Apocalipsis 18:9 - Bible in Tzotzil de Chenalhó with Deuterocanon

⁹ Li ajvaliletic ta banamil ti imulivaj xchi'uquique, ti laj yac' sbaic ta spasel li c'usitic lec laj ya'yique, ch-oq'uic, chat yo'ntonic ti c'alal chilic yan sba xch'ayilal chc'aq'ue.

Tzotzil Zinacantan

⁹ ’Li preserenteetic ta sjunlej balamile ti mu xichꞌic ta mucꞌ li Rioxe, ti jaꞌ noꞌox ispasic cꞌusi chal yoꞌonic chac cꞌu chaꞌal li jbabiloniaetique, ta xꞌoqꞌuic ta xat yoꞌonic ti cꞌalal chilbeic xchꞌailal li steclumal jbabiloniaetique.

Bible in Tzotzil de Chamula

⁹ Ti ajvaliletic oyic ta banomil ti mulivajic xchi'uque, ti jmoj laj spasic c'usi ta sc'an ti yo'ntone, x'oq'uic xa liquel ta at o'nton c'alal ta xilic xtomet ti xch'ailal ta xc'aq'ue.

Tzotzil San Andres

⁹ ’Li ajvaliletic ta spꞌejel balumil ti mu xichꞌic ta mucꞌ li Diose, ti jaꞌ tspasic li cꞌustic ta scꞌan stuquic schiꞌuc li cꞌustic oy yuꞌunic jech chac cꞌu chaꞌal li jbabiloniaetique, ta xꞌoqꞌuic ta xat yoꞌonic li cꞌalal ta xilic ti yan sba schꞌailal li steclumalic li jbabiloniaetique.

Tzotzil de Huixtán

⁹ Ti ajvaliletic te ti balumile, ja' ti laj xch'umbeic smantal ti babiloniaetique, ja' ti muc xch'umbeic smantal ti Diose, ch-oq'uic ti c'alal chilic ti chc'ac' ti jteclum yu'un ti babiloniaetique yu'un tsna'ic ti babiloniaetique. Chich'ic mul yu'un ti chc'aq'uique.

Apocalipsis 18:9 Iomraidhean Croise

Génesis 19:28

La sq'uel batel li lum Sodoma xchi'uc Gomorra xchi'uc scotol stenlejaltique. Te laj yil ti puru ch'ayil te chloq'ue; xco'laj xchi'uc xch'ayilal jun muc'ta tocalte'.

Salmos 58:10

Li boch'o tuc' yo'ntonique xcuxet no'ox yo'nton c'alal chilic tstabeic spacol li yajcontraique; tspoc yacanic o ya'yel ta xch'ich'al li boch'otic chopolique.

Isaías 13:19

Li Babilonia ti toj c'upil sba ta scotol yantic banamile, ti xco'laj xchi'uc snats'ic, xchi'uc ti ja' stoyobbailic c'otem li caldeaetique, ja' jech chcomic jech chac c'u cha'al Sodoma xchi'uc Gomorra ti c'alal laj culese.

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Jeremías 50:40

Ja' jech ta xcom jech chac c'u cha'al Sodoma xchi'uc Gomorra xchi'uc li yantic lumetic te ta spat xocon ti iyavnaijesatic yu'un Diose. Ja' jech mu'yuc xa boch'o te ta xnaqui o, me jutuc mu'yuc yajval chcom o”, xi li Muc'ul Diose.

Jeremías 50:46

C'alal chjin li Babiloniae, ta xnic li banamile, yu'un xc'ululet ta jyalel. Li oq'uele xvinaj to batel ta yantic lumetic.

Jeremías 51:8

Pero ta anil no'ox ta xlom li Babiloniae, toj lilijel chc'ot. Oc'anic, avananic ta stojol. Ich'beic tal jutuc xpoxil ti bu tuch'emique; oy yic'al ta to xcol”, xi li Muc'ul Diose.

Ezequiel 27:35

Scotol li jnaclumetic ta jujun banamil cacajtic ta nabe ibat xch'ulelic ta acoj; li ajvaliletique xt'elajetic ta xi'el solel iyanij satic o ta scoj li xi'ele.

Daniel 4:14

Tsots ic'opoj, jech laj yal: ‘Ts'etic li te'e, lilinbeic li sc'obc'obe; tulbeic scotol li yanale, tanpuc ac'o batuc avu'unic li sate. Ac'o batuc scotol li chonbolometic te oyic ta yolone, xchi'uc li mutetic te oyic ta sc'obc'obe.

Deuteronomio 29:23

Ta xilic ta scotol yosilalic puru azufre, ats'am, xchi'uc c'aq'uem banamil. Jech mu'yuc xa c'usi xu' chich' ts'unel. Mu'yuc xa c'usi chloc' o, me jutuc mu xa xch'i vomoletic jech chac c'u cha'al ic'ot ta pasel ta stojol li Sodoma, Gomorra, Adma, xchi'uc ta Zeboim, ti la slajes ta sc'ac'al yo'nton li Muc'ul Dios c'alal i'ilin ta stojolique.

1 Timoteo 5:11

Pero li me'on antsetic ti mu to sta oxvinic (60) sjabilalique, mu xu' chatsacbe ta vun sbiic, yu'un naca me ipich'aj to yo'ntonic, naca me la snop to chmalijic, jech chlic scomtsanic spasel li c'usi yalojic ta stojol Cristoe.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 17:2

Ja' ti imulivaj xchi'uc li ajvaliletic ta banamile. Jech noxtoc li jnaclumetic ta banamile xco'laj xchi'uc yacuben xchi'uquic li mulil ti tsc'an li antse”, xiyutun.

Apocalipsis 18:18

X'avetic no'ox ta scoj ti bats'i yan sba xch'ayilal chc'ac' li muc'ta lume, jech chalic: “Mu'yuc yan lum jech chac c'u cha'al li muc'ta lume”, xiic.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 18:3

Yu'un scotol cristianoetic ta jujun banamil laj yac'be yuch' li sbel sbis ti nojem ta mulivajeletic yu'une. Scotol li ajvaliletic ta banamile imulivajic xchi'uc. Scotol li jchonolajeletic, li jmanulajeletique ipasic ta jc'ulej xchi'uquic li c'usitic c'upil cha'ay ti mu'yuc spajebe”, xi li j'almantale.

Apocalipsis 18:7

Ti c'u yepal la stoy sbae xchi'uc ti jayib velta la spas c'usitic lec cha'ay stuque ja' jech yepal vocol, ja' jech yepal at-o'nton chich'. Yu'un jech chal ta yo'nton: ‘Li vu'une chotolun lec ta jchotleb jech chac c'u cha'al jun me' ajvalil. Mu ja'uc jechun jech chac c'u cha'al jun me'on ants; mu'yuc c'usi ora chquil ta jsat chi'oc'’, xi.

Apocalipsis 19:3

Jech laj yalic noxtoc: “Coliyal li Diose, yu'un j'ech'el mu x'ul o li xch'ayilal lume”, xiic.

Apocalipsis 2:22

Ja' yu'un a'yo ava'yic, vu'un ta jip yalel ta svayab. Jech noxtoc li boch'otic ja' la xch'unic lo'lael yu'un li antse, ta xcac'be tsots svocolic ec me mu sutes yo'ntonic yu'un smulique.