Apocalipsis 19:3 - Bible in Tzotzil de Chenalhó with Deuterocanon

³ Jech laj yalic noxtoc: “Coliyal li Diose, yu'un j'ech'el mu x'ul o li xch'ayilal lume”, xiic.

Tzotzil Zinacantan

³ Iyalic noxtoc: ―Coliyalbotic Riox ti iꞌochic ta cꞌocꞌ ta sbatel osile ―xiic.

Bible in Tzotzil de Chamula

³ Laj taj une, laj ca'i ti xi lic yalic xtoque: “Sbatel osil xtomet ta xmuy ta vinajel ma' ti xch'ailale. Coliyal ti Diose.”

Tzotzil San Andres

³ Jech laj yalic nojtoc: ―Coliyalbutic li Diose yuꞌun ta jꞌechꞌel ichꞌayic o sbatel osil ―xiic.

Tzotzil de Huixtán

³ Yan vuelta laj yalic: ―Hocol yalbucutic ti Diose sbatel osil te chich'ic castigo o ―xchiic.

Apocalipsis 19:3 Iomraidhean Croise

Génesis 19:28

La sq'uel batel li lum Sodoma xchi'uc Gomorra xchi'uc scotol stenlejaltique. Te laj yil ti puru ch'ayil te chloq'ue; xco'laj xchi'uc xch'ayilal jun muc'ta tocalte'.

Salmos 104:35

Ac'o ulicuc ta banamil li jpasmuliletique; ac'o ch'ayicuc batel li chopol cristianoetique. Ta scotol jol co'nton ta xcalbe slequilal li Muc'ul Diose. Ich'biluc o ta muc' li Muc'ul Diose.

Isaías 34:10

Ta c'ac'al ta ac'ubal mu xtu'p o; sbatel osil te chloc' o xch'ayilal. Jayc'oluc cristianoetic chjelov, mu xa x'ayin o yajval yan velta; sbatel osil mu'yuc boch'o te chjelov o.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 18:18

X'avetic no'ox ta scoj ti bats'i yan sba xch'ayilal chc'ac' li muc'ta lume, jech chalic: “Mu'yuc yan lum jech chac c'u cha'al li muc'ta lume”, xiic.

Apocalipsis 18:9

Li ajvaliletic ta banamil ti imulivaj xchi'uquique, ti laj yac' sbaic ta spasel li c'usitic lec laj ya'yique, ch-oq'uic, chat yo'ntonic ti c'alal chilic yan sba xch'ayilal chc'aq'ue.

Apocalipsis 19:1

C'alal jech laj quile, ts'acal laj ca'ay tsots chc'opoj epal cristianoetic ta vinajel. Jech chalic: “Coliyal li Diose, yu'un ja' no'ox stuc chcoltavan, ech'em slequilal, ech'em svu'el.

Apocalipsis 19:4

Li chanib xcha'vinic (24) banquilaletique xchi'uc li chanib c'usi cuxajtique la spatan sbaic ta banamil, laj yich'ic ta muc' li Dios te chotol ta muc'ta chotlebale. Jech laj yalic: “Jechuc. Coliyal li Diose”, xiic.