Apocalipsis 19:7 - Bible in Tzotzil de Chenalhó with Deuterocanon

⁷ Junuc no'ox co'ntontic, cuxetuc no'ox co'ntontic calbetic slequilal, yu'un laj xa sta yorail q'uin nupinel yu'un li Ch'ium Chije; lec xa smeltsanoj sba li yajnile.

Tzotzil Zinacantan

⁷ Junuc noꞌox coꞌontic acꞌu quichꞌtic ta mucꞌ yuꞌun chnupun xa li Cajvaltic Jesuse. Tsꞌaquiem xa li yajnile.

Bible in Tzotzil de Chamula

⁷ Laetuc, muyubajuc co'ntontic ta j'ech'el ta yalbel yutsil slequilal, yu'un sta xa yorail ta xnupun ti jcot ta Uni Chije, ti xi s'elan xchapanoj sba ti yajnile:

Tzotzil San Andres

⁷ Muybajcutic noꞌox quichꞌtic ta mucꞌ yuꞌun icꞌot xa scꞌacꞌalil ta xnupun li Cajvaltique. Lec xa smeltsanoj sba li ajnilale.

Tzotzil de Huixtán

⁷ Nichim no'ox co'ntontic ti jpastic ti muc' yu'un laj xa sta yorail ti chnupun ti Cajvaltique. Chapal xa ti yajnile.

Apocalipsis 19:7 Iomraidhean Croise

Salmos 107:42

C'alal chilic li boch'otic tuc' yo'ntonique, xcuxet no'ox yo'ntonic; yan li boch'otic chopolique macal chcom yeic.

Salmos 48:11

Li vits Sione toj xcuxet no'ox yo'ntonic; stse'inic no'ox li lumetic te ta Judae, yu'un lec tuc' chachapanvan.

Salmos 9:14

yu'un jech xu' chcal te ta sti' scoralil Jerusalén ti toj ech'em alequilale, xchi'uc ac'o yilic ti xcuxet no'ox co'nton ta sventa ti laj acoltaune.

Proverbios 29:2

C'alal ja' chlic spasic mantal li boch'o tuc' yo'ntonique, xcuxet no'ox yo'ntonic li jteclume; c'alal ja' chlic spas mantal li boch'otic chopolique, ta xlic svocol li jteclume.

Cantares 3:11

Tsebetic ta Sión, loc'anic tal, la' q'uelavilic li ajvalil Salomone; oy scoronail sjol, ja' i'ac'bat yu'un sme' ti c'alal inupine, ti c'alal yorail xcuxet no'ox yo'ntone.

Isaías 52:1

Sión, julovan me, lican me, ich'bo me lec yipal. Jerusalén, lapo lec c'upil sba ac'u', vo'ot li ch'ul lumote, yu'un mu'yuc xa chtal ochuc o yan velta te ta atojol li yanlum cristianoetic ti mu'yuc yich'ojic circunsicione.

Isaías 62:5

Jech chac c'u cha'al jun querem ti chic' jun tsebe, ja' jech chayic'ot ec li Diose; ta xcha'pasot ta ach'. Jech chac c'u cha'al xcuxet no'ox yo'nton xchi'uc smalal li tsebe, ja' jech xcuxet no'ox avo'nton achi'uc li Dios avu'une.

Isaías 66:10

Cuxetuc no'ox avo'nton achi'uquic li Jerusalene; tse'inan no'ox achi'uquic vo'oxuc ti lec ac'anojique; cuxetuc avo'nton achi'uquic vo'oxuc ti ep laj avoc'taique.

Isaías 66:14

C'alal chavilic scotol jech chc'ot ta pasele, xcuxet no'ox avo'ntonic; lec solol abec'tal chava'yic jech chac c'u cha'al ch-uninaj ts'i'lal. Yu'un li Muc'ul Diose chac' ta ilel svu'el ta stojol li yajtuneltaque; chac' ta ilel c'u x'elan sc'ac'al yo'nton ta stojol li yajcontrae.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Mateo 1:20

C'alal jech snopoj li Josee, ivaychin. Ta xvayech laj yil jun yaj'almantal Dios, jech i'albat: “José, vo'ot smomnich'onot David, mu xaxi' chavic' li Mariae, yu'un li yol xchi'inoje ja' ac'bil yu'un Ch'ul Espíritu.

San Mateo 22:2

“Ti c'u x'elan chventainvan li Diose ja' jech chac c'u cha'al jun ajvalil la spas q'uin nupinel ta sventa squerem.

San Lucas 12:36

Ja'uc me jechoxuc jech chac c'u cha'al mozoetic ti smalaojic tsut tal li yajvalic ti batem ta q'uin nupinele. C'alal ta xc'ot c'opojuque, ta ora ta sjambeic li ti'nae.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

2 Corintios 11:2

Ti jech toj juteb co'nton ta atojolique ja' ta sventa li Diose. Yu'un jun no'ox vinic laj cac' amalinic ya'yel, ja' yu'un tsots sc'oplal chca'ay ti chc'ot jva'anoxuc ta stojol Cristo jech chac c'u cha'al jun tojol tsebe.

Efesios 5:23

Yu'un li vinique ja' jolil c'otem yu'un li yajnile, jech chac c'u cha'al li Cristoe ja' Jolil c'otem yu'un scotol li steclumale, ja' li sbec'tal c'oteme. Xchi'uc ja' Jcoltavanej yu'un.

Efesios 5:32

Le'e toj muc' smelol. Pero vu'un chcal ti ja' smelol c'u x'elan tspas ta sventa steclumal li Cristoe.

Deuteronomio 32:43

“Cuxetuc me avo'ntonic cristianoetic ta banamil. Cuxetuc me avo'ntonic vo'oxuc ti steclumaloxuc Diose. Li Diose ta spacbe sutel li boch'o imilbunuc yajtuneltaque. Ta spacbe sutel scotol li yajcontrataque, xchi'uc ta xch'aybe ta yo'nton smul scotol li jteclum yu'une xchi'uc c'alal ta yosilalic”, xi li q'ueoj la sq'uejinta Moisese.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.

Apocalipsis 21:2

Laj quil chyal tal ta vinajel li ch'ul lume, ja' li ach' Jerusalene. Te ilic tal ta stojol Dios ta vinajel. Lec chapal iyal tal jech chac c'u cha'al jun tseb ti lec smeltsanoj sba c'alal yu'un xa chnupine.

Apocalipsis 21:9

Li vucub j'almantaletic yich'oj jujun stazaic nojemic ta slajeb li yan vucub tsatsal vocole, ital sc'opanun jun, jech laj yalbun: “La' li'i, chacac'bot avil yajnil li Ch'ium Chij ti chapal xa sventa chic' oe”, xiyutun.

1 Samuel 2:1

Li Anae la sc'opan Dios, jech laj yal: “Muc'ul Dios, toj xcuxet no'ox co'nton ta atojol, yu'un laj avac'bun jtsatsal yan velta. Xu' xa ta jmacbe yeic li boch'o chisna'leicune, yu'un laj xa acoltaun. Jech toj xcuxet no'ox co'nton.