucꞌ cꞌu chaꞌal xachamic oe, yuꞌun chcacꞌ cuxlanic ta sbatel osil. Jaꞌ atrofeoic yaꞌel.

Bible in Tzotzil de Chamula

¹⁰ Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.

Tzotzil San Andres

¹⁰ Mu me xaxiꞌic yuꞌun li vocol li ta xtal ta atojolique. Jaꞌ yabtel li pucuje ti chastiqꞌuic ta chuquele yuꞌun chasqꞌuelbeic avoꞌonic mi ta melel achꞌunojic ti joꞌon Avajcoltavanejicune. Pero atbil noꞌox ti jayib cꞌacꞌal chavichꞌic vocole. Junuc me avoꞌonic o ta jtojol acꞌo mi chasmilic, yuꞌun chcacꞌ amotonic, jaꞌ ti chacuxiic o sbatel osile.

Tzotzil de Huixtán

¹⁰ Mu me xaxi'ic yu'un ti chavich'ic yan vocol. A'yo me ava'yic, ja' yabtel ti pucuje chastic'oxuc ochel ti chuquel yu'un hech chaspasboxuc proval avo'ntonic mi oy xch'unojel avo'ntonic. P'isbil ti jayib c'ac'al chavich'ic vocol. Junuc me avo'ntonic ti jtojol manchuc mi chasmilot. Hech chacac'bot amotonic, ja' chacuxiic sbatel osil.

Apocalipsis 2:10 Iomraidhean Croise

Salmos 31:23

Vo'oxuc ti tuc' avo'ntonique, c'anic me li Muc'ul Diose; ja' chchabiatic yu'un Muc'ul Dios li boch'otic jun yo'ntonique. Yan li jtoybaetique ch-ac'bat lec stojic yu'un li Muc'ul Diose.

Lamentaciones 3:57

C'alal la jc'opanote, lanopaj tal ta jtojol, jech laj avalbun: ‘Mu xaxi'’, xavutun.

Daniel 1:12

—Abulajan paso preva avil lajunebuc c'ac'al; ja' no'ox ac'bun jve'cutic c'usitic chch'i ta banamil, xchi'uc ac'bun vo' cuch'cutic.

Daniel 1:14

Li xchi'il ta abtel ajvalile lec laj ya'ay li c'usi i'albate, jech lic spas preva lajuneb c'ac'al.

Habacuc 2:3

Ac'o me chjalij to li c'usi laj cac'bot avile, pero ta ono'ox xc'ot ta pasel, mu xa xjalij. Muc epalc'opuc. Ac'o me jal ta malael, malo me; yu'un mu alticuc no'ox, ta xc'ot ono'ox ta pasel.

San Mateo 10:22

Scotol cristianoetic chopol chayiloxuc ta sventa ti acuchojbicun jbie. Pero li boch'o chcuch yu'un c'alal to ta slajebe, ja' ta xcol.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Mateo 24:13

Pero li boch'o ta xcuch yu'un c'alal to ta slajebe ja' ta xcol.

Marcos 13:13

Bajbil chacomic o ta sventa ti acuchojbicun jbie. Pero li boch'o ta xcuch yu'un c'alal to ta slajebe ja' ta xcol.

Marcos 8:35

Yu'un li boch'o ta spoj sba yu'un tsc'an chcuxie, ja' chch'ay. Yan li boch'o mu sventauc me te chcham ta jcoj, xchi'uc ta scoj jc'ope ja' ta xcuxi.

San Lucas 21:12

“C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj.

San Juan 12:25

Li boch'o ta xc'uxubin sbae, ta xch'ay. Yan li boch'o mu tsotsuc sc'oplal cha'ay li xcuxlejal li' ta banamile, ja' sventa chcuxi sbatel osil.

San Juan 13:2

C'alal te tsobol chve'ic scotolique, li Judas Iscariotee ja' li xnich'on Simone, albil xa ono'ox ta yo'nton yu'un banquilal pucuj ti ac'o yac' ta c'abal li Jesuse.

San Juan 13:27

C'alal la stsac pan li Judase, iventainbat o yo'nton yu'un li banquilal pucuje. Li Jesuse jech laj yalbe: —Li c'usi anopoj chapase bat paso ta ora —xut.

Hechos 20:24

Pero le'e mu xcac' ta co'nton. Ma'uc tsots sc'oplal chca'ay ti cuxulune. Ja' no'ox venta me jun co'nton o chcuch cu'un li anil jbats'ile, xchi'uc me ivu' cu'un li cabtel yac'ojbun Cajvaltic Jesuse, ja' ti ta jchol li Lequil A'yeje, ja' ti ep chc'anvan li Diose.

Hechos 21:13

Li Pabloe jech laj yal: —¿C'u yu'un chavoc'taicun? ¿C'u yu'un chavaq'uic cat co'nton? Li vu'une xu' te chichucat; xu' te chicham ta Jerusalén ta scoj li Cajvaltic Jesuse —xi.

1 Corintios 9:25

Li boch'o oy ta yo'nton chac' persae, persa tsnopes sba ti oy c'usi mu xu' tspase, pero ja' no'ox ta sventa xu' chich' li smoton ti sna' xlaje. Pero li jmotontic chquich'tic vu'utique mu sna' xlaj o.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Efesios 6:12

Yu'un ma'uc ta jpastic c'op jchi'uctic li boch'o oy sbec'tal, oy xch'ich'alique. Ja' ta jtsal jba jchi'uctic li pucujetic ti tsots tspasic mantale, ti tsots svu'elique, ti ch-ilbajinvanic li' ta banamil ti oy ta ic' osile, ti ta ic' chanovique ti mu'yuc sbec'talique.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

1 Pedro 5:4

Yu'un jech c'alal chtal li Banquilal yu'un jchabichijetique, chavich' amotonic ti toj jun yutsile ti mu sna' xlaj oe.

1 Pedro 5:8

Bijanic me, viq'uiluc me asatic yu'un li avajcontraique, ja' li pucuje, yu'un xjoyet no'ox jech chac c'u cha'al león ti x'avet no'ox ta sa'el li boch'o tsc'an tsti'e.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Apocalipsis 2:9

Vu'une xcotquin li avocolique xchi'uc li ame'onalic ta scoj vocole, pero jc'ulejoxuc chquil. Xchi'uc jna'oj noxtoc ti chchopolc'opoj ta atojolic li mero judioetic scuyoj sbaique. Pero ta melel mu ja'icuc. Ja' sna banquilal pucuj c'otemic.