Apocalipsis 19:1 - Bible in Tzotzil de Chenalhó with Deuterocanon

¹ C'alal jech laj quile, ts'acal laj ca'ay tsots chc'opoj epal cristianoetic ta vinajel. Jech chalic: “Coliyal li Diose, yu'un ja' no'ox stuc chcoltavan, ech'em slequilal, ech'em svu'el.

Tzotzil Zinacantan

^1-2 Tsꞌacal to icaꞌi ch-avan ep crixchanoetic ta vinajel: Coliyalbotic li Cajvaltique ti lispojotic xae, ti muc xquichꞌtic casticoe. Stuc noꞌox oy syuꞌel. Stuc noꞌox chquichꞌtic ta mucꞌ yuꞌun lec tajmec li cꞌusi tspase. Iyacꞌbe xa castico yuꞌun smulic li jbabiloniaetique ti ichꞌbilic toꞌox ta muqꞌue. Yuꞌun jaꞌ ta smulic ti isoc li crixchanoetique chac cꞌu chaꞌal tsocvan jun ants ti tol saꞌ yajmule. Yuꞌun jaꞌ ta smulic ti muc xichꞌic ta mucꞌ Riox li crixchanoetique. Jaꞌ istojic noxtoc ti lismilotic ti chitunotic yuꞌun li Rioxe, xiic.

Bible in Tzotzil de Chamula

¹ Laj taj une, laj ca'i oy buch'u ep ta xc'opojic ta vinajel ti xi tsots ta xalique: “Ta sventa smuc'ul stsatsal slequilal yutsilal Dios cu'untic, laj jtatic ti pojel colele. Colij'albat yu'un.

Tzotzil San Andres

^1-2 Ta tsꞌacale icaꞌi tsots ta xcꞌopoj epal crixchanoetic ta vinajel. Jech laj yalic: Coliyalbutic li Dios cuꞌuntique yuꞌun lijcolutic xa yuꞌun. Echꞌem stsatsal sjuꞌel. Jaꞌ noꞌox stuc ichꞌbil ta mucꞌ yuꞌun tucꞌ ta xichꞌ cꞌop. Laj yacꞌbe xa yichꞌic vocol ta scoj smulic li jbabiloniaetic ti ichꞌbilic toꞌox ta muqꞌue. Yuꞌun jaꞌ la soc scotol li crixchanoetique jech chac cꞌu chaꞌal ta socvan jun jmulivajel ants. Yuꞌun jaꞌ ta scojic ti muc bu xichꞌic ta mucꞌ Dios li crixchanoetique. Schiꞌuc laj yacꞌbe yichꞌic vocol ta scoj ti la smilic li yajtuneltac li Diose, xiic.

Tzotzil de Huixtán

¹ Ho'on ti Juanune patil laj ca'ibe sc'op ep crixchanoetic te ti vinajel. Ep ti jyalel. Tsots chc'opojic, hech laj yalic: Hocol yalbucutic ti Diose, nijcolucutic xa ti sventa ti Cajvaltic Dios cu'untique. Stuc chch'umbat sc'op sbatel osil. Stuc tspas mantal sbatel osil.

Apocalipsis 19:1 Iomraidhean Croise

1 Crónicas 29:11

Vo'ot no'ox atuc oy ta aventa ich'el ta muc'; albel alequilal. Vo'ot no'ox oy atsatsal, oy avu'el; aventainoj scotol. Yu'un ja' avu'un scotol li c'usitic oy ta vinajel xchi'uc ta banamile. Vo'ot chapas ta mantal scotol, yu'un vo'ot no'ox banquilalot atuc.

Salmos 104:35

Ac'o ulicuc ta banamil li jpasmuliletique; ac'o ch'ayicuc batel li chopol cristianoetique. Ta scotol jol co'nton ta xcalbe slequilal li Muc'ul Diose. Ich'biluc o ta muc' li Muc'ul Diose.

Salmos 106:1

Ich'biluc ta muc' stuc li Muc'ul Diose. Ich'ic ta muc' li Muc'ul Diose, yu'un ja' toj lec yo'nton, yu'un sbatel osil mu xlaj o li c'uxubinel yu'une.

Salmos 111:1

Ich'biluc ta muc' li Muc'ul Diose. C'alal te jmoj tsobolun jchi'uc li boch'otic tuc' c'usi tspasique, ta scotol co'nton ta xquich' ta muc' li Muc'ul Diose.

Salmos 115:18

Pero li vu'utique calbetic slequilal li' ta ora xchi'uc c'alal to ta sbatel osil. Ich'biluc o ta muc' li Muc'ul Diose.

Salmos 146:1

Quich'tic ta muc' li Diose. Scotol jol co'nton ta xcalbe slequilal li Muc'ul Diose.

Salmos 148:1

Quich'tic ta muc' li Diose. Albeic tal slequilal te ta vinajel li Muc'ul Diose; albeic slequilal te ta toyol.

Salmos 149:1

Quich'tic ta muc' li Diose. Q'uejintaic ta ach' q'ueoj li Muc'ul Diose; ac'o yich' q'uejintabel slequilal te yo' bu tsobol li yu'untaque.

Salmos 150:1

Ich'ic ta muc' li Diose. Ich'ic ta muc' te ta xch'ulna li Diose; ich'ic ta muc' te ta vinajel.

Salmos 3:8

Muc'ul Dios, vo'ot no'ox xu' chacoltavan. Ac'bo bendición li jteclum avu'une.

Salmos 62:11

Oy ic'opoj jun velta li Diose; chib velta laj ca'ay laj yal ti ja' no'ox stuc oy svu'ele,

Jeremías 51:48

Li vinajel banamil xchi'uc li c'usitic te oye xcuxet no'ox yo'ntonic chq'uejinic ta sventa li Babiloniae, yu'un ta xtal jmilvanejetic ta norte. Jech chcal vu'un li Muc'ul Diosune.

Jonás 2:9

Yan li vu'une xi'avet no'ox chlic quich'ot ta muc', chlic cac'bot amoton. Li c'usi caloj ta atojole ta jpas. Yu'un vo'ot no'ox atuc xu' avu'un chacoltaun”, xi la sc'opan Dios li Jonase.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 12:10

Laj ca'ay oy boch'o tsots chc'opoj ta vinajel, jech laj yal: “Li' xa oy li coltael yu'un Dios cu'untique. Ivinaj xa li svu'ele, xchi'uc ti ja' tspas mantal stuque. Jech noxtoc laj xa yich' tsots svu'el li Cristoe, yu'un ijipat xa yalel li jtic'mulil yu'un jch'unolajeletic te ta banamile ti ta c'ac'al ta ac'ubal tstiq'uilanbe smul ta stojol li Dios cu'untique.

Apocalipsis 19:6

Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.