Apocalipsis 19:16 - Bible in Tzotzil de Chenalhó with Deuterocanon

¹⁶ Ts'ibabil sbi ta snatil c'u' xchi'uc ta yo', jech chal: “Ja' muc'ta Ajvalil yu'un scotol muc'tic ajvaliletic; ja' Jpasmantal yu'un scotol jpasmantaletic”, xi ts'ibabil.

Tzotzil Zinacantan

¹⁶ Tsꞌibabil ta scꞌuꞌ xchiꞌuc ta yoꞌ ti “jaꞌ stot scotol li preserenteetique xchiꞌuc scotol li jyuꞌeletique.”

Bible in Tzotzil de Chamula

¹⁶ Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”

Tzotzil San Andres

¹⁶ Tsꞌibabil sbi ta scꞌuꞌ schiꞌuc ta yoꞌ, xi ta xal: “Jaꞌ banquilal ajvalil stuc. Jaꞌ ta spas ta mantal scotol li ajvaliletique”, xi tsꞌibabil.

Tzotzil de Huixtán

¹⁶ Ti sc'u' xchi'uc ti scub hech ts'ibabil sbi: Ja' ti reye ti tspas ti mantal scotol yan reyetic. Ja' ti totil ajvalile ti tspas ti mantal scotol yan ajvaliletic, xchi.

Apocalipsis 19:16 Iomraidhean Croise

Salmos 136:3

Tojbeic ta vocol li Muc'ul Ajvalil yu'un scotol ajvaliletique, yu'un sbatel osil mu xlaj o li c'uxubinel yu'une.

Salmos 72:11

Ac'o squejan sbaic ta stojol scotol li yantic ajvaliletique; ac'o abtejicuc yu'un scotol li cristianoetic ta yantic banamile.

Salmos 89:27

Jech ec li vu'une ta xcac' c'otuc ta ba nich'onil; ta xcac' muq'uibuc sc'oplal ta scotol ajvaliletic ta yantic banamil.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

San Mateo 25:40

Vu'un li muc'ta Ajvalilune jech ta jtac'beic: ‘Melel li c'usi chacalboxuque, ta sventa ti jech laj apasbeic li jchi'iltac ti biq'uit ch-ilatique vu'un laj apasbicun o ic'ot’, chcut.

Deuteronomio 10:17

Yu'un li Muc'ul Dios cu'untique ja' Dios yu'un scotol li yan diosetique, xchi'uc ja' Ajvalil yu'un scotol li ajvaliletique. Ja' no'ox stuc sventainoj scotol, ech'em tsatsal. Ja' no'ox stuc xi'bil. Muc t'ujbiluc no'ox tspas li boch'o chc'uxubine. Muc ta taq'uinuc chac' li c'uxubinele.

1 Timoteo 6:15

Yu'un me la sta sc'ac'alil yu'un li Diose, ta stac tal li Cajvaltic Jesucristoe. Yu'un ja' no'ox stuc toj ech'em slequilal yutsilal; ja' no'ox stuc ech'em smuc'ul. Ja' Ajvalil yu'un li ajvaliletique; ja' Jpasmantal yu'un li jpasmantaletique.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.