Apocalipsis 19:4 - Bible in Tzotzil de Chenalhó with Deuterocanon

⁴ Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.

Tzotzil Zinacantan

⁴ Li veinticuatro moletique xchiꞌuc li chanvoꞌ ti stosoltosol satique, isquejan sbaic, isnijan sbaic, iyichꞌic ta mucꞌ ti Rioxe ti tey chotol ta smucꞌta chotlebe. ―Toj lec ti jaꞌ yech icꞌote. Colavalboticotic, Cajval ―xiic.

Bible in Tzotzil de Chamula

⁴ Ti chanib xcha'vinic (24) ta vo' moletique, xchi'uc ti chanib c'usi cuxulique, snupilanic xa banomil laj spatan sbaic ta lumtic ta yich'el ta muc' ti Dios ti chotol ta muc' ta chotlebale, xi lic yalilanique: “Lequil c'optabiluc ti Diose. Jechuc.”

Tzotzil San Andres

⁴ Li chanib schaꞌvinic banquilaletique schiꞌuc li chanvoꞌic ti yantic o sat jujunique la spatan sbaic, laj yichꞌic ta mucꞌ li Dios li te chotol ta mucꞌta chotlebale. Jech laj yalic: ―Toj lec ti jech icꞌot ta pasele. Coliyalbutic li Diose ―xiic.

Tzotzil de Huixtán

⁴ Ti veinticuatro ti vo' totiletique xchi'uc ti chanvo'ique laj spatan sbaic ti lum, ilequilc'opojic yu'un ti Diose ti te nacal ti muc'ta naclebale. Hech laj yalic: ―Jun yutsil ti hech chc'ot ti pasel. Hocol yalbucutic ti Diose ―xchiic.

Apocalipsis 19:4 Iomraidhean Croise

1 Crónicas 16:36

Ta sbatel osil ich'biluc ta muc' li Muc'ul Dios yu'un Israele”, xi li q'ueoj laj yal Davide. Jech laj yal scotol li israeletique: “Jechuc”, xiic. Jech ich'bil ta muc' ic'ot li Muc'ul Diose.

Nehemías 5:13

Jech noxtoc te la jlilin jc'u' ta stojolic, jech laj calbeic: “Ja' jech ac'o lilinatuc loq'uel yu'un Dios ta sna, xchi'uc ta yosil li boch'otic muc xch'un li c'usi laj yich' alel ta stojol Dios li'i. Xchi'uc ac'o pojbatuc scotol li c'usitic oy yu'une”, xcut. Jech itac'ovic scotol li jchi'iltaque: “¡Jechuc!”, xiic. Te laj yalbeic slequilal li Muc'ul Diose, xchi'uc la spasic scotol li c'usi laj yalique.

Nehemías 8:6

Li Esdrase te lic yalbe slequilal Dios, ja' li Muc'ul Diose. Scotol li israeletique la stoy sc'obic, jech laj yalic: “¡Jechuc! ¡Jechuc!”, xiic. La squejan spatan sbaic ta banamil; laj yich'ic ta muc' li Muc'ul Diose.

Salmos 104:35

Ac'o ulicuc ta banamil li jpasmuliletique; ac'o ch'ayicuc batel li chopol cristianoetique. Ta scotol jol co'nton ta xcalbe slequilal li Muc'ul Diose. Ich'biluc o ta muc' li Muc'ul Diose.

Salmos 106:48

Sbatel osil ac'o ich'atuc o ta muc' li Muc'ul Diose, ja' li Dios yu'un Israele. Jech ac'o yal scotol li cristianoetique: “Jechuc, jech ac'o c'otuc ta pasel; ich'biluc o ta muc' stuc li Muc'ul Diose”, ac'o xiicuc.

Salmos 41:13

Ac'o ich'atuc ta muc' li Muc'ul Diose, ja' li Dios yu'un Israele; ich'biluc ta muc' li' ta ora xchi'uc ta sbatel osil, ¡Jechuc! ¡Jechuc!

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Salmos 89:52

Ac'o ich'atuc ta muc' sbatel osil li Muc'ul Diose. Jech ac'o c'otuc ta pasel. Jechuc.

Jeremías 28:6

—¡Toj lec! Jech ac'o spas li Muc'ul Diose, ac'o yac' c'otuc ta pasel Muc'ul Dios li c'usi laj aval ti ta sut tal ta Babilonia li c'usitic chtun li' ta ch'ulna yu'un Muc'ul Diose xchi'uc scotol li boch'otic chucbil ibatique.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

1 Corintios 14:16

Pero me ta jch'uleltic no'ox ta jtojbetic ta vocol Diose, ¿c'u x'elan xu' “jechuc” xiic ec li boch'otic te jchi'uctic ti mu ja'uc jech sbijilique? yu'un mu xa'yic.

Apocalipsis 15:7

Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Apocalipsis 19:1

C'alal jech laj quile, ts'acal laj ca'ay tsots chc'opoj epal cristianoetic ta vinajel. Jech chalic: “Coliyal li Diose, yu'un ja' no'ox stuc chcoltavan, ech'em slequilal, ech'em svu'el.

Apocalipsis 19:3

Jech laj yalic noxtoc: “Coliyal li Diose, yu'un j'ech'el mu x'ul o li xch'ayilal lume”, xiic.

Apocalipsis 19:6

Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.

Apocalipsis 5:14

Li chanib c'usi cuxajtique jech laj yalic ec: “Jechuc”, xiic. Li chanib xcha'vinic (24) banquilaletique la spatan sbaic ta banamil; laj yich'ic ta muc' li Boch'o cuxul o sbatel osile.