Apocalipsis 19:5 - Bible in Tzotzil de Chenalhó with Deuterocanon

⁵ Laj ca'ay oy boch'o chc'opoj tal te ta muc'ta chotlebal, jech laj yal: “Tojbeic ta vocol Dios, vo'oxuc li yajtuneloxuque, vo'oxuc ti avich'ojic ta muc', c'alal ta muc', ta biq'uite”, xi.

Tzotzil Zinacantan

⁵ Icaꞌi ti oy muchꞌu icꞌopoj tal yoꞌ mucꞌta chotlebale. Jaꞌ yech iyal chac liꞌi: “Colaval”, utic li Rioxe, voꞌoxuc ti chatunic yuꞌune, ti avichꞌojic ta muqꞌue. Ta biqꞌuit ta mucꞌ “colaval”, utic, xi.

Bible in Tzotzil de Chamula

⁵ Oy Buch'u c'opoj talel ta muc' ta chotlebal ti xi ta xale: “Acotolic yajtuneloxuc ti Diose, ti ta xaxi'taique, ti yalel toyol ti abijilique, lequil c'optaic ti Dios cu'untique.”

Tzotzil San Andres

⁵ Icaꞌi oy buchꞌu icꞌopoj talel li ta mucꞌta chotlebale. Jech laj yal: Albeic coliyal Dios, joꞌoxuc ti yajtuneloxuc ti avichꞌojic ta mucꞌ li Diose. Albeic coliyal Dios acꞌo mi ichꞌbiloxuc ta mucꞌ, mi muc bu ichꞌbiloxuc ta mucꞌ, xi.

Tzotzil de Huixtán

⁵ Oy much'u chc'opoj te yo' bu ti muc'ta naclebale. Hech laj yal: Hocol yalbucutic ti Diose, xachiic me, ho'oxuc ti yabatoxuque, ho'oxuc ti laj xa axi'ic ti Diose, manchuc mi tsots avabtelic ono'oxe, manchuc mi mu tsotsuc avabtelic ono'oxe, xchi.

Apocalipsis 19:5 Iomraidhean Croise

Salmos 115:13

Chac'be bendición li boch'otic yich'ojic ta muc', c'alal ta muc' ta biq'uite.

Salmos 134:1

Albeic slequilal Muc'ul Dios, vo'oxuc li yajtuneloxuque, vo'oxuc ti te oyoxuc o ta xch'ulna Muc'ul Dios sjunul ac'ubale.

Salmos 135:1

Quich'tic ta muc' li Diose. Albeic slequilal Dios, vo'oxuc li yajtuneloxuc Muc'ul Diose, vo'oxuc ti te oyoxuc o ta ch'ulna yu'une, vo'oxuc ti te oyoxuc ta yamaq'uil sna li Dios cu'untique.

Salmos 150:6

Scotol li c'usitic chich'ic iq'ue ac'o yich'ic ta muc' li Muc'ul Diose. Ich'biluc ta muc' li Diose.

Salmos 22:23

Vo'oxuc ti avich'ojic ta muc' li Muc'ul Diose, albeic slequilal. Ich'ic ta muc' acotolic vo'oxuc li smomnich'naboxuc Jacobe. Nijan abaic ta stojol acotolic vo'oxuc li sts'unubaloxuc Israele.

Apocalipsis 13:16

Jech noxtoc laj yal mantal ti ac'o yich' smarcail ta sbats'ic'obic, o me ta sti'baic scotol cristianoetic c'alal ta muc' ta biq'uit, ta jc'ulej ta me'on, c'alal ta boch'o ochem ta mozoil, xchi'uc boch'o muc ochemuc ta mozoil.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 19:18

Ja' chati'beic sbec'tal li ajvaliletique, li banquilal soldadoetique, li boch'o tsots yo'ntonic ta paspleitoe, xchi'uc chati'beic sbec'tal ca'etic xchi'uc li boch'otic scajlebinojique, xchi'uc chati'beic sbec'tal boch'ouc no'ox, me ochemic ta mozoil, me muc ochemicuc ta mozoil, xchi'uc c'alal ta muc' ta biq'uit”, xut.

Apocalipsis 20:12

Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.