Apocalipsis 19:10 - Bible in Tzotzil de Chenalhó with Deuterocanon

¹⁰ La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Tzotzil Zinacantan

¹⁰ Ijquejan jba, ijnijan jba ta yichon li anjele, chquichꞌ ox ta mucꞌ ti caloje. ―Mu me xaquejan aba, yuꞌun chitun noꞌox yuꞌun li Rioxe chac cꞌu chaꞌal li voꞌote xchiꞌuc li yan achiꞌiltaque ti sjunul yoꞌonic chalic aꞌyuc scꞌoplal li Jesuse. Jaꞌ ichꞌo ta mucꞌ li Rioxe. Yuꞌun coꞌol chcaltic aꞌyuc scꞌoplal li Jesuse, coꞌol chitunotic yuꞌun li Rioxe chac cꞌu chaꞌal ti yajꞌalcꞌoptac Rioxe ―xiyut.

Bible in Tzotzil de Chamula

¹⁰ Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.

Tzotzil San Andres

¹⁰ La jquejan jba ta stojol li chꞌul ángele yuꞌun ta xquichꞌ ta mucꞌ. Jech liyalbe: ―Mu me xapas jech, yuꞌun coꞌol yajtunelutic Dios jech chac cꞌu chaꞌal la avermanotac ti jun yoꞌonic jamal ta xalbeic scꞌoplal li Jesuse. Jaꞌ ichꞌo ta mucꞌ stuc li Diose. Li joꞌone coꞌol jamal ta xcalbetic scꞌoplal li Jesuse, jech coꞌol yajtunelutic Dios schiꞌuc li buchꞌutic iyalic scꞌop Dios ta voꞌonee ―xiyut.

Tzotzil de Huixtán

¹⁰ Ho'oni laj jpatan jba ti stojol yu'un jc'an ti jpas ti muc'. Hech laj yalbun: ―Mu me xapas hech. Ja' chapas ti muc' ti Diose. Yu'un ho'oni co'ol cac'oj jbatic ti abatinel yu'un ti Diose xchi'uc scotol avermanotac uc ti jamal chalbeic sc'opilal ti Jesuse. Yu'un co'ol chcalbetic sc'opilal ti Jesuse, hech yu'un co'ol yabatucutic ti Diose xchi'uc ti j'alc'opetic ti vo'one ―xiyutun.

Apocalipsis 19:10 Iomraidhean Croise

2 Reyes 17:36

Jtuc no'ox me xavich'icun ta muc', xaquejan abaic ta jtojol, xamilbicun jmoton, yu'un vu'un Muc'ul Diosun avu'unic ti la jloq'uesoxuc tal ta Egipto ta jmuc'ul jtsatsale.

Salmos 45:11

Toj lec c'upil aba chayilot li ajvalile; ich'o me ta muc', yu'un ja' xa avajval.

Éxodo 34:14

“Mu me xavich'ic ta muc' yan dios, yu'un ta me x'it'ixaj co'nton vu'un li Muc'ul Diosune. Yu'un li jbie ja' Dios j'it'ixajel.

Daniel 2:46

Ja' yu'un li ajvalil Nabucodonosore la squejan spatan sba ta banamil ta stojol li Daniele, xchi'uc laj yal mantal ti ac'o yac'beic matanaletic xchi'uc pome.

Daniel 7:10

Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

Marcos 5:22

Te ic'ot jun vinic, ja' banquilal ta jun nail tsobobbail Jairo sbi. C'alal laj yil Jesús li Jairoe, tal squejan spatan sba ta stojol.

Marcos 7:25

Ta ora i'aybat sc'oplal yu'un jun ants, ochem pucuj ta yo'nton stseb. Te ital ta stojol li Jesuse; la squejan spatan sba ta stojol.

San Lucas 1:19

Itac'ov li j'almantale: —Vu'un Gabrielun, vu'un te chi'abtej ta stojol Dios. Ja' la stacun tal ti tal jc'opanote. Ja' tal calbot ava'ay li Lequil A'yej li'i.

San Lucas 24:44

Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

San Juan 5:39

Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc.

Hechos 10:43

Albil ono'ox sc'oplal yu'un j'alc'opetic ta vo'one noxtoc ti ja' ta sventa xu' ta staic perdón yu'un smulic scotol li boch'otic ta xch'unique —xi li Pedroe.

Hechos 13:27

Pero li jnaclumetic ta Jerusalene xchi'uc li banquilaletic yu'unique muc xotquinic li Jesuse, xchi'uc muc xa'ibeic smelol c'usi laj yalic li j'alc'opetique, ja' ti chich' aptael ta sc'ac'alil ta jcux co'ntontique. Ja' yu'un ja' la sc'otesic c'usi ts'ibabil comel c'alal la smilic li Jesuse, pero muc sna'ic.

2 Corintios 8:7

Yu'un li vo'oxuque ataojic xa scotol. Oy xch'unojel avo'ntonic, lec xu' avu'un chac'opojic, oy lec abijilic, oy ta avo'nton chapasic scotol, xchi'uc laj xa achanic c'anvanej ta jventacutic. Ja' yu'un ja'uc me jech ep slequil avo'ntonic ta stsobel noxtoc li coltael chavaq'uique.

Efesios 5:15

Ja' yu'un q'uelo me abaic lec ta sventa li c'usitic chapasique. Mu me jechucoxuc jech chac c'u cha'al li boch'o bolique, ja'uc jechoxuc jech chac c'u cha'al li boch'o bijique.

Efesios 5:33

Ja' yu'un viniquetic, c'ano me avajnilic jujunoxuc jech chac c'u cha'al c'ux ta avo'nton abec'tal atuquique. Jech ec li antsetique, ac'o yich' ta muc' li smalalique.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

1 Tesalonicenses 5:15

Q'uelo me abaic, mu me xapacbe abaic li c'usi chopol chapasbe abaique. Ja' tsc'an lec c'usi chapasbe abaic scotol c'ac'al li jujunoxuque. Jech noxtoc lec c'usi xapasbeic scotol li cristianoetique.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

1 Juan 5:21

Jnich'nabtac, q'uelo me abaic ta sventa li sloc'obal c'usitic cuybilic ta Diose.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 12:17

Ja' yu'un li dragone bats'i tsots i'ilin ta stojol li antse, jech bat spas pleito xchi'uc li yantic yalabtaque. Ja' li boch'otic xch'unojbeic smantaltac Diose xchi'uc ti jamal chalic ti xch'unojic li Jesucristoe.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.

Apocalipsis 4:10

Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic: