Apocalipsis 19:11 - Bible in Tzotzil de Chenalhó with Deuterocanon

¹¹ Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

Tzotzil Zinacantan

¹¹ Iquil ti jamal li vinajele. Iquil jcot saquil caꞌ. Li muchꞌu scajlebinoje jaꞌ ti albil onox scꞌoplal ti yech scotol li cꞌusitic chale. Jaꞌ yech chal ti cꞌu xꞌelan ijpastique, mu yechuc noꞌox chacꞌ castico.

Bible in Tzotzil de Chamula

¹¹ Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Tzotzil San Andres

¹¹ Iquil ijam li vinajele. Te iquil jcot saquil caaꞌ. Li buchꞌu scajlebinoje jaꞌ ti albil onoꞌox scꞌoplal ti jaꞌ melel scotol li cꞌusi ta xale. Tucꞌ ta xichꞌ cꞌop, mu jechuc noꞌox ta xacꞌ ichꞌ vocol.

Tzotzil de Huixtán

¹¹ Laj quil más ijam ti vinajele. Te oy saquil ca' laj quil. Ti much'u scajlebinoje toj yo'nton mu sna' xlo'lavan, xchi sc'opilal. Toj chchapanvan. Toj ti castigo chaq'ue.

Apocalipsis 19:11 Iomraidhean Croise

Salmos 50:6

Li vinajele ta xal ta jamal ya'yel ti ja' tuq'uil jchapanvanej li Diose.

Salmos 96:13

Aveticuc no'ox ta stojol li Muc'ul Dios c'alal ta xtale, yu'un ja' chtal xchapan sbejel li banamile; lec tuc' chchapan, tstusan scotol li jujun lume.

Salmos 98:9

Scotolic ac'o cuxetuc yo'ntonic ta stojol li Muc'ul Diose, yu'un ja' chtal xchapan sbejel li banamile. Lec tuc' chchapan scotol li banamile; lec co'ol chchapan scotol li jujun lume.

Salmos 99:4

Muc'ul Dios, vo'ot li muc'ul Ajvalilote, toj ech'em avu'el. Ja' chac'an li c'usitic tuq'ue; vo'ot laj avac' li c'usitic tuq'ue; lec tuc', oy lec smelol c'usi laj apas ta stojol li smomnich'nabtac Jacobe.

Éxodo 15:3

Li Muc'ul Diose ja' muc'ta jpaspleito. Ja' Muc'ul Dios sbi.

Isaías 32:1

Ta to xlic jun ajvalil lec tuc' tspas mantal, xchi'uc ta xlic yantic jpasmantaletic lec tuc' chchapanvanic.

Isaías 45:21

Ac'o tal yalic, ac'o tal spojic li sdiosique; ac'o sa'ic lec c'u x'elan chc'opoj scotolic. ¿Boch'o laj yal ta sliquebal ti jech chc'ot ta pasel jech chac c'u cha'al laj cale? ¿Me oy boch'o laj ono'ox yal ta vo'one? ¿Me muc vu'cun no'ox jtuc laj cal?, vu'un li Muc'ul Diosune. Mu'yuc yan Dios jech chac c'u cha'al vu'un; jtuc no'ox Diosun ti tuc' co'ntone, ti xu' cu'un chicoltavane; mu'yuc boch'o yan jech chac c'u cha'al vu'un.

Jeremías 33:15

C'alal me ic'ot yorail me ic'ot sc'ac'alil le'e, ta to xcac' licuc jun bats'i smomnich'on David, ja' tstuq'uibtas, ja' tsmeltsan lec li c'usi chich' pasel li' ta avosilalique.

Ezequiel 1:1

C'alal ja'o te oyun ta ti' muc'ta uc'um Quebar ta Babilonia banamil yo' bu chucbiluncutic batel jchi'uc yantic jchi'iltaque, laj quil ijam li vinajele; te laj quil ta jch'ulel li Diose. Ja' ta yo'bal c'ac'al stsacoj xchanibal u ta slajunebal xcha'vinic (30) jabil, ja' yo'bal jabil xa'ox xchuquel batel ta Babilonia ec li ajvalil Joaquine.

Zacarías 1:8

Oy jun ac'ubal laj quil ta jch'ulel jun soldado cajal ta tsajal ca'. Te oy ta stenlejaltic ta o'lol bic'tal te'etic. Te ta spate te oy yan ca'etic, ja' tsojic, ic'ic'tic sba stsajal, xchi'uc saquic.

San Juan 1:51

Li Jesuse jech laj yal noxtoc: —Ta melel, jamal chacalboxuc ava'yic. Li' tana xchi'uc le' to batele, chavilic jamal li vinajele; chavilic te xyal xmuyic ta jtojol li yaj'almantaltac Diose, vu'un ti Xnich'on cristiano lic'ote —xi li Jesuse.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 19:19

Laj quil te oy li ba'yuc jti'vanej bolome, xchi'uc te oy li ajvaliletic ta sbejel banamile, xchi'uc scotol li yajsoldadotaquique. Te tsobolic sventa tspasic pleito xchi'uc li boch'o cajal ta ca'e xchi'uc li yajsoldadotaque.

Apocalipsis 19:21

Scotol li yantique imilatic ta espada ti chloc' ta ye li boch'o cajal ta ca'e. Jech ital ti'batuc sbec'talic yu'un li xulemetique; solel x'ech'et xa yo'ntonic ta sti'el.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye:

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.

Apocalipsis 6:2

La jq'uel, ja' to laj quil te oy jcot saquil ca'. Li boch'o scajlebinoje yich'oj jun sflecha. I'ac'bat scorona, iloc' batel jech chac c'u cha'al li boch'o lec xu' yu'un tstsalvane, yu'un bat stsal scotol.